Entrevistamos a Marta Villar, directora da revista Croa Magazine.

O día 16 de xaneiro  tivo lugar na escola a charla da ex-alumna e actual directora da revista cultural CROA Magazine, Marta Villar, falándonos do seu emocionante  proxecto. Deixámosvos unha entrevista onde se fai un percorrido por algunhas das cuestións das que nos falou, así como tamén un pequeno extracto da charla.

Seguir leyendo «Entrevistamos a Marta Villar, directora da revista Croa Magazine.»

Realizouse o 1º curso de Introducción á Tipografía


Os días 11 e 12 iniciouse o ciclo de cursos monográficos en aula D, para o ano 2013, co seminario de Introducción á Tipografía impartido por Diego Fernández, deseñador e profesor da escola. Levouse a cabo unha panorámica histórica da evolución da escritura e a tipografía nas súas diferentes etapas, así como unha aproximación á morfoloxía dos caracteres (estructura, as súas partes, variacións e estilos, etc).

Polo debate e as preguntas fíxose patente que entre os e as participantes había gañas de profundizar un pouco máis e tocar temas que, pola brevidade do curso, quedaron fora de tempo ou en segundo plano.

Agardamos que en vindeiros cursos e obradoiros sobre tipografía poidamos adentrarnos xa en cuestións próximas á práctica profesional e desenvolver ámbitos máis concretos desta apaixonante disciplina do deseño.

Cursos monográficos 2013

En Aula D,  Escola de Deseño estamos de aniversario. Levamos 25 anos coa dedicación exclusiva de formar profesionais do deseño. Co pulo de adaptarnos ás novas circunstancias sociais e profesionais, e atendendo a algunhas solicitudes, ofertamos unha serie de cursiños monográficos en 2013.

Os cursos están dirixidos a 2 tipos de alumnado:
NIVEL BÁSICO: Persoas que se queren iniciar no mundo do deseño.
NIVEL AVANZADO: Profesionais ou estudantes de deseño gráfico ou interior, que desexan complementar a súa formación.

cursos 2013

O horario dos cursos será os venres de 19.00h a 21.00h e sábados de 10.00h a 14.00h para non interferir co resto de actividades dos asistentes.
Nas próximas semanas concretaremos o calendario e os contidos, duración… Se tedes algunha suxerencia sobre estes ou outros cursos podedes contactar con cursos@aulad.com

[ACTUALIZACIÓN]  – Xa está dspoñible o calendario de cursos para os meses de xaneiro e febreiro; podedes consultalo no seguinte enderezo:
https://aulad.com/blog/2012/12/10/cursos-monograficos-xaneirofebreiro-2013/ 

Un saúdo. Aula D

A metanarrativa visual de Diego Mallo

Recentemente ven de publicarse na prestixiosa revista alemana Novum o traballo do deseñador e ilustrador Diego Mallo Ferrer (Vigo, 1974). O seu traballo, desenvolvido fundamentalmente dende a imaxe fotográfica e a ilustración nútrese de referentes vencellados ao surrealismo (Josep Renau, John Heartfield) ainda que articulando unha narrativa visual máis contemporánea e próxima a autores como Daniel Gil ou Isidro Ferrer cos cales comparte, por certo, a creación de portadas para libros.

Formado en Belas Artes na Universidade de Barcelona (e actualmente vivindo entre esta cidade e Londres), os seus traballos reflicten unha importante pegada procesual, froito da constante labor de experimentación presente ao longo de todo o seu percorrido vital e profesional no que tivo a ocasión de profundizar en disciplinas tan diversas coma o debuxo, a escultura, a serigrafía ou a animación, aspectos estes esenciais no resultado das súas propostas máis actuais.

As súas pezas gozan da capacidade de atrapar ao espectador no tanto que, dende unha -aparentemente- sinxela e nítida formalización, agochan unha histora sorprendente, aberta, reflexiva, sutil e -en moitos casos- trascendente, producto sempre da condición humana.

Charla-coloquio: “Cerámica y función” por Miguel Vázquez

Dentro do ciclo de conferencias que ven promovendo a escola ao longo deste curso, o mércores día 11de abril o ceramista Miguel Vázquez falou sobre  Cerámica  e función. 

Na  charla-coloquio  Miguel Vázquez, membro da Academia Internacional de Cerámica de Xenebra (Suíza) e profesor do Obradoiro de Cerámica da Escola Municipal de Artes e Oficios de Vigo, explicou a evolución e funcionalidade do deseño cerámico dende Arts&Crafts ata os nosos días, facendo un breve repaso da obra de diferentes autores nacionais e internacionais do talle de Sori Yanagi, Eva Zeisel, Nathalie Choux, Tomas Kral, Ariel Rojo ou as galegas Marta Armada e María Meda , que se adican ao deseño de moda e complementos, que comezaron a súa andaina no mundo cerámico da man de Miguel Vázquez.

Lugar: aulaD, escola de Artes e Deseño. Rúa Ourense 4, Vigo
Data: 11 de abril ás 12:00
Acceso: libre ata completar aforo

Ingrid Siliakus: arquitectura de papel

Fai uns 10 anos a artista Ingrid Siliakus descubriu a Arquitectura Origámica da man do profesor Masahiro Chatani, do cal estudou a súa obra, quedando dende entón fascinada por esta disciplina; por mor disto, adicouse a investigar e crear pequenas obras arquitectónicas de gran detalle e de apariencia fráxil pero estructuralmente complexas.

As súas especialidades son os edificios dos maestros da arquitectura e as esculturas abstractas complexas, sendo os seus traballos próximos aos doutros artistas como Marivi Garrido, Takaaki Kiharo,  Keiko Nakazawa, ou o propio Masahiro Chatani.

Ademáis de múltiples exposicións, editou tamén un libro, que recolle parte do seu traballo, titulado From building to card.

Para saber máis sobre a súa obra e a Arquitectura Origámica véxase:
http://ingrid-siliakus.exto.org/
http://www.flickr.com/photos/paperarchitect/
http://members.ams.chello.nl/rebran/gebned.htm
http://members.ams.chello.nl/rebran/eschereng.htm


 

 

 

 

 

Espazos comúns

A rede experimentou ao longo dos últimos cinco anos un cambio cuantitativo e cualitativo que nos permite, a día de hoxe mergullarnos nun mar de información cada vez máis profusa a través de diferentes medios; este cambio afecta inevitablemente á nosa forma de pensar, de actuar e de relacionarnos.
Conscientes de elo, dende a escola queremos expandir os límites da aula para xerar outros espazos comúns dende os que poder desenvolver dun xeito máis eficaz e diverso a nosa labor profesional.

Con estes criterios nace a idea de abrir este canal, a través do cal -e de forma complementaria aos contidos propios dos ciclos- tentaremos facernos eco de diferentes noticias, eventos, artigos, entrevistas, etc que poidan aportar coñecemento e novos puntos de vista sobre aqueles temas nos que traballamos directa o tanxencialmente no noso día a día. Queremos tamén que dende aquí sexa posible mostrar algúns dos bos traballos que os nosos alumnos e alumnas realizan ao longo da súa carreira académica, xa que habitualmente ditos proxectos non transcenden do ámbito da escola, e a súa posta en valor nos parece positiva á vez que necesaria.
De xeito paralelo, todos aqueles contidos publicados neste blog terán o seu reflexo nas contas de Facebook e Twitter da escola para facilitar o seu seguimento e difusión.

Por todo elo animámosvos a que, a partires de este intre, vos asomedes puntualmente por aquí para ler un pouco sobre aquelas cuestións que, pola nosa profesión, resultan sempre apaixonantes.

Navegación de entradas

1 2 3 4 5 6 7
Volver arriba