NO CTRL-Z, Tantas Imaxes.

O pasado 24 de xuño tivo lugar no espazo CUBO e na sala Apos’trophe a presentación dos seis primeiros cadernos da colección Tantas Imaxes. O No. 3 NO CTRL-Z é o resultado, en parte, da colaboración entre a escola Aula d e a editorial Freire, dirixida por Alfons Freire.

Nel abórdanse cuestións como a contaminación, a desertización, a desaparición dos ecosistemas, o aumento do nivel do mar, a pegada ecolóxica ou o concepto de antropoceno. Manuel Arias Maldonado, profesor de Ciencias Políticas na Universidade de Málaga, no seu libro Antropoceno, a política na era humana define este concepto xeolóxico como o final sublime. Un dos grandes desexos da humanidade ao longo da historia foi imprimir a súa imaxe no planeta; a rede global de estradas, as minas, as liñas de metro, as mega cidades, os grandes monumentos e sobre todo os refugallos, constitúen a pegada que os seres humanos deixan e deixarán na Terra.

Dende a escola queremos agradecerlles aos antigos alumnos e compañeiros a súa participación no caderno No. 3 NO CTRL-Z, David Rodriguez, Sara Veiga, Caludia Silva, Firmo Escariz, Kike Besada, Kike Pereira, Rosa Mouriño, Xan Centrón, Diego Orge, Susana Román, Iago Araujo.

O arcebispo anglicano James Ussher publicou Annals of the World en 1650. En dito libro, Ussher explica que despois dunha «escrupulosa» análise dos textos bíblicos chegou á conclusión de que Deus creou o ceo e a terra no ano 4.004 a.c. Asemade, o diluvio universal aconteceu no 2.348 a. c. e Xesús naceu no 4 a.c.

A suposta precisión dos cálculos lle proporcionou una grande verosimilitude, polo que a partires de ese momento, e a falta de argumentos que o refutaran, adoptouse dito calendario. Durante os séculos xviii e xix, baixo o pensamento ilustrado, foi posible descubrir gran cantidade de restos fósiles que suxerían a pouca veracidade das datas propostas por Ussher. Por exemplo, Boucher de Perthes atopou en Abbeville (Francia) en 1846 industria lítica xunto a restos de animais extinguidos, o que demostraba a súa coexistencia e polo tanto a grande antigüidade do home. Hoxe sabemos que a terra ten arredor de 4.500 millóns de anos e a aparición do xénero homo, máis de 2 millóns de anos. Os avances da ciencia restaron credibilidade á igrexa, pero en vez de arrebatarlle a hexemonía do pensamento occidental, a ciencia cedeu ao capitalismo.

Hai uns 10.000 anos, na revolución neolítica, o home estableceuse por primeira vez en pequenos poboados que deron orixe á agricultura, e con ela á modificación da súa contorna. Pero non foi ata a aparición do capitalismo (na procura do máximo beneficio) no século xviii e sobre todo no xix, cando se produce una verdadeira pillaxe dos recursos naturais que medra exponencialmente ata hoxe, cando moitos pensan que xa é irreversible. A esta época a coñecemos como Antropoceno, polo impacto global que produce a actividade humana.

Dende Aula D, Escola de Deseño propuxemos a antigos alumnos e alumnas (que hoxe son deseñadores gráficos ou de interiores) que representaran a súa idea de Antropoceno mediante imaxes. Hai propostas explícitas e outras máis abstractas, pero en todas apréciase un pesimismo pouco contido.

Dixo o pensador francés André Malraux: «O século XXI será espiritual ou non será». Con estes poucos anos que levamos de século sí podemos afirmar xa que o século xxi é, entre outras cousas, superficial.

Xerardo Pérez Medrano, Director de Aula D.

Moitas grazas a todos os compañeiros de Aula d que participaron neste número e a Alfons Freire por darnos a oportunidade de expresar os nosos mensaxes sobre este tema, que dende o punto de vista do deseño, tamén de nós cerca .

Nicolás Martínez del Reis. Premio extraordinario en las enseñanzas artísticas profesionales en la modalidad de Artes plásticas y Diseño 2019/20

La Xunta de Galicia acaba de publicar en el Diario Oficial de Galicia la resolución de la concesión de los premios extraordinarios en las enseñanzas artísticas profesionales en las modalidades de Música, de Danza y de Artes plásticas y Diseño. Con ellos se reconocen y se valoran públicamente los méritos académicos y artísticos excepcionales basados en el esfuerzo y en el trabajo de cinco alumnas y alumnos que finalizaron sus estudios en el curso 2019/20 con un excelente resultado académico.

Los dos galardones otorgados en la modalidad de Artes plásticas y Diseño fueron para Elva Alján Alves de la Escuela de Arte y Superior de Diseño Pablo Picasso de A Coruña en la especialidad de ilustración; y Nicolás Martínez del Reis, en el CE.ART Aula D de Vigo, en la especialidad de Proyecto y dirección de obras de decoración.

“¿Qué sentido tiene correr, si has elegido el camino equivocado?”. Con esta cita comenzó Nicolás Martinez Do Reis, alumno del ciclo formativo de Proxectos e Dirección de Obras de Decoración, la presentación de su proyecto final, S.ECO, un espacio de trabajo en el que se unen por un lado los nuevos modelos laborales más flexibles y adaptativos, espacios coworking, con la conciencia ecológica ineludible en el campo del diseño y la arquitectura de este momento.

Desde la escuela queremos felicitarle, con todo nuestro cariño, por ser uno de los estudiantes que ha alcanzado el Premio extraordinario en las enseñanzas artísticas profesionales en la modalidad de Artes plásticas y Diseño de la comunidad autónoma de Galicia en curso 2019/20.

Os dejamos aquí la entrevista que Elena Villanueva, del Faro de Vigo, realizó a Nicolás en Aula D.

Felicidades Nico!

LA PRIMERA VEZ

v&ba

O martes 12 de marzo ás 11.00h terá lugar en Aula D a conferencia «La primera vez», impartida pola arquitecta Elena Gimeno e o deseñador gráfico Enrique Pereira, ambolosdous membros do estudio baionés V&Ba, que amosarán traballos da súa traxectoria profesional nos ámbitos da arquitectura e o deseño gráfico.

Abrir publicación

Print isn´t dead. – Exposición de Tirso Sánchez Otaegui

No ano 1995 publicábase o libro The end of print, adicado ao traballo do deseñador David Carson no que, dalgún xeito, parecía vaticinarse a fin do traballo gráfico impreso en favor da incipiente revolución dixital. Resulta evidente que aqueles agoiros non chegaron a cumplirse, aínda que é certo que a popularización -e a explosión- global do deseño gráfico viu da man de internet, medio a través do que accedemos diariamente a unha inxente cantidade de produtos gráficos publicados en todo o mundo.

Sen ánimo de restarlle valor a este útil medio dixital, aos que nos adicamos á comunicación visual resúltanos especialmente gratificante ver un bo traballo impreso, tocar o papel e percibir o rastro das tintas flotando no aire, algo que visto exclusivamente coa perspectiva dun presente dixitalizado parece relegar este deleite sensorial ben a unha especie de nostalxia analóxica, ben ao ámbito da artesanía (termo lamentablemente usado en ocasións cun caracter despectivo).

Para Tirso Sánchez Otaegui (San Sebastián, 1972) a parte implícita ao proceso de fabricación dun produto gráfico resulta esencial para a construción dunha linguaxe próxima ao público así como para a re-construcción do contexto urbán e cosmopolita que referencia nos seus traballos, da experiencia vital, das múltiples viaxes, da ida e da volta, da mestizaxe cultural, dos lugares e das súas iconas. Etiquetalo como artista, ilustrador, grafista, deseñador, serigrafista ou artesán é, a día de hoxe, máis un impedimento que unha necesidade para poder contemplar sen prexuizos o excelente traballo deste profesional (e dito sexa con orgullo, exalumno da nosa escola).

En un entorno saturado de imágenes digitales, donde impera el píxel y la resolución, donde las obras son reproducidas mediante máquinas de altísima tecnología, esta exposición pretende ser una voz para volver a los orígenes de la reproducción gráfica. Artesanía, esfuerzo y dedicación nos abren las puertas a la exploración, la creatividad y la realización personal, pero también a los errores y a inevitables frustraciones.

Nada como el olor a tinta fresca por la mañana.

Entre o 27 de marzo e o 2 de maio podedes achegarvos ata as nosas instalacións (Aula D, escola de deseño -Rúa Ourense 4, Vigo) e visitares a exposición Print isn´t dead, unha escolma de 25 serigrafías orixinais producidas por Tirso Sánchez Otaegui entre Vigo e Londres durante os dous últimos anos.
Lembrade que a escola permanecerá pechada en Semana Santa, do 10 ao 17 de abril.

Tamén teremos a oportunidade de escoitar de boca do autor as súas reflexións sobre a experiencia profesional e o proceso creativo nunha charla que terá lugar na escola o martes 4 de abril ás 11:15h. [ACTUALIZADO] 

Acto de entrega de títulos

titulos-aula-d

O venres 27 de maio tivo lugar no edificio do antigo Rectorado o acto de entrega de diplomas aos titulados dos ciclos de Gráfica Publicitaria e Proxectos e Dirección de Obras de Decoración de Aula D xunto co alumnado doutras especialidades e escolas da cidade (Escola de Xoiería do Atlántico, Goymar & Tex Moda, Air Hostess, Falcata e Ría de Vigo Golf).

Dende Aula D queremos expresar o noso agradecemento ao alcalde D. Abel Caballero e á concellala de Educacion Dª. Olga Alonso, aos organizadores, ás outras escolas participantes e, moi especialmente, aos nosos alumnos e alumnas quen, tras rematar os seus estudos demostran xa o seu talento día a día no ámbito laboral. Grazas a todos e todas!

SER ES CREAR, exposición de Vanesa Álvarez Díaz

vanesa-alvarez

O vindeiro venres día 12 ás 19:30h. inaugúrase na galería SOHO (Praza de Compostela 8, Vigo) a exposición Ser es crear, da artista gráfica, deseñadora, e exalumna de Aula D, Vanesa Álvarez Díaz.

Arte e poesía sempre tiveron unha marca palpable nos deseños desta artista gráfica que participou en exposicións de xoiería (premios GZ Crea), fotografía (Casa das Mulleres) na performance «Xardín Segredo» no M.A.R.C.O. (en colaboración con La Canalla) ou en colectivas de cartelismo «Plantemos cara ás armas» no VERBUM.

Nesta exposición, composta por 22 pezas, preséntanos unha retrospectiva das mellores ilustracións de carteis de La Fiesta de los Maniquíes (Cocktail & Music Club en Vigo, centro de lecer e motor cultural vigués dende 2010, e que dirixe co seu compañeiro, o poeta Marcos de la Fuente).

No seu imaxinario adivíñanse viaxes polo mundo, cunha proposta moi icónica que dota de vida corpos, xeometrías e estruturas posmodernistas, coa natureza como axente inspirador. O encontro entre o salvaxe e o urbán desemboca nun paseo a polo universo dos soños que se vai descifrando a través unha visión optimista do mundo que nos rodea.

O feminino reflíctese no seu traballo como unha forza visionaria, con ecos de Barbara Kruger, Cindy Sherman ou Marina Abramovic, reivindicando a figura da muller loitadora e sofisticada. A pasarela de moda, a Bauhaus, Win Wenders, Joseph Beuys, Nam June Paik ou Banksy son algunhas das súas influencias directas.

Esta exposición é tamén unha reivindicación da figura do artista gráfico nas galerías de arte, sexa como un creador directo ou xerador de conceptos artísticos. A creación como principio vital. A creación como fonte de vida ou cando crear é dar existencia á propia obra e a un mesmo.

Iniciativa empresarial e práctica profesional do deseño. Seminario.

O martes día 5 de abril comeza o Seminario Iniciativa empresarial e práctica profesional do deseño, impartido por Abilio Rodríguez e Bruno Rodríguez, e distribuido en catro xornadas  -días 5, 19 e 26 de abril e 2 de maio, en horario de 16:30 a 19:00-  Neste seminario farase un percorrido por aquelas cuestións que resultan esenciais para aqueles alumnos e alumnas que, tras rematar os seus estudos deciden emprender a actividade profesional por conta propia, facendo fincapé tanto nos aspectos económicos ou fiscais como en aqueles que teñen que ver co propio desenvolvemento da actividade de deseñador.

A este seminario, orientado inicialmente ao alumnado de proxecto final do Ciclo Superior de Gráfica Publicitaria, están invitados tamén todolos exalumnos/as que teñan rematado os seus estudos na escola; para participar só será necesario notificalo no enderezo de correo electrónico da escola, info@aulad.com

Croa Magazine en papel

croa

Despois de catro anos e máis de 30 números editados en formato dixital a revista Croa Magazine, un proxecto sen ánimo de lucro volcado na difusión cultural e dos novos creadores, dirixido pola nosa exalumna Marta Villar, disponse a publicar un número especial de 64 páxinas en formato impreso. Para elo, xa está aberta a convocatoria para colaborar como mecenas na plataforma de crowdfunding verkami, a través da que é posible participar no financiamento obtendo un ou varios exemplares a un custo rebaixado máis outros obsequios adicionais, segundo a cantidade aportada.

O prazo para colaborar nesta iniciativa remata o 25 de marzo e a presentación e entrega dos exemplares realizarase a partires do 15 de abril.

Seminario de comunicación e imaxe persoal en entrevistas de traballo

seminario-comunicacion

Mañá martes día 19 de xaneiro comeza o Seminario de comunicación e imaxe persoal en entrevistas de traballo. Impartido por Laura Martín os días 19 e 26 de xaneiro e 2 e 16 de febreiro en horario de 16:30 a 19:00,  analizaranse os principais aspectos relacionados coas dinámicas que se desenvolven habitualmente nas entrevistas de traballo e cuxo coñecemento pode resultar decisivo á hora de optar a un emprego.

A este seminario, orientado inicialmente ao alumnado de proxecto final do Ciclo Superior de Gráfica Publicitaria, están invitados tamén todolos exalumnos/as que teñan rematado os seus estudos na escola; para participar só será necesario notificalo no enderezo de correo electrónico da escola info@aulad.com

Navegación de entradas

1 2 3
Volver arriba