Presentación de Proxecto Edición 2016

 

convocatoria-proxecto-edicion-2016

O vindeiro mércores 16 de marzo terá lugar na escola a presentación do Proxecto Edición 2016 a cargo da empresa de xestión integral de proxectos fotográficos Copias de Autor.

Proxecto Edición  ten como fin a selección e publicación de dous traballos fotográficos de autor, un deles para estudantes e o outro en
convocatoria aberta.

Na primeira convocatoria resultaron premiados os traballos Waste de Julio Eiroa e O corpo que esconde de Virginia González, así como Pilara, a muller que vive coa miña aboa, o proxecto da nosa exalumna Noelia Fernández, que obtivo a mención de honra.

A presentación dará inicio ás 12:00 nas instalación de Aula D, escola de deseño (rúa Ourense 4) e a entrada é aberta a todo o público.

 

2ª Feira das Ensinanzas Artísticas e Profesionais

cartel-feria-ensenanzas-artisticas-profesionales

Os vindeiros días 10 e 11 de marzo terá lugar na Estación Marítima de Vigo a 2ª Feira das Ensinanzas Artísticas e Profesionais, na que  Aula D participará por segundo ano consecutivo co obxectivo de asesorar a aqueles visitantes que estean interesados polos estudos en deseño así como de informar aos orientadores doutros centros educativos.

A feira estará aberta en horario de 09:30 a 14:00h polas mañás e de 16:30 a 18:00 polas tardes.

 

Croa Magazine en papel

croa

Despois de catro anos e máis de 30 números editados en formato dixital a revista Croa Magazine, un proxecto sen ánimo de lucro volcado na difusión cultural e dos novos creadores, dirixido pola nosa exalumna Marta Villar, disponse a publicar un número especial de 64 páxinas en formato impreso. Para elo, xa está aberta a convocatoria para colaborar como mecenas na plataforma de crowdfunding verkami, a través da que é posible participar no financiamento obtendo un ou varios exemplares a un custo rebaixado máis outros obsequios adicionais, segundo a cantidade aportada.

O prazo para colaborar nesta iniciativa remata o 25 de marzo e a presentación e entrega dos exemplares realizarase a partires do 15 de abril.

Seminario de comunicación e imaxe persoal en entrevistas de traballo

seminario-comunicacion

Mañá martes día 19 de xaneiro comeza o Seminario de comunicación e imaxe persoal en entrevistas de traballo. Impartido por Laura Martín os días 19 e 26 de xaneiro e 2 e 16 de febreiro en horario de 16:30 a 19:00,  analizaranse os principais aspectos relacionados coas dinámicas que se desenvolven habitualmente nas entrevistas de traballo e cuxo coñecemento pode resultar decisivo á hora de optar a un emprego.

A este seminario, orientado inicialmente ao alumnado de proxecto final do Ciclo Superior de Gráfica Publicitaria, están invitados tamén todolos exalumnos/as que teñan rematado os seus estudos na escola; para participar só será necesario notificalo no enderezo de correo electrónico da escola info@aulad.com

Exposición de traballos do ciclo de Gráfica Publicitaria

IMG_20151014_200734

Ata o 3 de novembro pódese visitar no espazo polivalente da escola unha escolma dos traballos realizados polo alumnado de 1º e 2º curso nos módulos de Linguaxe e Tecnoloxía Audiovisual e Fotografía do Ciclo Superior de Gráfica Publicitaria.

En base aos exercicios propostos durante o curso os alumnos e alumnas desenvolveron os seus proxectos dando como resultado traballos nos que a creatividade e a excelente realización técnica van da man dando lugar a imaxes sorprendentes, espazos oníricos, reflexións estéticas,  novas perspectivas, doses de humor e, en definitiva, a un suxerente percorrido por outras visións dende as que o espectador remata por descubrir unha ventá aberta á súa propia imaxinación.

_______

A entrada é libre e gratuita, nos horarios de apertura da escola.

Aula D, escola de deseñoRúa Ourense 4 (praza interior), -Vigo

Programación de Cursos Monográficos – 4º trimestre

Ábrese o prazo de matrícula para os cursos monográficos do 4ºtrimestre deste ano 2015,  que terán lugar nas instalacións de Aula D. Escola de Deseño, na rúa Ourense 4, baixo – Vigo (xunto á Casa da Xuventude).

Se tes interese ou algunha suxerencia sobre estes ou outros cursos podes contactar con nós no enderezo cursos@aulad.com ou por teléfono no 986 214 076.
Para máis información (contidos, metodoloxía, …) podes premer nos seguintes vínculos:

Resultados do concurso da III Bolsa de Estudos en Deseño

maria-teresa-fernandez
1º Premio. María Teresa Fernández

 

Convocado o xurado do concurso da III Bolsa de Estudos en Deseño, este decidiu outorgar un único primeiro premio a María Teresa Fernández Vázquez polo seu traballo Deseño Nutritivo, así como dous accésit a Ana Valcarcel Portela e María Raquel Vilas Alonso polas súas respectivas propostas.
Parabéns ás premiadas e a tódolos/as participantes!

III Bolsa de Estudos en Deseño. Aula D

Bolsa de Estudos Aula D

Buscamos alumnos e alumnas para os que a creatividade sexa algo estimulante, refrescante, e por iso queremos que nos sorprendas, que nos amoses a túa capacidade de ver o mundo cunha perspectiva diferente.

Só hai duas normas: deberás utilizar un folio de papel e a cor laranxa como elementos relevantes na túa proposta.
As posibilidades son infinitas: tomar unha fotografía, construir un obxecto, un espazo, facer unha ilustración, unha instalación, gravar un vídeo… ti decides. O importante é que a túa idea sexa orixinal, fuxindo dos tópicos e aportando algo novo, ben polo concepto, pola formalización ou por ámbalas dúas cousas.

A luz, os materiais, a cor, o volume, os usos, as persoas, os lugares, o significado… pensa nestas e outras cousas para cambialas, darlles a volta, ou traballar con elas. Tes liberdade para utilizar calquera técnica, material ou elemento, que pola súa forma, concepto ou contexto, aporte significado á túa idea.

 

Aula D convoca a 3ª edición da Bolsa de Estudos en Deseño.

A través dun concurso de creatividade, aberto a persoas maiores de 17 anos,  concederanse dúas bolsas de estudos coas que os gañadores/as poderán cursar sen custo o primeiro ano un dos Ciclos Formativos de Grao Superior impartidos na escola (Gráfica Publicitaria ou Deseño de Interiores).

As bases do concurso están dispoñibles na páxina web de Aula D

O prazo límite de inscrición e envío das propostas remata o día 19 de xuño.

Taller de creación de portfolio profesional

taller-porfolio

 

Descripción

Más allá del valor que tiene la obra de un autor, es importante la forma en que ésta se presenta. Hoy en día es imprescindible para cualquier creativo o artista tener un portfolio donde mostrar sus trabajos. En este taller revisaremos los elementos esenciales de la creación de un portafolio; público al que va dirigido, formato de presentación, selección de imágenes, información relevante, organización y formatos de presentación.

Mostrar tu potencial no significa poner TODO lo que has hecho. Muestra solo lo que sea digno de presumir.

Intentaremos descubrir las claves para conseguir que un trabajo se muestre de la mejor manera posible y buscaremos los puntos fuertes de cada uno para armar un buen portafolio, bien con soportes físicos que actúen como reclamo o utilizando las herramientas gratuitas y de fácil manejo que ofrece la web 2.0 y que mejor se adapten a cada proyecto (WordPress, Tumblr, Behance, Cargo Collective, Carbonmade, etc).

Seguir leyendo «Taller de creación de portfolio profesional»

Navegación de entradas

1 2 3 4 5 6 7
Volver arriba