Dende o día 7 deste mes e ata o vindeiro 5 de decembro estará aberta ao público a exposición dos traballos premiados no 10º Concurso de Fotografía Xurxo Lobato. Este certame, xa consolidado, abre unha porta aos estudantes galegos para dar mostra das súas capacidades creativas, expresivas e técnicas a través da disciplina fotográfica.
A exposición estará aberta ao público no espazo polivalente de Aula D (Rúa Ourense 4) de luns a venres entre as 09:00 e as 15:00 e de martes a xoves tamén en horario de tarde entre as 16:30 e as 21:00.
