a quen vai dirixido?

O curso vai dirixido a calquera persoa que teña interese polo deseño de páxinas web e que desexe obter coñecementos fundamentais para o desenvolvemento de proxectos persoais ou iniciarse de cara a unha futura labor profesional.

teño que ter coñecementos previos?

Non é preciso dispor de coñecementos previos para realizar este curso. Nas primeiras clases abordaranse os contidos máis básicos e progresivamente iranse introducindo outros máis específicos para rematar cun nivel óptimo para todo o alumnado.

canto tempo dura?

(datas e horarios pendentes de programación)

cal é a metodoloxía do curso?

Exponse a través de tres eixos: clases teóricas, exercicios prácticos e un proxecto persoal sobre o que se traballará durante o curso.

que vou aprender?

Ademais de obter coñecementos teóricos, o alumnado aprenderá a afrontar o desenvolvemento dun proxecto de deseño web tendo en conta non só as diferentes cuestións técnicas senón tamén aquelas referidas á estética e a interacción dos usuarios. Ao finalizar o curso o alumnado disporá dos recursos necesarios para construir e xestionar unha páxina web básica.

hai exames?

Non. Impartiranse contidos teóricos que se verán reflectidos nos exercicios prácticos e workshops que se desenvolverán na aula ao longo do curso.

a asistencia é obrigatoria?

O curso é presencial polo que, para a obtención do diploma, establécese unha porcentaxe mínima de asistencia do 80%.

que materias se imparten?

Durante o curso impartiranse dúas unidades de contidos, mais un proxecto persoal, permitindo abordar as diferentes materias programadas, e que son as seguintes:

• Unidades teóricas (9h)
  – Introdución e breve historia de Internet
  – Principios do deseño web. Taxonomías.
  – Navegación, estrutura e aspecto visual.
  – Usabilidade e experiencia de usuario (UX/UI).
  – Tipos de contidos. Organización e xerarquía.
  – Xestión de dominios e hosting.
  – Marketing dixital
• Unidades técnicas (30h)
  – HTML (linguaxe de marcas).
  – CSS (follas de estilo).
  – Estruturas e prototipos (wireframe).
  – Xestión de contidos (WordPress).
  –  Uso e personalización de temas e plugins.
• Proxecto persoal (15h)

quen impartirá as clases?

As clases serán impartidas polos profesores Alberto Ariza, Diego Fernández e Margarita Pastoriza, todos eles con ampla experiencia profesional e docente.

que materiais necesito?

O alumnado deberá asistir ao curso co seu propio ordenador portátil.

emítese un título ao rematar?

Sí, unha vez rematado o curso o alumnado recibirá un diploma acreditativo emitido pola escola certificando a súa asistencia ao mesmo.

canto custa o curso?

Prezo xeral: 300€

Alumnado e exalumnado de Aula D, e persoas en situación de desemprego: 250€

Existe a posibilidade de realizar o pagamento das taxas en dúas mensualidades.

hai reserva de prazas?

Xa que o número de prazas é limitado as solicitudes atenderanse por orde de chegada dende o formulario de preinscrición ou a través do enderezo moc.d1726379142alua@1726379142ofni1726379142.

como me matriculo?

A matrícula queda formalizada co abono do total da taxas ou do primeiro prazo, ben na propia escola (r/ Elduayen 36, -1 – acceso por escaleiras en Baixada ó Forte –, Vigo) ou ben mediante transferencia bancaria (conta nº ES79 2080 5085 7330 4002 6857) indicando nome do alumno/a e curso.