O vindeiro mércores 16 de xaneiro ás 12:00 terá lugar en aula D a charla Croa Croa Magazine onde Marta Villar nos falará do seu ilusionante proxecto, que viu a luz xa hai xa case un ano, e do que se define como a súa «croadora».
Marta Villar Cruces é ex-alumna da escola, deseñadora e directora do magazine cultural Croa.
A intervención pretende acondicionar o local para situar nel un espazo de traballo que atenda ao programa de necesidades exposto polo cliente. A premisa fundamental do proxecto reside no propio concepto no que se basea esta nova forma de traballo. O “coworking” nace en Estados Unidos durante a primeira década do século XXI, e supón unha nova alternativa para xente nova creativos que están buscando traballo, permite compartir oficina e fomenta relacións estables entre profesionáis de diferentes sectores que poden desembocar en relación cliente-proveedor. Seguir leyendo «Coworking Galego: proxecto dun espazo administrativo por Miguel Cerqueiro»
Daniel Garzee, como así se fai chamar, é un mozo fotógrafo afincado e nado en Vigo. A maior parte das súas creacións beben da moda e a arte, imaxes aparentemente sinxelas e delicadas cun grande atractivo visual que se enlazan entre si cunha estética romántica e íntima que o propio autor trata de explicármonos a continuación. Seguir leyendo «Entrevistamos a Daniel Garzee, fotógrafo vigués»
AulaD mostra os traballos dalgúns dos seus alumnado do módulo de Expresión Gráfica pertencentes ao curso escolar 2011/2012. Neles, podemos atoparnos con diferentes apreciacións e puntos de vista dunha mesma imaxe utilizando para a súa formalización distintos métodos manuais, dende o carbón ou acuarela ata a augada.
Para ver tódalas imaxes, véxase:
http://www.flickr.com/photos/adblog/sets/72157632226315337/
Xa está listo o calendario de cursos monográficos para os meses de xaneiro e febreiro de 2013 que terán lugar nas instalacións de Aula D. Escola de Deseño, na rúa Ourense 4, baixo – VIGO (a carón da Casa da Xuventude).
O horario dos cursos será os venres de 19.00h a 21.00h e sábados de 10.00h a 14.00h para non interferir co resto de actividades dos asistentes.
Para máis información (contidos, prezos, profesorado, metodoloxía, …) podes premer nos seguintes enlaces:
– Introducción ao deseño gráfico: Tipografía
– Introducción ao deseño de interiores: Reforma interior de vivendas
– Processing. Fundamentos de programación creativa
Próximamente informaremos do calendario dos seguintes cursos a desenvolver.
Se tes interese ou algunha suxerencia sobre estes ou outros cursos podes contactar con cursos@aulad.com
Premium. Belgian. Beer. Esas son as tres palabras que tiña que ter en conta Wonchan Lee (deseñador con sede en Australia) ao deseñar a gama para esta marca de cervexa. O obxectivo era diferenciar a marca e o packaging doutros competidores no mercado, así como comunicar con claridade e manter a identidade desta.
Premium Belgian Beer emprega unha paleta de cores bastante sobria durante todo o deseño que xunto coa cor da cervexa crea gran contraste, o que fai, entre outras cousas, que este packaging sexa tan vistoso. Por outra banda, empregáronse materiais para que o paquete sexa moito máis lixeiro que un convencional conseguindo tamén abaratar os custos e gastos de envío á hora de transportalo.
Vía | experimenta
Beach House I-5 é unha vivenda que foi deseñada por Vértice Arquitectos (un estudio de arquitectura que se atopa en Lima, Perú) e encóntrase situada na parcela 5 de Lomas del Mar, ao sur de Lima.
Os dous obxectivos principais para levar a cabo este proxecto foron o de aproveitar ao máximo a mellor vista ao mar e, á súa vez, o terreo. Deseñáronse dous volumes paralelos para alcanzar o primeiro obxectivo (ámbolos dous unidos por un eixo principal que remata nunha piscina con vistas á praia) e tamén algúns beiriles para sacarlle o máximo partido ao terreo.
Os materiais utilizados no proxecto foron pintura branca para as paredes, aceiro inoxidable, cristal morno e pedra de granito. A piscina está pechada por un vidro laminado de dobre cara o que fai posible visionar o mar como no resto da casa.
Vía | archdaily
O vindeiro luns 26 de novembro ás 12:00 horas, en aulaD (Centro Autorizado de Artes Plásticas e Deseño) contaremos coa presenza de Alberto González-Alegre que impartirá a charla coloquio O bosquexo do mundo. Unha exposición feita para o museo do MARCO, que se inaugurará o 18 de xaneiro de 2013, comisariada polo propio Alberto González-Alegre e Angel Cerviño. Seguir leyendo «O bosquexo do mundo: charla-coloquio impartida por Alberto González-Alegre»
En Aula D, Escola de Deseño estamos de aniversario. Levamos 25 anos coa dedicación exclusiva de formar profesionais do deseño. Co pulo de adaptarnos ás novas circunstancias sociais e profesionais, e atendendo a algunhas solicitudes, ofertamos unha serie de cursiños monográficos en 2013.
Os cursos están dirixidos a 2 tipos de alumnado:
NIVEL BÁSICO: Persoas que se queren iniciar no mundo do deseño.
NIVEL AVANZADO: Profesionais ou estudantes de deseño gráfico ou interior, que desexan complementar a súa formación.
O horario dos cursos será os venres de 19.00h a 21.00h e sábados de 10.00h a 14.00h para non interferir co resto de actividades dos asistentes.
Nas próximas semanas concretaremos o calendario e os contidos, duración… Se tedes algunha suxerencia sobre estes ou outros cursos podedes contactar con cursos@aulad.com
[ACTUALIZACIÓN] – Xa está dspoñible o calendario de cursos para os meses de xaneiro e febreiro; podedes consultalo no seguinte enderezo:
https://aulad.com/blog/2012/12/10/cursos-monograficos-xaneirofebreiro-2013/
Un saúdo. Aula D
Ephemera é un proxecto final de carreira que, segundo explica o propio autor, Bogidar Mascareñas (deseñador gráfico recén licenciado en Elisava) rende culto á destrución mediante a relización de diferentes pósteres efémeros: Seguir leyendo «Ephemera: proxecto final de Bogidar Mascareñas»
