O día 25 de xuño amanecía soleado e caluroso. A praza na que se encontra Aula D estaba preparada para acoller a Cidade ideada pola arquitecta Iria Sobrino Fagilde e o seu equipo de pequenos urbanistas para os que tiña preparada a seguinte actividade.
“O obxectivo didáctico da actividade é que os nenos comecen a ordear os elementos que forman a cidade, de tal xeito que sexan capaces de observar, non só a súa senon tamén as que visiten.
Creemos unha cidade para xogar a partires dun territorio imaxinario: Aquí hai un río, aquí a praia, unha montaña, o camiño, a biblioteca e o parque… saberiamos imaxinar a cidade ao redor? qué fai falla para completar o puzzle? pensemos, deseñemos no chan e construamos con cartón e papel o que consideremos imprescindible para poder xogar con ela.
Hoxe seremos un pouco sociólogos, un pouco urbanistas, un pouco arquitectos, un pouco constructores e un pouco habitantes e paseantes”.
Gracias a todos os pequenos urbanistas e o grandes ideólogos que fan posible tratar aos nenos como seres perfectamentes capaces de comprender as complexidades.
Muy bonito y divertido