1º Bolsa de Estudos en Deseño, aula D

Aula D, Escola de Deseño convoca a súa 1ª bolsa de estudos en deseño.
Se che gusta o deseño, a publicidade, a fotografía, o interiorismo, e sobre todo a creatividade…
…tes a oportunidade de obter unha bolsa de estudos para formarte connosco o vindeiro curso, nun dos ciclos oficiais de Grao Superior que impartimos:
– deseño gráfico
– deseño de interiores
_____________________________________
Concederanse dúas bolsas de estudos consistentes na realización do primeiro curso dun dos ciclos oficiais impartidos no centro: deseño gráfico (Técnico Superior en Gráfica Publicitaria) e deseño de interiores (Técnico Superior en Proxectos e Dirección de Obras de Decoración), valorados cada un deles en máis de 3500€.

Para optar á bolsa de estudos só tes que enviarnos unha imaxe que esté relacionada (no seu concepto ou na súa formalización) cos ámbitos do deseño gráfico ou do deseño de interiores; que sexa diferente, positiva, e sobre todo creativa; e que integre algún elemento representativo da escola (as cores, o logotipo, o espazo, etc.).
Podes debuxar, usar obxectos, collage, fotografía, fotomontaxes, instalacións, etc.
Tes o noso logo e as nosas cores en www.aulad.com/coresLogo.jpg, por si os precisas.

Canto máis interesante e creativa sexa a túa proposta más posibilidades terás.

As tres imaxes que reciban máis votos pasarán automáticamente á final; das restantes o xurado preseleccionará outras tres, que completarán un total de seis finalistas.

O prazo límite para envío de propostas e votacións é o 5 de xullo.

Se participas é conveniente que nos chames antes do 15 de xuño para que poidamos informarte sobre datas e cuestións administrativas relativas á matriculación (xa que neste intre a Xunta de Galicia aínda non as fixo públicas).

Antes de participar consulta as bases completas do concurso no seguinte enlace: www.aulad.com/bases.pdf
Se tes calquera dúbida envíanos unha mensaxe ou un correo electrónico e tentaremos resolvela canto antes.

¿Cómo participar?
1.- Para poder participar primeiro deberás premer no botón “me gusta” da nosa páxina en facebook.
2.- Entra na sección “Concurso” da páxina
3.- Preme en “participar”,
4.- Acepta as condicións de uso da aplicación (os teus datos persoáis en facebook non se usarán para outros fins).
5.- Completa o formulario cos teus datos e inclúe a imaxe coa que participarás.
6.- Compárteo no teu muro e pide aos teus amigos que te voten.

Se non desexas participar tamén tes a opción de compartir esta convocatoria entre aquelas persoas ás que creas que lle pode interesar ou beneficiar esta bolsa de estudos.

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.

Volver arriba