Ámbolos dous ciclos formativos impartidos na escola permiten optar ás bolsas convocadas polo Ministerio de Educación. Os requisitos e contías das mesmas publícanse anualmente e a súa tramitación realízase directamente por vía telemática dende a propia páxina web do ministerio.
Aula D concede anualmente dous tipos de bolsas de estudos propias ás que pode optar aquel alumnado que, cumprindo os requisitos, inicie os seus estudos:
- Bolsa de estudos para alumnado que pola súa situación académica previa non teña acceso ás bolsas do MEC e que cumpla os requisitos económicos establecidos polo ministerio, consistente nunha reducción do 20% no importe total da matrícula durante dous cursos académicos.
- Bolsa de estudos para exalumnado, o que, tendo realizado un dos ciclos formativos impartidos na escola, disporá dunha reducción do 25% no importe total da matrícula durante dous cursos académicos.
Para poder optar a estas bolsas cómpre poñerse en contacto coa secretaría do centro onde se informará, segundo a situación do alumno/a, dos requisitos administrativos necesarios para a súa tramitación. A solicitude destas bolsas de estudos deberá realizarse no momento da inscrición. Non serán admitidas as solicitudes presentadas fora de prazo.
De igual xeito a escola facilita un certificado acreditativo que permite obter descontos en servizos como por exemplo a tarxeta de transporte urbano.
Unha vez rematados os estudos o alumnado ten igualmente a posibilidade de acceder ao programa de bolsas de formación promovidas pola Fundación Empresa-Universidad Gallega (FEUGA), que permiten a inserción laboral retribuida dos titulados por un período de entre dous a doce meses prorrogables.
Tamén poderán optar á inserción laboral retribuida por un período de entre tres a doce meses a través do Programa de Formación Empresarial (FUAC), promovido pola Fundación Universidade da Coruña.