Unha das nosas maiores satisfaccións como docentes é comprobar que os nosos alumnos e alumnas, tras o seu paso pola escola, teñen a oportunidade de aplicar os seus coñecementos no ámbito laboral. É por iso que Aula D ten sempre unha canle de comunicación aberta tanto coas empresas colaboradoras como con outros estudios independentes, co fin de recoller a demanda de profesionais que se poida dar.
Sendo coñecedores das mellores cualidades do noso alumnado podemos recomendalos para postos específicos nos que sabemos que poderán desenvolver as súas capacidades dun xeito óptimo.
Se ben a Bolsa de Traballo é sempre dependente da demanda existente no mercado, esforzámonos en tentar ubicar ao maior número de alumnos e alumnas posible nun sector, que, afortunadamente, require profesionais en disciplinas moi variadas.