Abrir publicación

Johan Thörnqvist: o ilustrador de fotografías

http://www.youtube.com/watch?v=GYZP3EW9Ak0

Johan Thörnqvist é un ilustrador sueco cuxo traballo se basea na combinación de fotografías e ilustracións para xerar novas imaxes onde consegue que ámbolos dous campos fiquen completamente integrados. Xorde así unha especie de universo paralelo onde o autor consegue recrear cidades inexistentes, situacións cotiás levadas case ao extremo e paisaxes con perspectivas moi peculiares onde o propio espectador pode dar renda solta á súa imaxinación.

Para saber algo máis sobre o seu traballo, véxase:
http://www.snarlik.se/

vía | designlov

Abrir publicación

New Babylon: unha cidade situacionista

O Venres 27 de Xaneiro contamos coa presenza da Arquitecta Marta Vilas Rodríguez, que veu a Aula D para impartir unha interesante charla-coloquio baixo o título: «New Babylon: unha cidade situacionista».
New Babylon é unha cidade nómade estruturada sobre plataformas móbiles proposta polo artista Constant entre os anos 50 e 70. O proxecto, situado na vertente máis arquitectónica do grupo de Vangarda «A Internacional Situacionista» resulta moi interesante (segundo comentan Marta Vilas e Xerardo Pérez- Arquitecto e profesor na nosa escola) debido a que é bastante complicado de toparmonos con el nos libros de Historia da Arquitectura Moderna. Trata sobre a organización nas cidades, onde se propoñen diversas alternativas a un urbanismo moi racionalista propio da época e cuxa máxima foi sempre buscar que o ser humano mellorase a súa calidade de vida .

http://vimeo.com/14336720

Seguir leyendo «New Babylon: unha cidade situacionista»

Telefonplan: unha escola alternativa e sen aulas deseñada por Rosan Bosch

http://www.youtube.com/watch?feature=player_embedded&v=AS2ysXyVRLk#!

Da man do estudo de deseño e interiores Rosan Bosch, a rede de escolas suecas Vittra deu unha volta de rosca ao que a centros docentes do país se refire creando a primeira escola de deseño intelixente do mundo.
Telefonplan, como se fixo chamar este espazo, propón un tipo de educación bilingüe (sueco e inglés) bastante fóra do convencional onde as lousas foron substituídas por ordenadores portátiles e o comedor converteuse nun lunch club no que os nenos, ademais de alimentarse, poden realizar case calquera tipo de tarefa.
O modelo de ensino que propoñen é unha educación baseada na tecnoloxía, a diversión e a creatividade, na que tanto o profesorado coma o alumnado poidan interactuar co ámbito intentando, á súa vez, que este emule escenas da vida real que sirvan como aprendizaxe para poder desenvolverse nun futuro.

vía | yoroboku

Exposición «Teito-Pendentes» de Pedro Román

Dende o pasado 16 de Xaneiro, podemos gozar de «Teito-Pendentes», unha exposición de móbiles colgantes na que o interiorista e profesor de Aula D, Pedro Román, amósanos unha pequena mostra do seu traballo. Como complemento, tivemos a oportunidade de realizarllele a pequena entrevista que expoñemos a continuación, onde nos desvelou, en primeira persoa, algunhas cuestións en canto á realización, motivación, técnicas empregadas ou proxectos de futuro. Seguir leyendo «Exposición «Teito-Pendentes» de Pedro Román»

Kumi Yamashita: ‘The master of shadow’


Vídeo do Diálogo por Kumi Yamashita no ano 1999

Kumi Yamashita é unha artista xaponesa formada nos EUA cuxa fonte de inspiración e traballo se basea no tratamento e a manipulación da luz para xerar sombras realistas con obxectos, na súa maioría, en tres dimensións. A partir de conceptos aparentemente simples, a artista pon en dúbida o impredicible do que vemos ou esperamos ver e, por dicilo dalgún xeito, o que realmente é.


Para iso emprega elementos cotiáns que, combinados coa luz, e conectados entre sí son capaces de crear unha infinita variedade de perfís.
Actualmente vive en Nova York e conta con numerosas exposicións por todo o mundo. Para saber máis sobre a súa biografía, obra e traxectoria artística véxase:

http://kumiyamashita.com/

40 DOTS. 40 ARTISTAS

Tras sete anos de vida, o magazine de tendencias vigués, Dot Galicia, apostou por realizar unha exposición que estará composta por 40 obras de 40 artistas que foron publicadas na propia revista ao longo da súa historia e coas que se pretende representar a filosofía da publicación galega. Nela, poderemos atopar os traballos de diferentes autores, que abranguen dende o deseño gráfico, ata a pintura, ilustración ou fotografía así como actividades complementarias relacionadas co mundo do audiovisual e da música.
A mostra terá unha duración de catro días, sendo a inauguración o venres día 20 ás oito da tarde no «Halcón milenario», na rúa Cervantes, 18-1º, en Vigo. As obras poderán verse os días 20, 21, 27 e 28 de xaneiro en horario de 20:00 a 23:30.

Laus 2012: premios internacionais do deseño gráfico e a comunicación visual

Un ano máis, a ADG-FAD (Asociación de Deseñadores Gráficos e Directores de Arte ), convoca a 42ª edición dos premios internacionais do deseño gráfico e a comunicación visual.

O prazo de inscrición foi aberto o 9 de Xaneiro e ten como data límite ata o día 10 do próximo mes de febreiro para a presentación das obras. Aos premios (Bronce, Ouro, Prata e Gran Laus), que constitúen unha ferramenta de divulgación inestimable, poderán presentarse profesionais do sector así como estudantes, estes últimos en dúas categorías:

. Traballo libre (proxecto de deseño gráfico ou publicidade en calquera medio): Poderán participar os estudantes que no presente curso académico 2011-12 estean matriculados en materias de calquera curso.

. Proxecto final de estudos (deseño gráfico, audiovisual, web e medios dixitais): Só poderán
participar aqueles estudantes que remataron os seus estudos no curso académico 2010-11.

Os alumnos/as que estean interesados en presentar algún proxecto, deberán poñerse en contacto previamente coa escola para realizar a entrega dos traballos e obter un certificado de estudios. As bases poden ser consultadas e descargadas neste link.

Ingrid Siliakus: arquitectura de papel

Fai uns 10 anos a artista Ingrid Siliakus descubriu a Arquitectura Origámica da man do profesor Masahiro Chatani, do cal estudou a súa obra, quedando dende entón fascinada por esta disciplina; por mor disto, adicouse a investigar e crear pequenas obras arquitectónicas de gran detalle e de apariencia fráxil pero estructuralmente complexas.

As súas especialidades son os edificios dos maestros da arquitectura e as esculturas abstractas complexas, sendo os seus traballos próximos aos doutros artistas como Marivi Garrido, Takaaki Kiharo,  Keiko Nakazawa, ou o propio Masahiro Chatani.

Ademáis de múltiples exposicións, editou tamén un libro, que recolle parte do seu traballo, titulado From building to card.

Para saber máis sobre a súa obra e a Arquitectura Origámica véxase:
http://ingrid-siliakus.exto.org/
http://www.flickr.com/photos/paperarchitect/
http://members.ams.chello.nl/rebran/gebned.htm
http://members.ams.chello.nl/rebran/eschereng.htm


 

 

 

 

 

The Obliteration Room

Incríble instalación da artista xaponesa Yayoi Kusama na Gallery of Modern Art de Brisbane, Australia. A idea do proxecto baseouse en pór a disposición do público un espazo doméstico grande, branco e baleiro que poidese servir como lenzo de traballo ou espazo expresivo. Así, ao longo de dúas semanas, déronse milleiros de adhesivos -en forma de puntos de cor- aos visitantes máis pequenos, os nenos, e foron invitados a intervir libremente no espazo co suxerente resultado que podedes ver nas imaxes…

Abrir publicación

Din-Ink, reinventando o boli Bic

O estudio zo-loft, tomou como punto de partida os tradicionais bolis Bic para facer unha proposta conceptual na que a tapa, algo que de cotío ten pouca utilidade, (e que case sempre rematamos levándonos á boca), pasa a converterse no elemento principal deste deseño. A idea é que os bolígrafos poidan servir, ademais de para escribir, para ser usados como cubertos. As vantaxes poden ser moitas, xa que cun pequeno custo de producción estes bolis-cuberto poderían ser de especial utilidade, por exemplo, en países en desenvolvemento ou en comunidades con poucos recursos.  Están feitos de materiais non tóxicos, axeitados para o sector alimentario.

vía | designboom

 

 

Navegación de entradas

1 2 3 … 30 31 32 33 34
Volver arriba