Estás vendo entradas que conteen a etiqueta "proxecto"

 

20141218_103

Durante o pasado mes de decembro levouse a cabo na escola un proxecto colaborativo entre o alumnado da escola e o fotógrafo Miguel Núñez no que seis grupos de traballo, formados por alumnos/as dos ciclos de Gráfica Publicitaria e Deseño de Interiores, reflexionaron sobre os diferentes conceptos implícitos na obra fotográfica de Miguel, Islas, náufragos invisibles, interpretándoa e aportado puntos de vista distintos dende a multidisciplinaridade que permite a integración de medios audiovisuais, gráficos e construtivos nun espazo determinado.

Continuar lendo »

Etiquetado en:
 


Coworking Galego, é proxecto que se desenvolveu no 1º trimestre do segundo ano do Ciclo Formativo de Grao Superior de Proxectos e Dirección de Obra de Decoración que se imparte en AulaD , un traballo no que se propoñía definir a organización espacial e os aspectos estéticos dun espazo dado.

Continuar lendo »

Etiquetado en:
 

A intervención pretende acondicionar o local para situar nel un espazo de traballo que atenda ao programa de necesidades exposto polo cliente. A premisa fundamental do proxecto reside no propio concepto no que se basea esta nova forma de traballo. O “coworking” nace en Estados Unidos durante a primeira década do século XXI, e supón unha nova alternativa para xente nova creativos que están buscando traballo, permite compartir oficina e fomenta relacións estables entre profesionáis de diferentes sectores que poden desembocar en relación cliente-proveedor.

Continuar lendo »

Etiquetado en:
 

Beach House I-5 é unha vivenda que foi deseñada por Vértice Arquitectos (un estudio de arquitectura que se atopa en Lima, Perú) e encóntrase situada na parcela 5 de Lomas del Mar, ao sur de Lima.

Os dous obxectivos principais para levar a cabo este proxecto foron o de aproveitar ao máximo a mellor vista ao mar e, á súa vez, o terreo. Deseñáronse dous volumes paralelos para alcanzar o primeiro obxectivo (ámbolos dous unidos por un eixo principal que remata nunha piscina con vistas á praia) e tamén algúns beiriles para sacarlle o máximo partido ao terreo.

Os materiais utilizados no proxecto foron pintura branca para as paredes, aceiro inoxidable, cristal morno e pedra de granito. A piscina está pechada por un vidro laminado de dobre cara o que fai posible visionar o mar como no resto da casa.

Vía | archdaily

Etiquetado en:
 

Ephemera é un proxecto final de carreira que, segundo explica o propio autor, Bogidar Mascareñas (deseñador gráfico recén licenciado en Elisava) rende culto á destrución mediante a relización de diferentes pósteres efémeros:

Continuar lendo »

Etiquetado en:
 

Colectiva´12: exposición conxunta do alumnado dos Ciclos Superiores de Gráfica Publicitaria e Proxectos e Dirección de Obras de Decoración

Colectiva´12, como xa vimos en entradas anteriores, é un proxecto expositivo que trata de mostrar algúns dos traballos do alumnado pertencentes ao curso 2011/12 e que se encontra dentro do programa de diferentes charlas e mostras propostas por Aulad, escola de Artes Plásticas e Deseño, o pasado curso lectivo.
Tras a súa inauguración no mes de xullo, darase por finalizada este Venres 21 de Setembro, abrindo así un novo ciclo de conferencias e mostras de cara ao novo ano lectivo.

 

Para ver tódalas imaxes desta exposición, véxase:
http://www.flickr.com/photos/adblog/sets/72157630558353720/

Etiquetado en:
 

Colectiva´12: exposición conxunta do alumnado dos Ciclos Superiores de Gráfica Publicitaria e Proxectos e Dirección de Obras de Decoración

Dende mediados de Xuño e ata  Setembro contaremos coa exposición Colectiva´12, pechando así o ciclo das diferentes mostras e conferencias levadas a cabo en todo este ano lectivo 2011/2012. Nela pódense ver elementos demostrativos do traballo realizado polos alumnado nas aulas dos Ciclos Superiores que actualmente se imparten na escola: Gráfica Publicitaria e Proxectos e Dirección de Obras de Decoración.

aulaD, escola de Artes Plásticas e Deseño, convídavos a achegarvos a visitar a mostra que estará exposta ao público co seguinte horario:

Lugar: aulaD, escola de Artes Plásticas e Deseño. Rúa Ourense 4, Vigo
Data: 13 de Xuño –  Setembro
Acceso: libre

Horario, lectivo:

de luns a venres……………………………………… polas mañás de 10,30 a 13,00h.

Para ver máis imaxes desta exposición, véxase:
http://www.flickr.com/photos/adblog/sets/72157630558353720/

Etiquetado en:
 

Lan Art por Úrsula Cancelas Pequeño

Para o desenvolvemento do traballo relacionado co Land Art centreime na idea de levar a cabo unha serie de pequenas “esculturas” dispostas no bosque. Éstas están construídas a base de pedras do propio ámbito que se sosteñen en equilibrio pola súa composición de xeito gradual (de máis grandes a máis pequenas). A miña intención era que nos recordasen a eses monumentos megalíticos como son os dolmens, os menhires, etc… que tiñan un significado relacionado coa terra, coa alma, etc…incluso algúns funcionaban coma tumbas ou como marca dun lugar de culto. A súa escala adoitaba ser de gran tamaño ou mesmo monumental como os Crommlech ou as estatuas da Illa de Pascua.
Polo tanto, o que pretendía era crear un bosque de pedras a pequena escala e onde a man do home está presente pero sen alterar de ningún xeito a natureza.
Esta intervención xogaría o papel de sorprender a aquel que pasase polo lugar, facéndose todo tipo de preguntas como quen o fixo? que significa? porque están así colocadas?…

Para ver tódalas imaxes deste proxecto, véxase:
http://www.flickr.com/photos/adblog/sets/72157630540777526/

Etiquetado en:
 

Land Art por Roi López van der Veen
O Land Art é unha corrente artística xurdida na década dos anos setenta do século XX. Ten como fin trasladar o traballo artístico aos espazos naturais, os cales son transformados polo pensamento e a acción do artista. As súas creacións usan a paisaxe como soporte (escenario) ou materia prima da obra. A súa finalidade é producir emocións plásticas no espectador que se enfronta a unha paisaxe determinada. O principio fundamental do Land Art é alterar, cun sentido artístico, a paisaxe, para producir o máximo de efectos e sensacións ao observador.
:::Desenvolvemento do traballo:::
Parto sen unha idea en concreto máis que a de utilizar unicamente elementos naturais propios da zona ou escenario elixido.
Dous dos elementos visuais máis potentes que se encontran no monte son as rochas e arbóres, e decido que estes dous elementos serán os que compoñan o meu Land art.
Encontrei unha rocha con características que me parecían interesantes para o traballo.
Ao ver a rocha o primeiro que me imaxinei eran ramas saíndo desas gretas e fendas, polo que entraba en xogo un terceiro elemento, a erosión, causada pola auga e o vento.
As ramas arranqueinas duns arbores secos das inmediacións.
O resultado é unha combinación dun elemento que forma parte dunha árbore, con outro elemento inerte; o que en termos literarios denomínase oxímoro que consiste en usar dous conceptos de significado oposto nunha soa expresión, que xera un terceiro concepto.

Para ver tódalas imaxes deste proxecto, véxase:
http://www.flickr.com/photos/adblog/sets/72157630540777526/

Etiquetado en:
 

Land Art por  Miguel Cerqueiro Díaz

1. TRABALLO A REALIZAR
O exercicio proposto consiste en realizar unha intervención nun ámbito natural utilizando o marco e os seus propios materiais.
2. LAND ART
O Land art é unha tendencia da arte contemporánea que utiliza o medio e os seus elementos (madeira, terra, pedras, area, rochas, lume, auga, etc.). Esta expresión inglesa traduciuse tamén como «arte da construción da paisaxe» ou «arte terrestre». Xeralmente, as obras atópanse no exterior, expostas ós elementos, e sometidas á erosión natural; así pois, algunhas desapareceron, quedando delas só o recordo fotográfico. As primeiras obras realizáronse nas paisaxes desérticas do Oeste estadounidese a finais dos anos sesenta. As obras máis impoñentes, realizadas con equipamentos de construción como escavadoras, se chaman earthworks, (palabra que pode traducirse como escavacións, aterramentos ou desmontes). A súa finalidade é producir emocións plásticas no espectador que se enfronta a unha paisaxe determinada. O principio fundamental do Land Art é alterar, cun sentido artístico, a paisaxe, para producir o máximo de efectos e sensacións ó observador. Preténdese reflectir a relación entre o home e a terra, o medio e o mundo, expresando ó mesmo tempo a dor, debido ó deterioro ambiental do clima que existe hoxe en día. O principal é a interacción do humano-­artista co medio.
3. FASE DE ANÁLISE
Unha das grandes referencias durante a fase de análise para concretar o proxecto foi o análise da obra de Andy Goldsworthy, artista que traballa coa levidade, nas súas pezas vemos o movemento e cambios que vai mostrando co paso do tempo, el mira todas as súas creacións como temporais, a súa materia son obxectos comúns na natureza, pero en realidade no trasfondo traballa co vento, a luz, o tempo, onde máis que buscar a perfección do obxeto, nos mostra a enerxía e vida que teñen cada un deles. A visualización do documental Ríos e Mareas, no cal, vemos o artista traballando co efémero, en condicións duras e de grande introspección, foi dun grande impacto persoal. O artista mimetizase co natural, entra en diálogo co medio e o seu trato é dunha gran delicadeza e respecto. Móstranos o fráxil do ámbito, pero tamén incide no inmenso poder da natureza e faceta cambiante, o medio flúe e os seus seres modélano.
4. ANÁLISE DO ÁMBITO
Fase consistente no análise do ámbito natural e de posibles elementos a utilizar.
5. INTENCIÓNS. AS FORMAS XEOMÉTRICAS.
Xeometría vén do grego xeo = terra e de metrón = medida. É dicir, é a ciencias que estuda a medida da Terra. En definitiva, a exploración do mundo exterior. A xeometría sempre estivo presente no arte, aínda que non foi ata o século XX cando se teorizou máis a fondo sobre o seu uso. Nas primeiras décadas estivo intimamente ligada ós conceptos de abstracción e modernidade. Mediante a utilización de elementos naturais, xero unha serie de figuras xeométricas, as súas formas, e o lugar onde son colocadas xogan tamén co absurdo, pomelos en piñeiros, un río de pomelos, pomelos en erupción saíndo dunha rocha, piñas con bifurcacións simulando un río ou piramides de piñas amontoadas

Para ver tódalas imaxes deste proxecto, véxase:
http://www.flickr.com/photos/adblog/sets/72157630540777526/

Etiquetado en:
 
Set your Twitter account name in your settings to use the TwitterBar Section.