Estás vendo entradas que conteen a etiqueta "concurso"

Aula D convoca a 5ª edición da Bolsa de Estudos en Deseño.

Cúmprense 30 anos dende que a escola comezou a súa actividade aló polo ano 1987; durante este tempo tivemos a oportunidade de formar a numerosos alumnos e alumnas, de organizar exposicións, charlas, de colaborar con profesionais, de disfrutar cada día do Deseño, da Arte, da Arquitectura, da Fotografía… Seguimos adiante, coa mesma ilusión, alimentada por todo isto que tanto nos inspira, e tamén con novos e importantes proxectos á vista que desenvolveremos durante o vindeiro curso.

“Para participar no concurso deberás enviar unha imaxe orixinal que fale do paso do tempo, do pasado e do futuro, que nos amoses aquelo que te motiva a través da creatividade. O importante é que a túa idea sexa orixinal, fuxindo dos tópicos e aportando algo novo, ben polo concepto, pola formalización ou por ámbalas dúas cousas.

A luz, os materiais, a cor, o volume, os usos, as persoas, os lugares, o significado… pensa nestas e outras cousas para cambialas, darlles a volta, ou traballar con elas. Tes liberdade para utilizar calquera técnica, material ou elemento, que pola súa forma, concepto ou contexto, aporte significado á túa idea.”

Concederase unha bolsa de estudos consistente na realización sen custo do primeiro ano nun dos ciclos oficiais impartidos no centro: Comunicación Gráfica e Audiovisual (Técnico Superior en Gráfica Publicitaria) ou Deseño de Interiores (Técnico Superior en Proxectos e Dirección de Obras de Decoración).

As bases da convocatoria pódense consultar na páxina web da escola.
O prazo de admisión de propostas remata o 7 de xullo.

Etiquetado en:
 
4-bolsa-estudos
Aula D convoca a 4ª edición da Bolsa de Estudos en Deseño.

“Temos fame de ideas, de pratos suculentos e sorprendentes. Buscamos alumnos e alumnas para os que a creatividade sexa algo estimulante, refrescante, e por iso queremos que nos amoses a túa capacidade de ver o mundo cunha perspectiva diferente. Pero a túa idea vai ter máis valor aínda, xa que por cada participante inscrito no concurso da Bolsa de Estudos a escola donará 1 kg. de comida ao Banco de Alimentos de Vigo, de xeito que, aínda que non esteas interesado/a en estudar deseño, estaremos encantados de recibir a túa proposta e que con ela participes nesta iniciativa solidaria e colaborativa.”

Concederase unha bolsa de estudos consistente na realización sen custo do primeiro ano nun dos ciclos oficiais impartidos no centro: Comunicación Gráfica e Audiovisual (Técnico Superior en Gráfica Publicitaria) ou Deseño de Interiores (Técnico Superior en Proxectos e Dirección de Obras de Decoración).

As bases da convocatoria pódense consultar na páxina web da escola.
O prazo de admisión de propostas remata o 8 de xullo.

 

Etiquetado en:
 

 

convocatoria-proxecto-edicion-2016

O vindeiro mércores 16 de marzo terá lugar na escola a presentación do Proxecto Edición 2016 a cargo da empresa de xestión integral de proxectos fotográficos Copias de Autor.

Proxecto Edición  ten como fin a selección e publicación de dous traballos fotográficos de autor, un deles para estudantes e o outro en
convocatoria aberta.

Na primeira convocatoria resultaron premiados os traballos Waste de Julio Eiroa e O corpo que esconde de Virginia González, así como Pilara, a muller que vive coa miña aboa, o proxecto da nosa exalumna Noelia Fernández, que obtivo a mención de honra.

A presentación dará inicio ás 12:00 nas instalación de Aula D, escola de deseño (rúa Ourense 4) e a entrada é aberta a todo o público.

 

Etiquetado en:
 
maria-teresa-fernandez

1º Premio. María Teresa Fernández

 

Convocado o xurado do concurso da III Bolsa de Estudos en Deseño, este decidiu outorgar un único primeiro premio a María Teresa Fernández Vázquez polo seu traballo Deseño Nutritivo, así como dous accésit a Ana Valcarcel Portela e María Raquel Vilas Alonso polas súas respectivas propostas.
Parabéns ás premiadas e a tódolos/as participantes!

Etiquetado en:
 

Bolsa de Estudos Aula D

Buscamos alumnos e alumnas para os que a creatividade sexa algo estimulante, refrescante, e por iso queremos que nos sorprendas, que nos amoses a túa capacidade de ver o mundo cunha perspectiva diferente.

Só hai duas normas: deberás utilizar un folio de papel e a cor laranxa como elementos relevantes na túa proposta.
As posibilidades son infinitas: tomar unha fotografía, construir un obxecto, un espazo, facer unha ilustración, unha instalación, gravar un vídeo… ti decides. O importante é que a túa idea sexa orixinal, fuxindo dos tópicos e aportando algo novo, ben polo concepto, pola formalización ou por ámbalas dúas cousas.

A luz, os materiais, a cor, o volume, os usos, as persoas, os lugares, o significado… pensa nestas e outras cousas para cambialas, darlles a volta, ou traballar con elas. Tes liberdade para utilizar calquera técnica, material ou elemento, que pola súa forma, concepto ou contexto, aporte significado á túa idea.

 

Aula D convoca a 3ª edición da Bolsa de Estudos en Deseño.

A través dun concurso de creatividade, aberto a persoas maiores de 17 anos,  concederanse dúas bolsas de estudos coas que os gañadores/as poderán cursar sen custo o primeiro ano un dos Ciclos Formativos de Grao Superior impartidos na escola (Gráfica Publicitaria ou Deseño de Interiores).

As bases do concurso están dispoñibles na páxina web de Aula D

O prazo límite de inscrición e envío das propostas remata o día 19 de xuño.

Etiquetado en:
 

Vense de publicar a convocatoria do XXI Concurso de Fotografía Xurxo Lobato, organizado pola Asociación de exalumnos do I.E.S. Monelos.  Nesta convocatoria concederanse tres premios, varios accésit a criterio do xurado e unha bolsa para a produción dun proxecto fotográfico. O xurado estará formado por un representante da asociación, outro representante do Instituto Monelos e tres profesionais ou estudosos da fotografía.

O prazo para presentar os traballos remata o 10 de marzo de 2015 e poderanse presentar tódolos alumnos/as que cursen estudos de educación secundaria, bacharelato, formación profesional ou ensinanzas artísticas en Galicia, cun límite de idade de 21 anos.

Podedes ampliar información sobre o concurso na súa páxina de facebook.

Etiquetado en:
 

 

Na 10º edición do Concurso de Fotografía Xurxo Lobato presentáronse máis de 684 fotografías por case 300 estudantes de toda Galicia. O xurado, presidido por Xurxo Lobato e formado por Isabel Romero, profesora IES Imaxe e Son; Anton Orosa, secretraio IES Monelos; Pablo Mella, arquitecto e fotógrafo; Xose Díaz, secretario da Fundacion Luis Seoane; Tino Fraga, director do Álbum da Ciencia do Consello da Cultura Galega e, como secretario do Xurado, Blas Rodríguez, expresou a súa satisfacción pola mellora continua da calidade dos traballos presentados e o mantemento con respecto a edicións anteriores.

Dende Aula D queremos expresar igualmente a nosa satisfacción e dar os nosos parabéns á organización do concurso pola súa dedicación por promover a creatividade no ámbito da Fotografía entre a mocidade galega, así como a tódolos participantes e premiados.

Do mesmo xeito, queremos felicitar moi especialmente ós nosos alumnos Nerea Paños Boente e Diego Orge Vázquez que resultaron galardonados con cadanseu accésit na presente edición por dous excelentes traballos, así como aos finalistas Antía Méndez Conde-Pumpido, Fátima Comedeiro Darrosa, Ismael Estévez Carneiro e Ana Belén Pérez Castro, seguindo así todos eles a traxectoria de anos anteriores nos que outros alumnos desta escola obtiveron recoñecemento nestes premios (20132012).

Por último, tamén nos gustaría agradecer ao periódico dixital Mundiario o estupendo artigo que lle dedican á foto titulada Sometida de Nerea. Podedes botarlle un ollo neste enlace: Sometida, una foto impactante de una estudiante de diseño: Nerea Paños Boente.

 

 

Etiquetado en:
 

O vindeiro venres 25 de abril terá lugar na escola (rúa Ourense, 4) a celebración do 2º aniversario da revista de divulgación cultural CROA MAGAZINE.

O evento comezará ás 19.00 horas cunha rolda de charlas-coloquio co tema “CREATIVIDADE vs PRODUCTIVIDADE” contando para elo coa voz e a experiencia de:

MARCOS DOPICO. Profesor de deseño e presidente da DAG (Deseñadores Asociados Galegos)

RAFA CAMESELLE. Deseñador de moda cuxa colección vimos na última edición da Pasarela Cibeles.

JANITE. Reporteiro cultural, Fotógrafo omnipresente en Vigo.

 

Tras escoitar as experiencias e dialogar con estes tres profesionais seguiremos con:

EXPOSICIÓN DE PORTADAS. Poderemos ver as 46 propostas do Concurso de portadas II aniversario que organizamos entre Febreiro e Marzo para dar portada a CROA23. 45 de estas 46 obras se manterán en segredo hasta este día!

PROXECCIÓN 2 ANOS DE CROA. Todos e cada un dos creativos que tiveron oco nas nosas páxinas ó longo destes dous anos estarán presentes no noso evento.

CROA ENTRE LIÑAS. Popurrí de obxetos representativos que teñen formado parte da historia de CROA. O noso álbum de lembranzas máis personal.

p::a. O deseñador e ilustrador Pobreartista decántase pola música, e baixo o pseudónimo p::a  amenizará a velada cunha estupenda selección. DJ & música ambiente.

E… como non podía faltar…

¡BEBIDA E PISCOLABIS!
Esperámosvos !!

Aula D, escola de deseño

Etiquetado en:
 

O vindeiro 9 de marzo remata o prazo para a presentación de traballos na décima edición do Concurso de Fotografía Xurxo Lobato, organizado pola Asociación de exalumnos do I.E.S. Monelos.  Nesta convocatoria concederanse tres premios así como varios accésit a criterio do xurado formado por un representante da asociación e tres profesionais ou estudiosos da fotografía.

Cómpre destacar a traxectoria  desta iniciativa onde a calidade dos proxectos presentados mellora ano tras ano, poñendo en valor a Fotografía como medio de expresión artística e dando a coñecer esta disciplina entre a mocidade galega.

Tamén queremos lembrar o traballo Simbiosis, realizado pola nosa alumna Sandra González Villanueva, e gañadora da anterior edición, esperando que sirva de estímulo para que este ano poidamos ver un bo número propostas igual de interesantes.

Podedes ampliar información sobre o concurso na súa páxina de facebook e consultar as bases neste vínculo.

Etiquetado en:
 

Recentemente inaugurouse no espazo polivalente da escola a mostra que recolle os traballos presentados á novena edición dos Premios de Fotografía Xurxo Lobato promovidos pola asociación de antigos alumnos do IES Monelos da Coruña.

Entre os premiados nesta edición están os alumnos de Aula D, Sandra González Villanueva, gañadora do primeiro premio, así como Daniel Chapela Cordeiro, Mari Carmen Martínez Portela, Uxía Benlloch Giao e Andrés Aguiar González que conseguiron un accésit, e Sandra Tomé Argibay, Mª José Miguez Iglesias, Claudia Silva Gómez e Fátima Comedeiro Darrosa como finalistas.

A mostra permanecerá aberta ata o 31 de outubro e pódese visitar de luns a venres pola mañá de 10:00 a 14:00, ou de martes a xoves pola tarde de 16:30 a 20:30

Etiquetado en:
 
Set your Twitter account name in your settings to use the TwitterBar Section.