É impermeable, resistente e de forma prismática. Pensado para conter leite ou zume, tamén azucre e incluso arroz. É en definitiva un colector.
Aproveitando as súas propiedades, o xoves 11 de xullo no segundo obradoiro de cartón pedra e axudados polo profesor de aula d Pedro Román, transformámolo en xerro, xerra, colector para lápices, bolis etc.
O mércores 10 de xullo falamos de escenografía da man de Xerardo Pérez Medrano. Para empezar, un breve percorrido histórico polo teatro e as manifestacións teatrais, dende Grecia ata a actualidade. Logo analizamos exemplos de escenografías realistas e abstractas.
http://www.youtube.com/watch?v=qWrQ8WHInQM
Para finalizar deseñamos e realizamos a escenografía para un teatro de títeres cuxo guión e personaxes xa estableceramos en obradoiros anteriores.
Para seguires coa realización de instrumentos na clase do día 09 fíxose un Mirlitón con Manuel Barreiro Chao, profesor de Aula d, , instrumento membranófono feito cun tubo de cana aberto polos cabos e que leva nun deles unha membrá de pel decebola, papel ou plástico finiño que se ata ao tubo cun fío, ao tempo faiselle un burato a poucos centímetros da mebrá por onde imos soprar como cantado. O son que sae resulta da vibración da membrá.
¡O luns 8 de xullo acudiron ao obradoiro de ne@s, da man de Susana Román Estrada, gatos, paxaros e ata unha vampiresa!.
Como son as orellas dun gato, o nariz e o rabo? , de que cor pode ser un paxaro, laranxa, azul, vermello…? Como son de longos os cabeiros dunha vampiresa, de que cor e a súa capa…? Os nosos nen@s agora sábeno moi ben tras seres caracterizados polos seus compañeir@s e fotografad@s no set onde posamos saltando, miañando, piando, voando e ata ensinando os perigosos dentes.
Cantas clavículas temos? Se fose unha e non dúas, poderíamos subir un ombreiro sen baixar o outro? Cantos ósos teñen os brazos e as pernas? analicemos como se moven.
Tras darlles un repaso ás nosas articulacións xa podemos deseñar e construir as marionetas de fios, que en definitiva son esqueletes que logo poderemos vestir de seres o caso.
Este obradoiro dirixido polo profesor de aula d Pedro Román compleméntase cos de Experimentación Teatral e Escenografía para levar a cabo un espectáculo de títeres pensado polos nen@s.
O martes 9 de xuño xuntámonos en Aula D con Beatriz Santorum Vázquez e Nerea Paños Boente, gañadoras da 1ª Bolsa de Estudos, e pudimos felicitalas persoalmente. Parabéns a elas e a tódolos concursantes.
O xoves 4 de xullo falamos de Arquitectura dirixido polo arquitecto e profesor desta escola Xerardo Pérez Medrano. Iniciamos o obradoiro facendo unha reflexión sobre o cuarto no que vivimos, e intentamos debuxalo. Repasamos distintos métodos de representación (alzados, seccións, perspectivas, plantas,…). Debuxamos a casa en situacións extremas: nunha árbore, sobre o mar, baixo o mar, …
Como iniciación á arquitectura moderna estudiamos a Casa Farnsworth, de Mies van der Rohe, unha casa minimalista no medio dun bosque, sen portas e pechada na totalidade con vidros. Os nen@s estaban fascinados.
Finalmente construimos dita casa con pezas de Lego.
A golpe de mércores 3 de xullo no noso particular Patio de Butacas dirixido pola deseñadora Susana Román pasouse a película “Dentro do Laberinto” de Jim Henson, pai de marionetas e títeres tan famosos na televisión como Los Teleñecos e “La Rana Gustavo”, “La Cerdita Peggy”, os entrañables “Epi y Blas”, e no cine como o “Mestre Jedis” máis poderoso da galaxia que foi Yoda.
A intención desta actividade era amosarlles a estes cativos un tipo de cine que non coñecen, acostumados hoxe en día ás animacións dixitais, e tamén ao mítico David Bowie autor da música que bailan os persoeiros da historia da que el mesmo é vilán e protagonista.
Para rematar o obradoiro seleccionamos os persoeiros, as escenas e os diálogos máis salientables para recrealos nun mural feito entre todos.
Reunido o xurado do concurso da 1º Bolsa de Estudos en Deseño, convocado por Aula D, e conformado éste por Manuel Barreiro Chao (director do centro), Pedro Román Company (xefe de estudos), Xerardo Pérez Medrano (arquitecto e profesor de Tecnoloxía), Diego Fernández Pérez (deseñador e xefe do dpto. de Gráfica Publicitaria) e Andrea Costas Lago (artista e profesora de Fotografía), acordan conceder unha bolsa de estudos aos seguintes participantes:
– Be Ita (Beatriz Santorun Vázquez)
– Nerea Macabra Elektro Duende (Nerea Paños Boente)
Os primeiros tres finalistas, por número de votos, foron Beatriz Santorun Vázquez (263 votos), Nerea Lorenzo (215 votos), Nerea Paños Boente (211 votos). Os outros tres finalistas seleccionados foron Beatriz Fernández García, Diego Orge Vázquez e Daniel Alonso Pérez.
Os catro finalistas que non foron premiados están invitados a asistir ao cursiño monográfico que eles elixan dos que Aula D levará a cabo durante o curso 2013/2014.
Parabéns aos gañadores así como ao resto de participantes.
Neste obradoiro achegámonos ao mundo do teatro a través da creación colectiva. Comezamos con exercicios que nos esperten a capacidade de observación e de escoita, que sinto, onde, como?
Espelimos o corpo cun quecemento de pés e articulacións para probar diferentes xeitos de andar… Agora camiñamos a modiño, de súpeto temos moitísima presa , agora coma un robot, agora coma un pingüín a cámara rápida, agora coma…
Que liñas poderíamos debuxar no espazo para mostrar na escena a torre Eiffel?, as Meninas?, e as pirámides de Exipto?, e…?
Traballamos co corpo, co xesto, coa palabra…e sobre todo coa oportunidade que nos brinda o teatro para contar cousas.
Cantas historias poderíamos elaborar partindo das verbas dun xornal? Pasamos ao guión: escribimos as escenas, construímos as personaxes, como son?. Qué……..?
