Curso de Ilustración Dixital

Partindo dun coñecemento básico da teoría da cor e o manexo de Photoshop, o obxectivo do curso é amosar ao alumno diversas opcións de coloreado dixital a partires de exemplos de cómic e ilustración, asemade os procesos técnicos destinados a unha correcta dixitalización de orixinais. Tamén daremos nocións para o uso de Photoshop con outros programas, ou mixtas en combinación con técnicas tradicionais de coloreado. O software Photoshop non so é o estándar en retoque fotográfico, senon unha ferramenta cada vez máis usada por ilustradores tanto para retocar ilustracións dende técnicas tradicionais como para crear imaxes directamente.

Curso de Ilustración Dixital
Obxectivos
Dotar ao alumnado acerca das opcións básicas para uso de Photoshop no coloreado dixital.
Informar acerca das alternativas a Photoshop para coloreado dixital e ferramentas complementarias.
Capacitar ao alumnado para que con ditas nocións poida profundizar na investigación e o desenvolvemento das súas capacidades.

Contidos
Axustes en Photoshop para coloreado dixital.
Información sobre hardware adicional ao equipo. Tabletas gráficas.
Tipos de coloreado só con Photoshop.
Uso de técnicas tradicionais en combinación con Photoshop.
Uso de outros programas en combinación con Photoshop (só exemplos).
Ferramentas adicionais.

Metodoloxía
Exposición de contidos teóricos apoiados con exercicios que o alumnado realizará na aula.

Perfil do alumnado
O curso está dirixido a persoas con coñecementos previos de Photoshop. Deberán levar portátil con Adobe Photoshop instalado (recomendable con tableta gráfica).

Profesor
Alberto García Ariza, Licenciado en Belas Artes, Ilustrador e profesor de Aula D. Escola de Deseño.

Horario
Venres 18 de outubro, de 19.00 h á 21.00 h
Sábado 19 de outubro de 10.00 h á 14.00 h
Venres 25 de outubro, de 19.00 h á 21.00 h
Sábado 26 de outubro de 10.00 h á 14.00 h

Prezo
Xeral : 80€
Alumnos de Aula D : 40€
Exalumnos de Aula D : 60€
A abonar antes do martes 15 de outubro, en man na propia escola (r/ Ourense, 4 – baixo VIGO) ou mediante transferencia bancaria (conta nº 2080 5085 73 3040026857). Se por algún motivo non se poidera desenvolver o curso, se devolverán os cartos.
Contacta en cursos@aulad.com

Curso de Modelado Dixital en 3D

Curso práctico de modelado dixital en 3D co programa GOOGLE SKETCHUP. Durante o curso mostrarase cómo modelar espazos e obxectos en 3D utilizando tódolos recursos necesarios para facelo de xeito rápido, áxil e eficiente. Este curso está pensado para que os asistentes queden capacitados para realizar bosquexos en 3D que lles axuden a idear e amosar os espazos e obxectos deseñados.

 

Contidos

Presentación.

Personalización do entorno de traballo.

Ferramentas de debuxo.

Compoñentes e capas.

Estilos e sombras.

Modelado de terreos.

 

Perfil do alumnado

O curso está dirixido a arquitectos, deseñadores e delineantes sen experiencia co programa. O alumnado deberá traer o seu portátil co programa instalado.

Profesor
Jesús Carrazoni Fuertes. Desenvolve o seu labor profesional como arquitecto e imparte clases de Proxectos no ciclo superior de Proxectos e Dirección de Obras de Decoración en Aula D.Escola de Deseño.

Horario
Venres 15 de novembro, de 19.00 h á 21.00 h
Sábado 16 de novembro de 10.00 h á 14.00 h
Venres 22 de novembro, de 19.00 h á 21.00 h
Sábado 23 de novembro de 10.00 h á 14.00 h

Prezo
Xeral : 80€
Alumnos de Aula D : 40€
Exalumnos de Aula D : 60€
A abonar antes do martes 12 de novembro, en man na propia escola (r/ Ourense, 4 – baixo VIGO) ou mediante transferencia bancaria (conta nº 2080 5085 73 3040026857). Se por algún motivo non se poidera desenvolver o curso, se devolverán os cartos.
Contacta en cursos@aulad.com

LABUELAPETRA, residencia artística

LABUELAPETRA, residencia artística, é un laboratorio creativo dunha semana de duración que nace da necesidade de varios profesionais do mundo do Deseño, o Audiovisual, a Fotografía e a Comunicación para crear un espazo onde poder desenvolver as súas ideas e inquedanzas artísticas.

O proxecto estase a desenvolver dende o mércores 11 de setembro na rúa Simancas do barrio vigués de Bouzas , e convidados por Iria del Bosque “Pequenabicha” achegámonos para coñecer de primeira man o espazo, xusto antes de que pecharan as portas para iniciar a montaxe das pezas.

Do que poida suceder nesta residencia artística, non vos podemos desvelar máis que o que contén o vídeo que alí gravamos, pero podedes compartir directamente con eles esta experiencia artística a través da súa páxina en Facebook.

RESIDENTES

Martín Rodríguez Vázquez. Diplomado en Guión e Dirección. Director de cine e realizador.
Proxecto: Videocreación. 

Borja Bernárdez. Titulado en Fotografía Profesional. Fotógrafo e artista visual.
Proxecto: Instalación audiovisual.

Iria del Bosque: Técnico superior en deseño e dirección de obras de decoración. Deseñadora de Interiores.
Proxecto: Instalación artística.

Isaura Doampo. Diplomada en Guión e Dirección. Videocreadora e fotógrafa.
Proxecto: Instalación artística.

Ana García Vieiros: Licenciada en Publicidades e Relacións Públicas. Comunicación Audiovisual.
Proxecto: Documentación xeral de LABUELAPETRA.

CIDE – Curso de introducción ao deseño


Durante os meses de outubro, novembro e decembro Aula D impartirá o CIDE, un curso a través do que achegaranse ao alumnado coñecementos teórico-prácticos propios do Deseño, tanto dende o ámbito do deseño gráfico, como do deseño de interiores ou do deseño de produto.

Orientado fundamentalmente a persoas interesadas no deseño ou que teñan pensado iniciar estudos afíns (deseño gráfico, deseño de interiores, belas artes, arquitectura, delineación, etc), este curso non precisa de coñecementos previos por parte do alumnado xa que a súa metodoloxía permite desenvolver os contidos dun xeito progresivo ata acadar un nivel óptimo na aprendizaxe.

O curso ten unha duración total de 60 horas distribuidas en 6 horas semanáis durante 10 semanas, dende  outubro a decembro. As clases impartiranse os luns e os xoves en horario de tarde.

Descargar o folleto informativo en formato .pdf (1,40MB)

Xa que o número de prazas é limitado as solicitudes de reserva de praza atenderanse estrictamente por orde de chegada. Haberá un prazo para efectuar a formalización da matrícula pasado o que o dereito de matrícula pasaría á seguinte persoa da listaxe.
Para calquera dúbida ou comentario, ou mesmo para reservar praza, é posible contactar no enderezo de correo electrónico cursos@aulad.com ou no teléfono 986 214 076.

Aula D, escola de deseño | rúa Ourense 4, Vigo 

COLECTIVA 12 -13

 Queremos amosar nesta entrada, unha mostra da expoisición colectiva na que se ven representadas ámbalas dúas especialidades que se imparten no noso centro, no  eido do deseño gráfico e do deseño de interiores e nos seus distintos niveis da aprendizaxe.

 Tipografía, Fotografía e Expresión Gráfica entre outros, son módulos que inciden directamente nos proxectos gráficos. Volume máis Debuxo e Cor, son ferramentas de aproximación aos problemas espaciais e obxectuais  nos de deseño de interiores, que como no caso anterior compleméntanse con outros de carácter conceptual, técnico e de aplicación.

Podédela visitar no espazo polivalente, de aula d, de luns a venres dende as 10.00 ata as 14.00 e de 16.30 a 21.00 horas.

obradoiro de cartón pedra 2

Hoxe ademais de traballar no obradoiro do día,  tocaba despedirse por este ano, polo que realizamos unha actividade curta, de pouco traballo manual e moi inmediata como idea: tres cortes polos que curvamos un plano de cartón, un par de grampas en cada corte,  cola e papeis de cores para que cada un déralle o acabado de seu.

Obradoiro para nen@s.Instrumentos/abesouro-maracas

Hoxe, día 31 de xullo, puxémoslle remate a este obradoiro, verán 2013, de música realizando dous instrumentos máis, o primeiro o abesouro/roncollo realizado cun cachiño, cilindro, de cana un anaquiño de plástico e un sedal suxeito a un pauciño de piñeiro ben seco. O son que se produce é semellante ao zumbido dun abesouro que resulta da fricción do sedal co pao e que trasmite ao plástico , que serve de membrana, para logo seres amplificada polo cachiño de cana.

O segundo foi unha maraca, que saiu da reutilización dunha lata de refresco á que se lle puxo un mango para por último meterlle un pouco de arroz e pechala pola cabeza aberta cunha tapa feita cumha fina chapa de taboleiro de madiera inserida no mango.

Co conxunto de instrumentos realizados neste obradoiro espero que os nen@s non só se divertiran ao seres a maioría destes estribillos amais de instrumentos, senón que tamén aprenderan un pouco da nosa tradición instrumental.

Unha aperta, para tod@s @s asistentes, de Manuel Barreiro Chao deseñador e profesor de aula d.

 

Obradoiro para ne@s. Curtametraxe-ilustración

 

O luns 24 de xullo as luces  apagáronse e o narrador contounos a historia de Vicent Malloy, un rapaz cunha imaxinación desbordarte. Despois tocounos pensar a nós. Como é Vicent?, como se ve na seu maxín?… o can… ao final transformábase? e que pasaba coa súa tía?

Os rapaces interpretaron e ilustraron esta historia, respectando o final ou creando un novo e alternativo. Estas ilustracións servíronnos tamén para o obradoiro do día seguinte.

Obradoiro para nen@s. Casa de bonecas

O día 1 de agosto fixemos unha casa de bonecas á escala «casi» real. Con caixas de cartón abertas por unha das súas caras, cada nen@ tiña que construir unha peza da casa (dormitorio, salón, cociña, …)

Realizamos unha ventá protexida cunha cortina e outra pechada con contras; elementos decorativos, cadros, mobles, etc. Practicamos distintas agrupacións unindo unhas caixas con outras, pareadas, arrimadas, … e !a xogar!

 

Obradoiro para nen@s. Maquetación

 

Partindo das ilustracións e do texto sobre o que traballamos no obradoiro do día anterior, e trala análise dalgunhas páxinas de comics tan coñercidos e míticos como “Mortadelo y Filemón” “El Capitan Trueno” “Tintín» ou “Asterix” , o martes 30 de xullo no obradoiro de maquetación, cada un dos nosos novos maquetadores organizou o seu libriño repartindo texto e ilustracións, tendo en conta as páxiñas de respecto e os elementos  que deben aparececer tanto na capa como na contracapa.

Navegación de entradas

1 2 3 … 17 18 19 20 21 22 23 … 32 33 34
Volver arriba