Categoría: INTERIORES

O alumnado de 2º curso de Deseño de Interiores ven de facer unha visita a Estudio Nicolao, que ten as súas instalacións na rúa Velázquez Moreno, 40 en Vigo. Estudio Nicolao adícase ao deseño de mobiliario, equipamento e montaxe de cociñas de gama alta usando materiais, ferraxes e electrodomésticos de gran calidade. O mobiliario utilizado é da marca galega Mobalco. Grazas Nico pola túa profesionalidade.

Asemade tamén visitamos a sede viguesa do Colexio Oficial de Arquitectos de Galicia, na rúa Doutor Cadaval, 5. Un edificio vangardista, obra do Estudio Irisarri+Piñera, cun novedoso concepto de organización de espazos de oficinas, cunha fachada de policarbonato celular, que actúa como cámara de aire captadora de enerxía solar.

@s alumn@s de Deseño de Interiores visitaron dúas das máis relevantes rehabilitacións de edificios do Casco Vello de Vigo : O Instituto Camôes e o Rexistro da Propiedade.

O arquitecto Alfonso Penela proxectou en 1997 a sede viguesa do Instituto Camôes ( cuio cometido é a difusión da cultura portuguesa) nunha edificación do século XV denominada Casa Arines, de Ceta e Pazos Figueroa.  Sen dúbida, un referente da rehabilitación de edificios históricos, pola delicadeza da implantación usando materiais contemporáneos como o aceiro corten, a madeira sen bernizar ou o formigón visto, en perfecta armonía coa sillería de granito existente. A luz natural e os espazos en doble altura xeneran unha atmósfera íntima e acolledora.

O Rexistro Mercantil e o Rexistro da Propiedade decidiron reunir as súas sedes espalladas pola cidade e ubicalas na rúa Real. Para elo, o estudio de arquitectura Irisarri e Piñera inaugurou recentemente a nova sede dos Rexistros nun proxecto que consegue adaptar unha serie de antigas edificacións en distintos niveis, das que apenas se conservan as fachadas e algúns muros interiores. O elemento principal é o patio acristalado con celosías verticais ao que miran todas as oficinas.

O vindeiro martes 5 de maio, ás 19.30h terá lugar a charla «ARQUITECTURAS E INVESTIGACIÓN. RACIONALISMO EN VIGO» impartida por José Luis Varela nas nosas instalacións de rúa Ourense, 4 en Vigo.

O arquitecto José Luis Varela Alén leva anos adicado á investigación da arquitectura moderna, e máis concretamente á arquitectura do século XX en Vigo. En 2004 publicou o libro «Arquitectura Racionalista en Vigo».

O grupo do ciclo de Deseño de Interiores visitaron o martes 21 de abril o Edificio Bar Boo, tamén coñecido como Edificio Plastibar, na rúa Marqués de Valladares en Vigo, deseñado en 1957 polo arquitecto vigués Xosé Bar Boo. O motivo da visita é porque o Proxecto Final que acaban de empezar consiste na reforma do local do edificio que ocupa as plantas -2, -1, baixo e entreplanta (actuais instalacións de AIG) para a sede dun Centro de Documentación da Arquitectura de Vigo.

Despois da visita a dito local, da empresa de Servicios Informáticos AIG, o arquitecto Pepe Bar, fillo de Xosé Bar Boo, explicou os pormenores do edificio e amosou as vivendas e terrazas das plantas superiores asemade a maqueta que él mesmo realizou. Agradecementos para Pepe Bar.

Para continuar visitamos algúns dos edificios máis significativos da Arquitectura Moderna de Vigo, como o edificio do Real Clube Náutico, de Francisco Castro ou o edificio Aurora Polar, de Jenaro de la Fuente.