{"id":4344,"date":"2013-01-07T13:06:29","date_gmt":"2013-01-07T12:06:29","guid":{"rendered":"http:\/\/aulad.com\/blog\/?p=4344"},"modified":"2013-02-08T11:19:24","modified_gmt":"2013-02-08T10:19:24","slug":"coworking-galego-proxecto-dun-espazo-administrativo-por-miguel-cerqueiro","status":"publish","type":"post","link":"https:\/\/aulad.com\/blog\/2013\/01\/07\/coworking-galego-proxecto-dun-espazo-administrativo-por-miguel-cerqueiro\/","title":{"rendered":"Coworking Galego: proxecto dun espazo administrativo por Miguel Cerqueiro"},"content":{"rendered":"

\"\"

A intervenci\u00f3n pretende acondicionar o local para situar nel un espazo de traballo que atenda ao programa de necesidades exposto polo cliente. A premisa fundamental do proxecto reside no propio concepto no que se basea esta nova forma de traballo. O \u201ccoworking\u201d nace en Estados Unidos durante a primeira d\u00e9cada do s\u00e9culo XXI, e sup\u00f3n unha nova alternativa para xente nova creativos que est\u00e1n buscando traballo, permite compartir oficina e fomenta relaci\u00f3ns estables entre profesion\u00e1is de diferentes sectores que poden desembocar en relaci\u00f3n cliente-proveedor. <\/p>\n

Os centros \u201ccoworking\u201d, destinados principalmente a profesion\u00e1is de internet, dese\u00f1adores, programadores, escritores, periodistas, etc., proporcionan, xeralmente, un escritorio individual, acceso a internet e outros servizos. O \u201ccoworking\u201d ofrece una soluci\u00f3n para o problema do illamento que sup\u00f3n para moitos traballadores independentes a experiencia do traballo na casa.
\nO concepto do proxecto parte da propia necesidade de expo\u00f1er esta nova forma de traballo, e dicir, a idea do proxecto est\u00e1 no propio encargo, a necesidade de xerar comunidade e interacci\u00f3n, un centro de traballo sen xerarqu\u00edas.<\/p>\n

::: ZONIFICACI\u00d3N E ACABADOS :::<\/strong>
\nO acceso real\u00edzase a trav\u00e9s da entreplanta do edificio de vivendas situado na r\u00faa Gran V\u00eda, o tratamento da fachada do local \u00e9 permeable, cunha porta de vidro \u00e9 un vidro fixo que fan de escaparate do propio espazo de traballo.<\/p>\n

O espazo res\u00f3lvese dunha forma di\u00e1fana, sen divisi\u00f3ns nin cub\u00edculos pechados, colocando como \u00fanico elemento organizador un moble con forma de prisma rectangular, con circulaci\u00f3ns claras e unha distribuci\u00f3n racional do espazo pret\u00e9ndese crear un centro de traballo din\u00e1mico e novo.<\/p>\n

O interior, concebido como un espazo \u00fanico, consta de d\u00faas zonas princip\u00e1is, o espazo polivalente e a zona correspondente aos postos de traballo, que xunto co aseo adaptado determinan os usos do local.<\/p>\n

O espazo polivalente engloba varias zonas de gran importancia dentro desta tipolox\u00eda de oficina. O acceso \u00e9 directamente ao espazo polivalente, que comunica coas d\u00faas \u00e1reas que o completan, que son o \u201coffice\u201d e a zona de reuni\u00f3n, ambas funcionan de maneira conxunta, a zona de reuni\u00f3n tam\u00e9n pode ser a zona de lecer e viceversa, a \u00fanica divisi\u00f3n posible \u00e9 a que aporta una feble pantalla de proxector. Entendendo o espazo polivalente coma o espazo no que se poden realizar xuntanzas, presentaci\u00f3ns, charlas ou simplemente compartir un momento de lecer con compa\u00f1eiros de traballo, este abarca m\u00e1is al\u00f3 do que pode entenderse por unha zona de relax cun sof\u00e1 e una mesa. Por qu\u00e9 non poder realizar unha reuni\u00f3n de traballo no espazo de lecer, fora dunha sala pechada? Esta \u00e9 a premisa pola que estas zonas funcionan de maneira conxunta. Ao non existir divisi\u00f3ns, somentes o elemento distribuidor do espazo, o moble modular central, a li\u00f1a entre o espazo polivalente e a zona dos postos de traballo \u00e9 m\u00ednima.<\/p>\n

O moble, ademais de elemento organizador, engloba varios servizos necesarios, como t\u00f3dolos elementos necesarios do \u201coffice\u201d, estanter\u00edas e os armarios dos comparten o espazo. Pret\u00e9ndese tam\u00e9n que rache coa monoton\u00eda que se poder\u00eda xerar nun espazo reducido como este, xerando dous espazos comunicados e illados ao mesmo tempo, con diferentes puntos de vista do local sen necesidade de tabiques.
\nA zona dos postos de traballo est\u00e1 organizada de forma racional, con once postos de traballo distribuidos en mesas de 1,30 x 0,75 m, t\u00f3dalas mesas son do mesmo tama\u00f1o ag\u00e1s unha, de maior dimensi\u00f3n, as mesas son lixeiras e desmontables, polo que esta zona pode ser modificada en funci\u00f3n das necesidade que se xeren no futuro. O espazo dos postos de traballo tam\u00e9n \u00e9 entendido coma un espazo flexible, dende o punto de vista de que este tam\u00e9n pode ser o espazo de reuni\u00f3n, ou tam\u00e9n pode ser o espazo para realizar alg\u00fan evento. O concepto de espazo compartido, reflectido na organizaci\u00f3n do local, pretende que t\u00f3dalas actividades poidan ser realizadas en \u00e1mbalas d\u00faas zonas.<\/p>\n

A terraza existente no estado actual \u00e9 integrada no espazo de traballo e destinada a librer\u00eda, cada \u201ccoworker\u201d ten unha especialidade, e a librar\u00eda \u00e9 reflexo desa multicultura.
\nOutros servizos necesarios como o arquivo, almac\u00e9n e roupeiro est\u00e1n integrados nun moble que a s\u00faa vez divide o espazo principal do aseo adaptado.<\/p>\n

O local res\u00f3lvese con poucos materi\u00e1is, a moblaxe, as portas, mesas, etc est\u00e1n realizadas en DM vernizado, mantendo a cor propia do material. O pavimento real\u00edzase con pan\u00e9is de madeira-cemento en todo o local, este vern\u00edzase para unha maior resistencia e durabilidade tanto no espazo principal como no aseo. O tratamento das paredes modif\u00edcase, regularizase a zona dos postos de traballo mediante dun trasdousado de pan\u00e9is de cart\u00f3n xeso, nos ocos destinados ao apoio de material de traballo ut\u00edzanse como trasdousado pan\u00e9is de DM para unha maior durabilidade e resistencia aos golpes. O moble central \u00e9 modular, fabricado tam\u00e9n en DM, polo exterior est\u00e1 lacado en azul oscuro, este contraste marca o espazo do local, ao igual que unha parte do trasdousado do paramento da zona dos postos de traballo, xerando contraste coa continuidade do resto do espazo. O paramento do espazo polivalente \u2013 zona de relax est\u00e1 realizado con pintura de borrado en seco, este \u00e9 un paramento interactivo no que poder escribir, mostrar ideas, etc. A li\u00f1a crom\u00e1tica \u00e9 o gris do pavimento, o branco gris\u00e1ceo, o azul oscuro e a propia cor do DM. B\u00fascase as\u00ed manter unha homoxeneidade en todo o local, un espazo sereno e distendido.<\/p>\n

O falso teito \u00e9 un trasdousado cont\u00ednuo de cart\u00f3n xeso, mentres que a iluminaci\u00f3n \u00e9 fluorescente na zona dos postos de traballo e m\u00e1is indirecta no espazo polivalente. O sistema de luminarias res\u00f3lvese en varios ra\u00eds situados sobre das mesas diagonalmente, con posibilidade de modificar a s\u00faa posici\u00f3n. Tam\u00e9n existe luz indirecta nos ocos da parade da zona de traballo e o acceso dende as mesas aos puntos de electricidade realizase a trav\u00e9s de ocos que conectan coas caixas estancas situadas no pavimento baixo as mesas.
\nPret\u00e9ndese unha continuidade nos aspectos est\u00e9tico ambient\u00e1is do espazo, unha li\u00f1a crom\u00e1tica homox\u00e9nea e unha limpeza compositiva na moblaxe.<\/p><\/blockquote>\n