{"id":2226,"date":"2012-05-11T13:31:51","date_gmt":"2012-05-11T11:31:51","guid":{"rendered":"http:\/\/aulad.com\/blog\/?p=2226"},"modified":"2012-06-19T19:20:20","modified_gmt":"2012-06-19T17:20:20","slug":"rehabilitacion-dunha-casa-rural-da-aldea-de-casaio-na-provincia-de-ourense-por-lorena-serrano-e-iris-vila","status":"publish","type":"post","link":"https:\/\/aulad.com\/blog\/2012\/05\/11\/rehabilitacion-dunha-casa-rural-da-aldea-de-casaio-na-provincia-de-ourense-por-lorena-serrano-e-iris-vila\/","title":{"rendered":"Rehabilitaci\u00f3n dunha casa rural da aldea de Casaio na provincia de Ourense por Lorena Serrano e Iris Vila"},"content":{"rendered":"

http:\/\/www.flickr.com\/photos\/adblog\/7175768700\/in\/photostream<\/p>\n

O \u00faltimo dos proxectos sobre a rehabilitaci\u00f3n en Casaio<\/em><\/a> que se publica parte de Lorena Serrano e Iris Vila, alumnas de segundo ano do Ciclo Formativo de Grao Superior de Proxectos e Direcci\u00f3n de Obras de Decoraci\u00f3n. Con todos os traballos que se expuxeron sobre este tema, pret\u00e9ndese mostrar as diferentes perspectivas e soluci\u00f3ns que xurdiron dunha \u00fanica idea: rehabilitar unha antiga vivenda na provincia de Ourense.<\/p>\n

:::DECLARACI\u00d3N DE INTENCI\u00d3NS:::<\/strong><\/p>\n

Realizamos a rehabilitaci\u00f3n dunha vivenda tradicional propia da arquitectura popular galega \u00abdas serras\u00bb situada na Serra da Mina en Casaio – Ourense.
\nAdaptaremos a vivenda ao seu novo uso como Oficina de Rehabilitaci\u00f3n Comarcal, a que require un espazo de traballo para persoal t\u00e9cnico, unha sala de xuntas, unha oficina de direcci\u00f3n, unha zona de exposici\u00f3n e unha recepci\u00f3n.<\/p>\n

<\/p>\n

\u00b7Estado actual:<\/strong><\/p>\n

A vivenda orientada ao nacente presenta d\u00faas plantas comunicadas por unha pequena escaleira exterior que desembarca nun corredor.
\nNa planta t\u00e9rrea enc\u00f3ntranse as cortes ademais dun alpendre como zona exterior baixo cuberta e un mu\u00ed\u00f1o.
\nNa primeira planta encontr\u00e1monos unha coci\u00f1a cunha lareira realizada en lousas de pedra e un cuarto cunha pequena vent\u00e1. Polo corredor accedemos a outra estanza situada na mesma planta.
\nOs materiais propios da arquitectura desta zona son o xisto para os muros e cuberta.
\nAs estruturas do pavimento e cubertas est\u00e1n realizadas con vigas de madeira en bo estado e pont\u00f3ns do mesmo material.
\nA vivenda ad\u00e1ptase a un terreo en pendente polo que pasa un regato que alimenta o mu\u00ed\u00f1o e no que existe un carballo.<\/p>\n

\u00b7Estado Reformado:<\/strong>
\nO criterio a seguir nesta rehabilitaci\u00f3n parte dunha intervenci\u00f3n contida que pon de manifesto a s\u00faa tipolox\u00eda;
\nfusionando o valor desta arquitectura coas novas tecnolox\u00edas as\u00ed como a adecuaci\u00f3n \u00e1s novas necesidades. Para a adaptaci\u00f3n prox\u00e9ctanse novas vent\u00e1s que achegan maior luminosidade ao espazo e abren a vivenda ao exterior. Eliminamos parte do muro medianeiro para obter un espazo menos compartimentar.
\nComo elemento artellador des\u00e9\u00f1ase unha escaleira que une a planta terrea e a primeira planta dando unidade e continuidade ao conxunto. O corredor aberto na vivenda orixinal, p\u00e9chase adapt\u00e1ndoo como espazo interior, algo habitual tam\u00e9n na arquitectura popular tradicional da zona.<\/p>\n

\u00b7Acceso e exterior:<\/strong>
\nO acceso prod\u00facese dende a planta terrea, onde nos encontramos o alpendre, espazo exterior que quedar\u00e1 ao servizo e desfrute da comunidade, ao igual que o antigo mu\u00ed\u00f1o, que acondicionamos para converterse nunha zona p\u00fablica como espazo de faladoiro e miradoiro.
\nA auga que alimenta ao mu\u00ed\u00f1o descorre polo lateral da vivenda, nunha canle\u00a0 .<\/p>\n

\u00b7Recepci\u00f3n:<\/strong>
\nPr\u00f3xima ao acceso principal na planta t\u00e9rrea enc\u00f3ntrase a recepci\u00f3n, a sala de espera, o arquivo hist\u00f3rico e unha zona de exposici\u00f3n que nos conduce a trav\u00e9s dunha escaleira ata o corredor e a zona do persoal t\u00e9cnico na primeira planta.<\/p>\n

\u00b7Escaleira:<\/strong>
\nAct\u00faa como elemento de uni\u00f3n.
\nEst\u00e1 situada nun espazo lateral a dobre altura e reforzada por un ventanal que achega maior luminosidade.
\nO ventanal est\u00e1 orientado ao carballo coa intenci\u00f3n de que este se integre no interior.<\/p>\n

\u00b7Zona de traballo:<\/strong>
\nA primeira planta \u00e9 un espazo aberto nela sit\u00faase unha zona de traballo para 3 profesionais, a que ten acceso directo \u00e1 sala de xuntas situada no corredor e \u00e1 oficina de direcci\u00f3n.
\n
\n\u00b7Corredor:<\/strong>
\nEste prox\u00e9ctase como espazo interior aberto ao val mediante un peche de vidro e ao alpendre cun cerramento mixto de madeira na s\u00faa cara interior e met\u00e1lica polo exterior formando un s\u00e1ndwich e un vidro. Aqu\u00ed sit\u00faase a sala de xuntas e un espazo polivalente para proxecci\u00f3ns ou charlas, separados a trav\u00e9s dun mobiliario m\u00f3bil. Conservamos o acceso existente como privado.<\/p>\n

\u00b7Acabados:<\/strong>
\nOs espazos de traballo e recepci\u00f3n material\u00edzanse en pintura branca orixinando un \u00e1mbito puro e luminoso. O mobiliario real\u00edzase \u00e1 medida en madeira de pi\u00f1eiro e aceiro. Todas as estanzas te\u00f1en unha entrada de luz natural e unha iluminaci\u00f3n artificial xeral (encaixada no teito).
\nNa escaleira ser\u00e1n visibles os muros de lousa que contrastan cos paneis de exposici\u00f3n. O chan \u00e9 de DM vernizado nun ton escuro na primeira planta e formig\u00f3n brunido na planta t\u00e9rrea.<\/p>\n