{"id":2202,"date":"2012-05-15T18:38:09","date_gmt":"2012-05-15T16:38:09","guid":{"rendered":"http:\/\/aulad.com\/blog\/?p=2202"},"modified":"2012-10-03T17:18:53","modified_gmt":"2012-10-03T15:18:53","slug":"rehabilitacion-dunha-casa-rural-da-aldea-de-casaio-na-provincia-de-ourense-por-maria-saavedra","status":"publish","type":"post","link":"https:\/\/aulad.com\/blog\/2012\/05\/15\/rehabilitacion-dunha-casa-rural-da-aldea-de-casaio-na-provincia-de-ourense-por-maria-saavedra\/","title":{"rendered":"Rehabilitaci\u00f3n dunha casa rural da aldea de Casaio na provincia de Ourense por Mar\u00eda Saavedra."},"content":{"rendered":"

http:\/\/www.flickr.com\/photos\/adblog\/7172576492\/in\/photostream<\/p>\n

Rehabilitaci\u00f3n en Casaio<\/em>, como xa puidemos ler en entradas anteriores<\/a>, \u00e9 un proxecto de reforma dunha vella vivenda na provincia de Ourense. Neste caso \u00e9 Mar\u00eda Saavedra, alumna de segundo ano do Ciclo Formativo de Grao Superior de Proxectos e Direcci\u00f3n de Obra de Decoraci\u00f3n que se imparte na escola<\/a>, a autora do traballo que se exp\u00f3n a continuaci\u00f3n.<\/p>\n

<\/p>\n

:::PROXECTO:::<\/strong>
\nDende un principio prop\u00faxose alterar o menos posible a construci\u00f3n, pero ao mesmo tempo t\u00ed\u00f1ase moi claro que a edificaci\u00f3n non \u00eda propiciar os posibles usos que puidesen darse no seu interior, polo que este proxecto non foi formulado cunha visi\u00f3n \u00fanica, se non con perspectiva de mellorar a edificaci\u00f3n para os usos actuais e futuros.
\nA zonificaci\u00f3n foi un dos elementos que m\u00e1is marcou a distribuci\u00f3n e modificaci\u00f3n do edificio. Decidiuse aproveitar os dous accesos xa existes, para poder permitir aos traballadores un acceso e unha zona completamente privada. Desta forma formul\u00e1base a localizaci\u00f3n dos despachos nas d\u00faas estanzas m\u00e1is pr\u00f3ximas ao acceso superior (que seria o privado) destinando o inferior para uso p\u00fablico xa que\u00a0 se aproxima \u00e1 edificaci\u00f3n dende a s\u00faa parte inferior, as\u00ed mesmo as estanzas da parte inferior estar\u00edan destinadas ao uso administrativo.<\/p>\n

\u00b7EXTERIOR:<\/strong>
\nOs usuarios aprox\u00edmanse por un cami\u00f1o de brita coa intenci\u00f3n de guialos, pero sen alterar o \u00e1mbito. Ao final do cami\u00f1o os visitantes enc\u00f3ntranse ante unha chapa de aceiro corten que lles informa sobre o acceso \u00e1 oficina de rehabilitaci\u00f3n e ao mesmo tempo oculta a visi\u00f3n do acceso privado.
\nUnha vez que\u00a0 se introduce baixo a cuberta (pero sen acceder ao interior da edificaci\u00f3n) enc\u00f3ntrase cun mu\u00ed\u00f1o convertido en merendeiro (tanto para o uso dos traballadores coma para o uso p\u00fablico) e un pequeno miradoiro con dous bancos que nos invita a sentarmonos e considerar o potente \u00e1mbito.
\nOutra vez no exterior, m\u00e1is arriba do acceso privado encontramos un pequeno espazo, onde protexido polo carballo p\u00f3dese sentares debaixo nun banco de madeira, reutilizando para iso unha das vigas en mal estado. A viga seccionada pola metade e atada por unhas tiras de aceiro forxado, forman un asento perfecto e moi resistente.
\nA fachada do edificio apenas foi alterada a excepci\u00f3n da colocaci\u00f3n dunhas contras corredizas de aceiro corten que serven como sistema de escurecemento e de seguridade. O cerramento do corredor, \u00e9 unha fachada trasventilada con rematado de tarima de madeira de casta\u00f1o lasurado.<\/p>\n

\u00b7INTERIOR, Planta terrea:<\/em><\/strong>
\nUnha vez xa no interior, encontr\u00e1monos coa recepci\u00f3n, esta aproveita o oco que se xera debaixo da escaleira. Xusto \u00e1 man esquerda est\u00e1 situado o aseo. No estado inicial os espazos onde se encontran este e a recepci\u00f3n non estaban comunicados, pero asumiuse que a derruba do muro que os separaba permitir\u00eda que futuros usos encontren doadamente un lugar no seu interior. A porta que antes daba paso ao espazo onde se encontra o aseo conv\u00e9rtese nunha vent\u00e1, proporcionando unha ventilaci\u00f3n c\u00f3moda e r\u00e1pida \u00e1 estanza. Tam\u00e9n na parte baixa enc\u00f3ntrase o arquivo coa pequena zona de lecer para traballadores. Toda a planta baixa, ten como pavimento o cemento pulido.<\/p>\n

\u00b7INTERIOR, Primeiro andar:<\/em><\/strong>
\nSubindo as escaleiras, creadas a partires dunha chapa pregada de aceiro pulido,\u00a0 \u00edmos percorrendo unha serie de paneis de labra aglomerada onde se am\u00f3sanse proxectos xa realizados. Unha vez no primeiro andar encontr\u00e1monos a sala de exposici\u00f3ns, serve como distribuidor e de sres preciso como sala de espera. Nesta sala encontramos dous lucernarios que te\u00f1en un sistema de escurecemento que se acciona mediante poleas.
\nA man dereita enc\u00f3ntrase a sala de reuni\u00f3ns, de fronte tralo tabique rematado de list\u00f3ns de madeira, un dos despachos e \u00e1 man esquerda o outro.
\nA sala de reuni\u00f3ns est\u00e1 pensada tam\u00e9n para presentaci\u00f3ns. Para iso disp\u00f3\u00f1ense dous mobles, un debaixo da pantalla de proxeci\u00f3ns e outro ao fondo, facilitando que se poida falar dende \u00e1mbalas\u00a0 d\u00faas situaci\u00f3ns. A mesa ori\u00e9ntase directamente cara \u00e1 vent\u00e1 e cara \u00e1s vistas.
\nNo despacho da esquerda, encontramos un longo estante que envolve a estanza para uso comunitario de t\u00f3dolos traballadores. Xunto ao estante enc\u00f3ntranse os tres postos de traballo, e\u00a0 unha vent\u00e1 panor\u00e1mica.
\nO despacho n\u00famero un, \u00e9 o \u00fanico que se prev\u00e9 para recibir usuarios de forma regular. Para optimizar o espazo disp\u00faxose dunha moblaxe m\u00f3bible; as\u00ed cando non se reciban usuarios\u00a0 poderase ampliar o \u00e1mbito de traballo. Estes dous despachos enc\u00f3ntranse comunicados co exterior, permitindo como se dixo anteriormente, un espazo completamente independente para os traballadores.<\/p>\n