{"id":1744,"date":"2012-03-20T09:30:41","date_gmt":"2012-03-20T08:30:41","guid":{"rendered":"http:\/\/aulad.com\/blog\/?p=1744"},"modified":"2013-11-07T19:12:52","modified_gmt":"2013-11-07T18:12:52","slug":"ciclo-de-charlas-coloquio-en-aulad-escola-de-deseno-vanesa-alvarez-diaz","status":"publish","type":"post","link":"https:\/\/aulad.com\/blog\/2012\/03\/20\/ciclo-de-charlas-coloquio-en-aulad-escola-de-deseno-vanesa-alvarez-diaz\/","title":{"rendered":"Ciclo de charlas-coloquio en aulaD, escola de dese\u00f1o: Vanesa \u00c1lvarez D\u00edaz"},"content":{"rendered":"

Recentemente visitounos Vanesa \u00c1lvarez D\u00edaz, antiga e polifac\u00e9tica alumna do centro<\/a> (Promoci\u00f3n 2001\/03) e actual dese\u00f1adora gr\u00e1fica. Impartiu unha charla na que fixo un pequeno repaso de todos os seus traballos ata a data.<\/p>\n

Vanesa comezou a traballar como dese\u00f1adora gr\u00e1fica xunto con outra compa\u00f1eira da escola despois de pasar por empresas como Cadena Ser<\/a>, \u00e1mbalas\u00a0 d\u00faas se asociaron para crear, xa no ano 2004, Estudio Boox<\/a>: un estudo de dese\u00f1o gr\u00e1fico, interior e mobiliario cun pensamento multidisciplinar<\/em>. Nestes momentos Estudio Boox<\/a> disolveuse, digamos, parcialmente, xa que Vanesa segue traballando como freelance e, como ela mesma nos comentaba, nas s\u00faas tarxetas de visita segue aparecendo o nome desta empresa.<\/p>\n

Polo que puidemos comprobar, Vanesa \u00e9 unha dese\u00f1adora con moitas inquedanzas creativas, inquedanzas que van m\u00e1is al\u00e1 da mera funcionalidade do dese\u00f1o, abordando os proxectos de xeito que non consegue tan s\u00f3 xerar pezas enteiramente funcionais sen\u00f3n que, en cada un dos seus traballos, pode chegar a expresar as s\u00faas inquedanzas, gustos ou ideas deixando as\u00ed unha pequena pegada de s\u00ed mesma en todos eles.<\/p>\n

A pesares de ver, digamos, as d\u00faas vertentes do seu traballo -unha m\u00e1is formal onde adoita empregar a tipograf\u00eda como base do dese\u00f1o e a outra, moito m\u00e1is creativa e, quizais persoal, empregando estampaci\u00f3ns e mesmo ilustraci\u00f3ns propias- ten un estilo que, a\u00ednda que adapt\u00e1ndose \u00e1s necesidades espec\u00edficas que cada cliente require, \u00e9 bastante marcado e reco\u00f1ecible.<\/p>\n

Ela mesma c\u00f3ntanos que para dese\u00f1ar calquera dos seus traballos \u00e9 moi importante levar a cabo unha fase previa de investigaci\u00f3n onde sempre debemos intentar po\u00f1ernos na pel do receptor observando os seus gustos e necesidades. Mesmo cita que, e de xeito anecd\u00f3tico, moitas veces ela mesma se fixa en aspectos m\u00e1is persoais e que poder\u00edan pasar desapercibidos, como por exemplo o tipo de cafeter\u00eda que frecuenta cada cliente.<\/p>\n

Aparte da s\u00faa faceta como empresaria (sendo propietaria de La fiesta de los Maniquies<\/a><\/em> (Vigo),\u00a0 e cuxa gr\u00e1fica -como non pod\u00eda ser doutro xeito- \u00e9 obra s\u00faa), tam\u00e9n imparte clases na escola viguesa, Pin Factory<\/a>, que se adica a formar profesionais no mundo da moda.<\/p>\n