Obradoiro para nen@s-instrumentos/mirlitón

Para seguires coa realización de instrumentos na clase do día 09  fíxose un Mirlitón con Manuel Barreiro Chao, profesor de Aula d, , instrumento membranófono feito cun tubo de cana aberto polos cabos e que leva nun deles unha membrá de pel decebola, papel ou plástico finiño que se ata ao tubo cun fío, ao tempo faiselle un burato a poucos centímetros da mebrá por onde imos soprar como cantado. O son que sae resulta da vibración da membrá.

Obradoiro para nen@s. Caras pintadas

 

¡O luns 8 de xullo acudiron ao obradoiro de ne@s, da man de Susana Román Estrada, gatos, paxaros e ata unha vampiresa!.

 Como son as orellas dun gato, o nariz e o rabo? , de que cor pode ser un paxaro, laranxa, azul, vermello…? Como son de longos os cabeiros dunha vampiresa, de que cor e a súa capa…? Os nosos nen@s agora sábeno moi ben tras seres caracterizados polos seus compañeir@s e fotografad@s no set onde posamos saltando, miañando, piando, voando e ata ensinando os perigosos dentes.

Obradoiro para nen@s. Títeres

 

Cantas clavículas temos? Se fose unha e non dúas, poderíamos subir un ombreiro sen baixar o outro? Cantos ósos teñen os brazos e as pernas? analicemos como se moven.

Tras darlles un repaso ás nosas articulacións xa podemos deseñar e construir as  marionetas  de fios, que en definitiva son esqueletes que logo poderemos vestir de seres o caso.

Este obradoiro dirixido polo profesor de aula d Pedro Román compleméntase cos de Experimentación Teatral e Escenografía para levar a cabo un espectáculo de títeres pensado polos nen@s.

 

patio de butacas

 

A golpe de mércores 3 de xullo no noso particular Patio de Butacas dirixido pola deseñadora Susana Román pasouse a película “Dentro do Laberinto” de Jim Henson, pai de marionetas e títeres tan famosos na televisión como Los Teleñecos e “La Rana Gustavo”, “La Cerdita Peggy”, os entrañables “Epi y Blas”, e  no cine como o “Mestre Jedis” máis poderoso da galaxia que foi Yoda.

 A intención desta actividade era amosarlles a estes cativos un tipo de cine que non coñecen, acostumados hoxe en día ás animacións dixitais,  e tamén ao mítico David Bowie autor da música  que bailan os persoeiros da historia da que el mesmo é vilán e protagonista.

 Para  rematar o obradoiro seleccionamos os persoeiros, as escenas e os diálogos máis salientables para recrealos nun mural feito entre todos.

Laboratorio de experimentación teatral

Neste obradoiro achegámonos ao mundo do teatro a través da creación colectiva. Comezamos con exercicios que nos esperten a capacidade de observación e de escoita, que sinto, onde, como?
Espelimos o corpo cun quecemento de pés e articulacións para probar diferentes xeitos de andar… Agora camiñamos a modiño, de súpeto temos moitísima presa , agora coma un robot, agora coma un pingüín a cámara rápida, agora coma…
Que liñas poderíamos debuxar no espazo para mostrar na escena a torre Eiffel?, as Meninas?, e as pirámides de Exipto?, e…?
Traballamos co corpo, co xesto, coa palabra…e sobre todo coa oportunidade que nos brinda o teatro  para contar cousas.
Cantas historias poderíamos elaborar partindo das verbas dun xornal? Pasamos ao guión: escribimos as escenas, construímos as personaxes, como son?. Qué……..?

Obradoiro de música

 

O martes 2 de xullo e dentro do obradoiro de nen@s deu comezo a fabricación de instrumentos musicais organizado polo deseñador e profesor de aula d Manuel Barreiro Chao. Moito antes de que existira o tren eléctrico; a nintendo ou a wii, @s nen@s enredaban entre outros facendo sinxelos instrumentos musicais, para os que empregaban os materiais que encontraban no seu contorno e outros procedentes da reciclaxe, pólas de abeneiro para facer asubíos , canas para facer frautas e carrizos, etc.
Neste obradoiro de música recollemos esta idea e para comezar fixemos un pao da chuvia partindo dun tubo de cartón, uns garabullos e unha mistura de arroz, lentellas e garavanzos.

 

obradoiro de cartón pedra

E para rematar a primeira semana do obradoiro para nen@s o venres 28 de xuño, recibimos en Aula D a visita de Tutankamón, Batman, Spiderman, Bart Simpson e algún Zombi. Tamén pasaron por alí tribos africanas, reis aztecas e bruxas e bruxos dos bosques centroeuropeos, todos para  axudarnos coas caretas que tiñamos que facer no obradoiro de cartón pedra.

Trala aprendizaxe da técnica e realizar os primeiros ensaios, os pequen@s creadores cortaron e pregaron o cartón base. Logo de diluír en auga a cola de carpinteiro e xuntar unha cantidade suficiente de anaquiños de papeis de cores xorden soles rosas, amárelos e mesmo multicolores, o mesmo Tutankamón e algunha máscara africana.

Obradoiro de camisetas

O mércores 27 de xuño asistiron ao noso obradoiro de verán para nen@s , seis novísim@s creadores dispostos a participar no día de luxarse da cabeza aos pés no “Obradoiro de Camisetas”. dirixido pola deseñadora Susana Román.

Falamos entre outras cousas dos “hippies” e dos tipos de impresión máis actuais e decoramos as nosas camisetas de forma artesán, mediante selos feitos con pataca, recortes, cinta adhesiva e por suposto pinturas acrílicas de cores.

A finalidade desta actividade era divertirse aprendendo, misturar as cores primarias para obter as secundarias mailas súas complementarias e concebir unha idea facendo un bosquexo previo antes de pasar ao soporte definitivo, que no noso caso era a camiseta branca.

¡Este verán poderemos lucir as cracións destes pequen@s deseñadores!

 

Tipografía. Letras ao grande

O martes 26 de xuño, no marco do obradoiro de verán para nen@s achegámonos ao mundo da tipografía. Falamos das letras de pao seco e con remates, e repasamos o mundo dos códices cos amanuenses(escribáns) e os iluminadores (debuxantes).

Divididos en grupos de tres, deseñamos unha letra capital (decorada) para reproducir cun tamaño de 1 x 1 m. A silueta das letras realizouse cunha corda flexible que delimita as zonas que posteriormente foron coloreadas con arroz tinguido.

Este é o traballo destes pequenos tipógrafos.

A CIDADE DE ENCARTAR

 O día 25 de xuño amanecía soleado e caluroso. A praza na que se encontra Aula D estaba preparada para acoller a Cidade ideada pola arquitecta Iria Sobrino Fagilde e o seu equipo de pequenos urbanistas para os que tiña preparada a seguinte actividade.

 “O obxectivo didáctico da actividade é que os nenos comecen a ordear os elementos que forman a cidade, de tal xeito que sexan capaces de observar, non só a súa senon tamén as que visiten.

Creemos unha cidade para xogar a partires dun territorio imaxinario: Aquí hai un río, aquí a praia, unha montaña, o camiño, a biblioteca e o parque… saberiamos imaxinar a cidade ao redor? qué fai falla para completar o puzzle? pensemos, deseñemos no chan e construamos con cartón e papel o que consideremos imprescindible para poder xogar con ela.

Hoxe seremos un pouco sociólogos, un pouco urbanistas, un pouco arquitectos, un pouco constructores e un pouco habitantes e paseantes”.

 

Navegación de entradas

1 2 3 4 5 6
Volver arriba