Remata o 3º Curso de Reforma de Vivenda

03

O pasado 8 de xuño rematou o Curso de Reforma de Vivenda que Aula D vén organizando por terceiro ano consecutivo. Na programación desta convocatoria incluíuse ademáis  un módulo introdutorio ao programa de modelado 3D Sketchup, o que aportou un alto nivel de acabado na representación dos proxectos realizados.

Co apoio de exemplos prácticos e clases teóricas de aproximación ao modelo de vivenda contemporánea, así como aos hábitos na forma de vida, profundizouse en aspectos esenciais no deseño de interiores tales como a ergonomía, a articulación espacial, modulación e mobiliario, sistemas construtivos, acabados e instalacións. Cada alumno desenvolveu e expuxo en público o seu propio proxecto de reforma partindo dunha vivenda de 80 m2, para unha hipotética parella que realiza o seu traballo parcialmente na casa e que quere deixar previstas as futuras transformacións no caso de ter descendencia, así como outras necesidades.

Cabe destacar a implicación e resultados obtidos polos participantes neste curso, máis tendo en conta que en moitos dos casos tratábase do primeiro achegamento a un proxecto destas características, algo polo que todo o profesorado quere felicitar a tódolos alumnos e alumnas.

The Plastic Garbage Project

O pasado martes 3 de febreiro un grupo de profesores e alumnos de Aula D asistimos, en visita guiada, á exposición PLASTIC GARBAGE PROJECT na Fundación Barrie.

O plástico é o material do que están formados boa parte dos obxectos que nos rodean e que utilizamos cada día, e co que convivimos xa dende principos do século pasado. Con tódalas súas innegables vantaxes o certo é que nos últimos tempos a súa proliferación, xunto cunha infeficiente xestión dos resíduos derivados deste, provoca unha importante repercusión no medio ambiente e, porén, nas nosas vidas. Seguir leyendo «The Plastic Garbage Project»

«La tabla periódica», un proxecto de Leticia Rodríguez

Dende o vindeiro venres 6 de febreiro permanecerá aberta no espazo polivalente de Aula D a exposición do proxecto “La tabla periódica” da ilustradora Leticia Rodríguez que nola presentará a partires das 12:30 horas dese mesmo día no transcurso da conferencia impartida por ela.

O proxecto “La tabla periódica” consiste nunha colección de cromos con ilustracións inspiradas nos elementos da mesma. Na parte frontal de cada un aparece unha ilustración composta por unha imaxe principal, un fondo estampado e un marco; na parte traseira figuran os datos do elemento químico correspondente.

Leticia Rodríguez é titulada en Bellas Artes e en Conservación Arqueolóxica e actualmente traballa como deseñadora gráfica.

tabla

“PROXECTAR” Exposición de traballos de fin de ciclo 2014

exposicion-proxectos

A conferencia impartida en Aula D o pasado venres 16 de xaneiro polo deseñador de interiores Miguel Cerqueiro sobre o seu proxecto teórico e alternativo “ESPAZO LAB” para o Barrio do Cura de Vigo deu apertura á exposición na que se amosan os traballos de fin de estudos das especialidades de Deseño de Interiores e Gráfica Publicitaria dos deseñadores Miguel Cerqueiro, Yaiza Cruces, Mari Martínez Portela e Raúl Marín, todos eles exalumnos desta escola.
Na especialidade de deseño de interiores, e como proxectos de recuperación do Barrio do Cura de Vigo, Miguel Cerqueiro amosa o proxecto “Laboratorio de Ideas” e Yaiza Cruces o de “BDC  Hostel”. Dentro da especialidade de gráfica publicitaria Mari Martínez Portela expón o seu proxecto “Lembradeira” e Raúl Marín Pazó o de “Khronos ”.

A exposición pódese visitar ata o 8 de febreiro nas instalacións da escola na rúa Ourense, 4 en Vigo.

Seguir leyendo «“PROXECTAR” Exposición de traballos de fin de ciclo 2014»

Conferencia de Alfonso V. Cortizo. «O PROXECTO AUDIOVISUAL»

O próximo xoves 20 de novembro o integrante de A *SOMBRA PRODUCIÓNS  Alfonso V Cortizo, impartirá en Aula D (Rúa Ourense 4) unha conferencia na que amosará algúns dos traballos realizados no eido do videoclip, do documental e tamén  diversos formatos para a televisión ou publicidade, que son algúns dos terreos que transita a empresa audiovisual que comparte con Javier Álvarez.

O audiovisual é un sector en continua transformación, cheo de retos de futuro e en moitas ocasións, a medio camiño entre a creación artística e a industria creativa.

En ocasións, enfrontámosnos a unha realidade complexa nun sector que debera ser estratéxico, e polo tanto, cunha liña clara e constante de apoio institucional”.

Os avances e o abaratamento dos medios técnicos, achegaron aos novos e as novas creadoras á posibilidade de emprender a aventura en solitario, coas moitas dificultades que, como sabemos, implica o auto-emprego. As grandes empresas audiovisuais non están exentas de dificultades e retos.

 Sobrevivir no medio da constante treboada que azouta a cinema e a televisión, máis profundamente en Galicia, precisa dunha grande capacidade de adaptación combinada con importantes doses de enxeño.

Alfonso V. Cortizo leva traballando arredor de 15 anos en diferentes proxectos audiovisuais, moitos deles, a través da empresa que decidiu emprender, a*sombra producións. Actualmente, traballa no guión do que será o seu seguinte traballo, a longametraxe «Contrafaces».

SÉMOLA

Sémola é unha panadería co  enderezo nas rúas Camelias e Marques de Valladades  de Vigo e o seu autor Jairo Bello Alcaide, deseñador de interiores de amplo percorrido profesional é autor  tamén de outros proxectos como :

Clínica Cygom no edificio Aurora na rúa República Argentina, Vigo.
Clínica de Fisioterapia Maio na rúa Areal xunto á nova estación de tren, Vigo.
OneHand compravenda de reloxos e xoias, Vigo.
Centro de Pilates Mussa na rúa Cuba, Vigo.
Restaurante Tábula en Marqués de Valladares, Vigo.
E por suposto Sémola nas rúas Marques de Valladares e Camelias, Vigo.
Actualmente está a traballar en varios proyectos:
Unha xeladería chocolatería, un restaurante “sano”, unha vivenda unifamiliar en Cangas e nun Restaurante en Pontevedra dentro dun museo.

O pasado xoves 9 de outubro impartiu na propia panadería Semola da rúa Camelias unha clase práctica para o alumnado de Aula D, escola na que noutro tempo el mesmo se formara como interiorista. Sobre o terreno explicounos dun xeito pormenorizado a infraestrutura do obradoiro, a súa maquinaria, e o proceso de produción, os criterios de deseño á hora de expor o produto, as intencións á hora de concebir o espazo público, o sistema de iluminación, as características da fachada, a elección das cores e dos materiais de acabado etc.

Foron dúas horas nas que Jairo nos fixo viaxar a través dun proceso de produción, á vez artesanal e contemporaneo e as características do espazo no que amosar e servir o produto resultante.

Día Mundial da Arquitectura

Co gallo do Día Mundial da Arquitectura o alumnado de Aula D asisteu ao paseo sketching organizado polo Colexio de Arquitectos de Vigo (COAG) percorrendo o tramo do Río Lagares comprendido entre a Rotonda de Citroen en S. Andres de Comesaña e o Parque de Castrelos..

Durante o percorrido, os asistentes acompañados polo Presidente do Colexio de Arquitectos Antonio Davila e os organizadores Marta Vilas, Rai Iglesias, Iria Sobrino e Pablo Castro, comprobaron de primeira man como neste tramo o canle do río foi modificado e encaixado nunha ribeira de formigón co gallo do mundial de  futbol celebrado no ano 1982.

Xa pola tarde na sede do Colexio de Arquitectos de Vigo, desenvolvéronse dous relatorios, o primeiro a cargo da representante da Oficina Técnica da Xerencia de Urbanismo do Concello de Vigo Belén González que  fixo unha exposición das posibilidades que ofrece o marco do PXOM aprobado no 2008. O segundo por Iria Sobrino e Anxo de la Puente baixo o lema Xogo Limpo reflexionando sobre o conxunto de circunstancias que atinxen ao río ao longo do seu percorrido e aportando opinións de expertos e presidentes de asociacións de veciños afectadas.

ROSA MOURIÑO. Intervencións na arquitectura popular: caso Maderuelo

 

O vindeiro martes día 14 de outubro  en Aula D escola de deseño terá lugar unha charla sobre conservación e recuperación do patrimonio arquitectónico  baixo o título «intervencións na arquitectura popular – Caso de estudo Maderuelo».

A charla será impartida pola arquitecta e deseñadora de interiores Rosa Mouriño exalumna desta escola . Ao finalizar os seus estudos superiores de Arquitectura especializouse cursando o Máster de Conservación e Restauración do Patrimonio Arquitectónico na Escola Técnica Superior de Arquitectura de Madrid. Realizou diversas ponencias en congresos internacionais sobre o estudo e a protección do Patrimonio Arquitectónico.

Durante a súa etapa como estudante traballou no estudio VRC, en Madrid, o que lle permitiu coñecer o funcionamento dun estudio de arquitectura (adicado fundamentalmente a proxectos de vivenda unifamiliar e rehabilitacións de inmobles, fachadas de edificios singulares, etc).

No ano 2013 conseguiu unha bolsa da Deputación de Pontevedra e traballou no departamento de urbanismo do Concello de Gondomar durante un ano,.

Na actualidade traballa como profesional independente no eido da rehabilitación e da conservación do patrimonio, tentando tamén facer traballlos de divulgación e difusión do mesmo mediante conferencias e publicación de artigos, etc.

 

 

Aula D asiste á inauguración da exposición TRANS – FORMA no Espazo Sirvent

O pasado xoves 25 de setembro o alumnado de AULA D asisteu no Espacio Sirvent á exposición «Objetos – Iconos TRANS – FORMA»  na que colaboran ZANOTTA, empresa protagonista da historia do deseño italiano e a FABRICA, Laboratorio Internacional de Investigación do Grupo BENETTON, na que 17 pezas históricas convertidas xa en clásicos do deseño, foron reinterpretadas  libremente e de forma contemporánea.

No acto de apertura o director da Fundación Luis Seoane David Barro introduciunos na interrelación que existe entre disciplinas tan próximas como o Deseño e a Arte coa conferencia «Arte, Diseño y otras gaitas».

DIDÁCTICA

“DIDÁCTICA” é unha escolma de «arquitecturas debuxadas  para seres comprendidas», realizada pola arquitecta e profesora desta escola Iria Sobrino Fagilde que permanece aberta dende o pasado  12 de marzo e poderedes visitar  ata o próximo 11 de abril no espazo polivalente de aula D.

Para impartires as súas clases de debuxo arquitectónico Iria non borra nunca o encerado porque non o precisa; estende un papel de croquis de gran formato que lle pega diante  con cinta de carroceiro,  saca do bolso unha mina de grafito, algún rotulador e de seres preciso un par de ceras, que amais un vaso de tinta aguada e un pincel, son as súas ferrramentas “didácticas”, as mesmas que pode utilizar o seu alumnado.

Parte deste traballo didáctico recóllese no seu blog unoesningú  do que extraemos o texto de presentación como a mellor maneira de achegarnos a súa traxectoria didáctica:

“Mis asignaturas se han ido convirtiendo en algo más interesante y complicado, que simplemente aprender reglas y técnicas. Cada año destripamos unos cuantos proyectos diferentes para beneficio de l@s alumn@s y de la profesora.

Llevamos unos seis años desarrollando intensamente estas asignaturas y sigo con una deuda pendiente: tenemos poco tiempo lectivo real para llegar al punto de no retorno, a veces la transmisión del deseo de ver es abruptamente interrumpida por la finalización del curso académico y no es la primera vez que l@s alumn@s van paulatinamente perdiendo habilidades de observación e incluso de investigación adquiridas  por dejar de ejercitar el ojo, la mano, el libretismo, el servilletismo…

Soy también profesora de asignaturas de dibujo vectorial, no me asusta la técnica, y tampoco la sacralizo, mi autocad es tan importante como mis lápices, mis bolígrafos, mi cámara de fotos, mis acuarelas, las ceras de mi hija y el pincel de tinta china.

Así que hace tiempo que llevo pensando que si mis alumn@s y exalumn@s ven que yo hago lo que predico, y de paso, van viendo los proyectos que analizamos nuevos, los viejos, los antiguos, los modernos, los contemporános… tal vez consiga que les entre por la vena el grafito”.

U no es ningú Es una obra de Brossa y Tàpies en forma de libro: Prosas de Joan Brossa y dibujos de Antoni Tàpies. Edita La Polígrafa, Barcelona 1979.

Espero que disculpen los autores el robo del poema visual para dar nombre a este espacio creado para compartir visiones y análisis.

Navegación de entradas

1 2 3 4 5 6
Volver arriba