qué é?
O Curso de Introdución ao Deseño é un curso orientado a introducir ao alumnado nos coñecementos teórico-prácticos propios do deseño.
a quen vai dirixido?
A este curso pode acceder calquera persoa que teña interese polo deseño e que desexe obter coñecementos fundamentais para o desenvolvemento dunha labor profesional. Do mesmo xeito, é especialmente interesante para persoas que teñan pensado iniciar estudos afíns (deseño gráfico, deseño de interiores, belas artes, arquitectura, delineación, etc) ou realizar os cursos de Deseño Editorial ou Deseño de Elementos e Espazos Expositivos.
teño que ter coñecementos previos?
Non é preciso dispor de coñecementos previos para realizar este curso. Nas primeiras clases abordaranse os contidos máis básicos e progresivamente iranse introducindo outros máis específicos para rematar cun nivel óptimo para todo o alumnado.
canto tempo dura?
O curso dá comezo o 7 de outubro de 2019 e remata o 4 de novembro. Ten unha duración total de 36 horas lectivas, distribuidas en 9 horas semanais durante 4 semanas.
O horario é de 18:00 h. a 21:00 h. os luns, mércores e xoves.
cal é a metodoloxía do curso?
O proceso de aprendizaxe está baseado nunha mixtura de clases teóricas e informativas, manexo dun programa informático de ilustración (Adobe Illustrator) e clases prácticas. A posta a proba dos coñecementos aprendidos verase reflectida na realización dun proxecto sobre o que se traballará durante o curso.
que vou aprender?
Durante o curso, o alumnado, ademais de obter coñecementos teóricos e técnicos aprenderá a abordar e resolver aquelas cuestións implícitas no proceso de desenvolvemento dun proxecto profesional de deseño, incluíndo as ferramentas informáticas precisas.
hai exames?
Non. Impartiranse contidos teóricos que se verán reflectidos nos exercicios prácticos e o proxecto que se desenvolverá ao longo do curso.
a asistencia é obrigatoria?
O curso é presencial, polo que establécese unha porcentaxe mímima de asistencia do 80%.
que materias se imparten?
Durante o curso impartiranse seis materias, que permitirán abordar os diferentes contidos programados, que son as seguintes:
- Arte e cultura contemporánea
- Teoría da forma
- Creatividade, metodoloxía e comunicación
- Taller de Expresión plástica
- Medios informáticos (Adobe Illustrator)
- Proxectos
quen impartirá as clases?
O profesorado estará formado por profesionáis con longa experiencia, tanto en docencia como no ámbito profesional:Pedro Román (deseñador e profesor no Ciclo Superior de Proxectos e Dirección de Obras e Decoración); Gerardo Pérez Medrano (arquitecto e profesor nos Ciclos Superiores de Gráfica Publicitaria e Proxectos e Dirección de Obras e Decoración); Diego Fernández (deseñador e tamén profesor no Ciclo Superior de Gráfica Publicitaria).
emítese un título ao rematar?
Sí, unha vez rematado o curso o alumnado recibirá un diploma acreditativo emitido pola escola certificando a súa asistencia ao mesmo.
canto custa o curso?
Prezo xeral: 200€
Menores de 18 anos e persoas en situación de desemprego: 150€
Existe a posibilidade de realizar o pagamento das taxas en dúas mensualidades.
hai reserva de prazas?
Xa que o número de prazas é limitado as solicitudes atenderanse por orde de chegada dende o formulario de preinscrición ou a través do enderezo cursos@aulad.com.
como me matriculo?
A matrícula queda formalizada co abono do total da taxas ou da primeira mensualidade, ben na propia escola (r/ Elduayen 36, -1 – acceso por escaleiras en Baixada ó Forte –, Vigo) ou ben mediante transferencia bancaria (conta nº ES79 2080 5085 7330 4002 6857) indicando nome do alumno/a e curso.
Se desexas estar informado/a das novidades e actualizacións neste ou noutros cursos achéganos aquí o teu nome e un enderezo de correo electrónico. Só enviaremosche información sobre os cursos cando estean dispoñibles e sempre que o desexes podes cancelar a túa suscrición.