Este ciclo, pertencente á familia profesional de Comunicación Gráfica e Audiovisual, proporciona ao alumnado unha formación artística e técnica de calidade e garante a cualificación dos futuros profesionais das artes plásticas e o deseño. Por iso o currículo inclúe, amáis dos coñecementos académicos vinculados ao ensino máis tradicional, outros aspectos inherentes á formación profesional, que permiten a incorporación no mercado laboral cun elevado grao de formación, facilitando ao alumnado desenvolverse sen problemas nas diferentes disciplinas que demanda o sector.

O ciclo encóntrase completando o proceso de converxencia coa actual normativa europea incorporando, a partir do curso 2014-2015, o sistema ECTS mediante o que o alumnado disporá, unha vez rematados os estudos,  de 120 créditos no seu expediente.

Na actualidade Aula D é o único centro autorizado en Galicia que imparte este ciclo de acordo co regulamento establecido pola Consellería de Cultura, Educación e Ordenación Universitaria para estes estudos oficiais.