Estás vendo entradas que conteen a etiqueta "ex-alumnos"

O pasado 24 de marzo celebrouse no salón de convencións do Centro de Innovación Cultural (CINC) da Cidade da Cultura de Santiago de Compostela o acto de entrega dos Premios Extraordinarios de Bacharelato, Formación Profesional e Ensinanzas Artísticas, no que foi galardonada a nosa exalumna do ciclo de Proxectos e Dirección de obras de Decoración Fátima Freijomil Lorenzo.

Etiquetado en:
 

No ano 1995 publicábase o libro The end of print, adicado ao traballo do deseñador David Carson no que, dalgún xeito, parecía vaticinarse a fin do traballo gráfico impreso en favor da incipiente revolución dixital. Resulta evidente que aqueles agoiros non chegaron a cumplirse, aínda que é certo que a popularización -e a explosión- global do deseño gráfico viu da man de internet, medio a través do que accedemos diariamente a unha inxente cantidade de produtos gráficos publicados en todo o mundo.

Sen ánimo de restarlle valor a este útil medio dixital, aos que nos adicamos á comunicación visual resúltanos especialmente gratificante ver un bo traballo impreso, tocar o papel e percibir o rastro das tintas flotando no aire, algo que visto exclusivamente coa perspectiva dun presente dixitalizado parece relegar este deleite sensorial ben a unha especie de nostalxia analóxica, ben ao ámbito da artesanía (termo lamentablemente usado en ocasións cun caracter despectivo).

Para Tirso Sánchez Otaegui (San Sebastián, 1972) a parte implícita ao proceso de fabricación dun produto gráfico resulta esencial para a construción dunha linguaxe próxima ao público así como para a re-construcción do contexto urbán e cosmopolita que referencia nos seus traballos, da experiencia vital, das múltiples viaxes, da ida e da volta, da mestizaxe cultural, dos lugares e das súas iconas. Etiquetalo como artista, ilustrador, grafista, deseñador, serigrafista ou artesán é, a día de hoxe, máis un impedimento que unha necesidade para poder contemplar sen prexuizos o excelente traballo deste profesional (e dito sexa con orgullo, exalumno da nosa escola).

En un entorno saturado de imágenes digitales, donde impera el píxel y la resolución, donde las obras son reproducidas mediante máquinas de altísima tecnología, esta exposición pretende ser una voz para volver a los orígenes de la reproducción gráfica. Artesanía, esfuerzo y dedicación nos abren las puertas a la exploración, la creatividad y la realización personal, pero también a los errores y a inevitables frustraciones.

Nada como el olor a tinta fresca por la mañana.

Entre o 27 de marzo e o 2 de maio podedes achegarvos ata as nosas instalacións (Aula D, escola de deseño -Rúa Ourense 4, Vigo) e visitares a exposición Print isn´t dead, unha escolma de 25 serigrafías orixinais producidas por Tirso Sánchez Otaegui entre Vigo e Londres durante os dous últimos anos.
Lembrade que a escola permanecerá pechada en Semana Santa, do 10 ao 17 de abril.

Tamén teremos a oportunidade de escoitar de boca do autor as súas reflexións sobre a experiencia profesional e o proceso creativo nunha charla que terá lugar na escola o martes 4 de abril ás 11:15h. [ACTUALIZADO] 

Etiquetado en:
 

titulos-aula-d

O venres 27 de maio tivo lugar no edificio do antigo Rectorado o acto de entrega de diplomas aos titulados dos ciclos de Gráfica Publicitaria e Proxectos e Dirección de Obras de Decoración de Aula D xunto co alumnado doutras especialidades e escolas da cidade (Escola de Xoiería do Atlántico, Goymar & Tex Moda, Air Hostess, Falcata e Ría de Vigo Golf).

Dende Aula D queremos expresar o noso agradecemento ao alcalde D. Abel Caballero e á concellala de Educacion Dª. Olga Alonso, aos organizadores, ás outras escolas participantes e, moi especialmente, aos nosos alumnos e alumnas quen, tras rematar os seus estudos demostran xa o seu talento día a día no ámbito laboral. Grazas a todos e todas!

Etiquetado en:
 

vanesa-alvarez

O vindeiro venres día 12 ás 19:30h. inaugúrase na galería SOHO (Praza de Compostela 8, Vigo) a exposición Ser es crear, da artista gráfica, deseñadora, e exalumna de Aula D, Vanesa Álvarez Díaz.

Arte e poesía sempre tiveron unha marca palpable nos deseños desta artista gráfica que participou en exposicións de xoiería (premios GZ Crea), fotografía (Casa das Mulleres) na performance “Xardín Segredo” no M.A.R.C.O. (en colaboración con La Canalla) ou en colectivas de cartelismo “Plantemos cara ás armas” no VERBUM.

Nesta exposición, composta por 22 pezas, preséntanos unha retrospectiva das mellores ilustracións de carteis de La Fiesta de los Maniquíes (Cocktail & Music Club en Vigo, centro de lecer e motor cultural vigués dende 2010, e que dirixe co seu compañeiro, o poeta Marcos de la Fuente).

No seu imaxinario adivíñanse viaxes polo mundo, cunha proposta moi icónica que dota de vida corpos, xeometrías e estruturas posmodernistas, coa natureza como axente inspirador. O encontro entre o salvaxe e o urbán desemboca nun paseo a polo universo dos soños que se vai descifrando a través unha visión optimista do mundo que nos rodea.

O feminino reflíctese no seu traballo como unha forza visionaria, con ecos de Barbara Kruger, Cindy Sherman ou Marina Abramovic, reivindicando a figura da muller loitadora e sofisticada. A pasarela de moda, a Bauhaus, Win Wenders, Joseph Beuys, Nam June Paik ou Banksy son algunhas das súas influencias directas.

Esta exposición é tamén unha reivindicación da figura do artista gráfico nas galerías de arte, sexa como un creador directo ou xerador de conceptos artísticos. A creación como principio vital. A creación como fonte de vida ou cando crear é dar existencia á propia obra e a un mesmo.

Etiquetado en:
 

O martes día 5 de abril comeza o Seminario Iniciativa empresarial e práctica profesional do deseño, impartido por Abilio Rodríguez e Bruno Rodríguez, e distribuido en catro xornadas  -días 5, 19 e 26 de abril e 2 de maio, en horario de 16:30 a 19:00-  Neste seminario farase un percorrido por aquelas cuestións que resultan esenciais para aqueles alumnos e alumnas que, tras rematar os seus estudos deciden emprender a actividade profesional por conta propia, facendo fincapé tanto nos aspectos económicos ou fiscais como en aqueles que teñen que ver co propio desenvolvemento da actividade de deseñador.

A este seminario, orientado inicialmente ao alumnado de proxecto final do Ciclo Superior de Gráfica Publicitaria, están invitados tamén todolos exalumnos/as que teñan rematado os seus estudos na escola; para participar só será necesario notificalo no enderezo de correo electrónico da escola, info@aulad.com

Etiquetado en:
 

croa

Despois de catro anos e máis de 30 números editados en formato dixital a revista Croa Magazine, un proxecto sen ánimo de lucro volcado na difusión cultural e dos novos creadores, dirixido pola nosa exalumna Marta Villar, disponse a publicar un número especial de 64 páxinas en formato impreso. Para elo, xa está aberta a convocatoria para colaborar como mecenas na plataforma de crowdfunding verkami, a través da que é posible participar no financiamento obtendo un ou varios exemplares a un custo rebaixado máis outros obsequios adicionais, segundo a cantidade aportada.

O prazo para colaborar nesta iniciativa remata o 25 de marzo e a presentación e entrega dos exemplares realizarase a partires do 15 de abril.

Etiquetado en:
 

seminario-comunicacion

Mañá martes día 19 de xaneiro comeza o Seminario de comunicación e imaxe persoal en entrevistas de traballo. Impartido por Laura Martín os días 19 e 26 de xaneiro e 2 e 16 de febreiro en horario de 16:30 a 19:00,  analizaranse os principais aspectos relacionados coas dinámicas que se desenvolven habitualmente nas entrevistas de traballo e cuxo coñecemento pode resultar decisivo á hora de optar a un emprego.

A este seminario, orientado inicialmente ao alumnado de proxecto final do Ciclo Superior de Gráfica Publicitaria, están invitados tamén todolos exalumnos/as que teñan rematado os seus estudos na escola; para participar só será necesario notificalo no enderezo de correo electrónico da escola info@aulad.com

Etiquetado en:
 

exposicion-proxectos

A conferencia impartida en Aula D o pasado venres 16 de xaneiro polo deseñador de interiores Miguel Cerqueiro sobre o seu proxecto teórico e alternativo “ESPAZO LAB” para o Barrio do Cura de Vigo deu apertura á exposición na que se amosan os traballos de fin de estudos das especialidades de Deseño de Interiores e Gráfica Publicitaria dos deseñadores Miguel Cerqueiro, Yaiza Cruces, Mari Martínez Portela e Raúl Marín, todos eles exalumnos desta escola.
Na especialidade de deseño de interiores, e como proxectos de recuperación do Barrio do Cura de Vigo, Miguel Cerqueiro amosa o proxecto “Laboratorio de Ideas” e Yaiza Cruces o de “BDC  Hostel”. Dentro da especialidade de gráfica publicitaria Mari Martínez Portela expón o seu proxecto “Lembradeira” e Raúl Marín Pazó o de “Khronos ”.

A exposición pódese visitar ata o 8 de febreiro nas instalacións da escola na rúa Ourense, 4 en Vigo.

Continuar lendo »

Etiquetado en:
 

El pasado 14 de octubre la arquitecta Rosa Mouriño, , nos visitó para ofrecernos una ilustrativa exposición de su proyecto de fin de Máster sobre recuperación del patrimonio a través de la conferencia “Intervencións na arquitectura popular. Caso de estudo Maderuelo”. A lo largo de algo más de hora y media explicó cual fué el proceso de aproximación al proyecto, partiendo del análisis del entorno, geografía, clima, tipo de población etc hasta el análisis minucioso de Maderuelo, sentido de sus calles,  diferentes usos de las plazas,  distintos tipos de pavimentación exterior, tipología de sus viviendas o  patrimonio intangible …

Otro aspecto de enorme interes desde el punto de vista didáctico, fue el énfasis que puso en el dibujo como herrramienta para analizar, aproximarse  y detectar determinados aspectos relativos a cualquier proyecto ” hasta que lo dibujas no te das cuenta”.

Antes de cursar los estudios de arquitectura en Madrid, Rosa Mouriño fue alumna del Ciclo de Grado Superior de Proyectos y Dirección de Obras de Decoración en Aula D , por lo que hemos querido recoger alguna de sus impresiones y reflexiones sobre lo que ha supuesto su paso por la escuela:

P: ¿Cómo te interesaste por los estudios de diseño de interiores?

R: Yo empecé en el instituto con un bachillerato mixto en el que había la asignatura de dibujo técnico; en ese momento comencé a interesarme por la arquitectura; me fui a A Coruña a probar suerte pero a los tres años volví a Vigo donde un amigo me recomendó la escuela Aula D.

P: ¿Cómo fue la experiencia en la escuela?

R: Tanto el equipo humano como la relación con mis compañeros muy bien, muy contenta. Debido a que las clases son grupos reducidos, hay mucha cercanía y hasta una cierta familiaridad. Sobre todo me han enseñado a confiar en mi misma y ser minuciosa con mi trabajo, a cuidar el detalle y a trabajar de verdad. Esto es muy útil de cara al futuro, donde te puedes encontrar con los problemas ya expuestos en clase. Sin duda repetiría la experiencia.

P: ¿Qué tal te ha ido en el mundo laboral?

R: Tras finalizar el ciclo de diseño de interiores, me volví a matricular en arquitectura, esta vez en la Universidad Alfonso X en Madrid. Durante todo el quinto curso y fin de carrera he estado trabajando en un estudio, pero con la llegada de la crisis y la falta de empleo, al terminar decidí continuar mi formación con un Máster en Conservación y Restauración del Patrimonio Arquitectónico en la Universidad Politécnica.

Desde 2013 trabajé en un puesto de administración de urbanismo en Gondomar y actualmente desarrollo mi trabajo como autónoma.

P: ¿Algún consejo para el alumnado de la escuela?

R: Aprovechad muy muy bien el tiempo y sed esponjas. Absorbed toda la información posible, ponedle ganas y preguntad siempre. Nunca os vayáis a casa con dudas. Los profesores estarán encantados de ayudaros.

Tu formación depende de TU interés, no de tu escuela o universidad. Esfuérzate por aprender y asegurar tu paso.

Etiquetado en:
 

 

O vindeiro martes día 14 de outubro  en Aula D escola de deseño terá lugar unha charla sobre conservación e recuperación do patrimonio arquitectónico  baixo o título “intervencións na arquitectura popular – Caso de estudo Maderuelo”.

A charla será impartida pola arquitecta e deseñadora de interiores Rosa Mouriño exalumna desta escola . Ao finalizar os seus estudos superiores de Arquitectura especializouse cursando o Máster de Conservación e Restauración do Patrimonio Arquitectónico na Escola Técnica Superior de Arquitectura de Madrid. Realizou diversas ponencias en congresos internacionais sobre o estudo e a protección do Patrimonio Arquitectónico.

Durante a súa etapa como estudante traballou no estudio VRC, en Madrid, o que lle permitiu coñecer o funcionamento dun estudio de arquitectura (adicado fundamentalmente a proxectos de vivenda unifamiliar e rehabilitacións de inmobles, fachadas de edificios singulares, etc).

No ano 2013 conseguiu unha bolsa da Deputación de Pontevedra e traballou no departamento de urbanismo do Concello de Gondomar durante un ano,.

Na actualidade traballa como profesional independente no eido da rehabilitación e da conservación do patrimonio, tentando tamén facer traballlos de divulgación e difusión do mesmo mediante conferencias e publicación de artigos, etc.

 

 

Etiquetado en:
 
Set your Twitter account name in your settings to use the TwitterBar Section.