Probas de acceso aos ciclos de grao superior. Curso 2019-2020

logo

A Dirección Xeral de Educación, Formación Profesional e Innovación Educativa ven de convocar para o mes de xullo a celebración das probas específicas de acceso ás ensinanzas profesionais de artes plásticas e deseño para o curso 2019-2020, que son de interese para os ciclos superiores que ofertamos, de Gráfica Publicitaria e de Proxectos e Dirección de Obras de Decoración.

As probas de acceso ás ensinanzas de grao superior realizaranse na Escola de Arte e Superior de Deseño Mestre Mateo, (rúa da Virxe da Cerca, nº 32, Santiago de Compostela), nos días que se indican a seguir:


3 de xullo: proba de madureza

4 de xullo: publicación das cualificacións.
5 a 8 de xullo: reclamacións.


15 de xullo: proba específica para todas as familias profesionais

17 de xullo: publicación das cualificacións.
17 e 18 de xullo: reclamacións.

Para aquelas/es interesados en cursar estes estudos recoméndase contactar coa secretaría do centro para valorar a súa situación académica e, en tal caso, recibir información detallada sobre as características das probas e o procedemento a seguir para a súa realización.

Na escola realizamos, a comezos do mes de xullo, un curso preparatorio gratuito no que se imparten os contidos necesarios para a superación da proba específica.

Aula D, escola de deseño. Rúa Elduayen 36, -1
Teléfono 986 213 627
info@aulad.com

Probas extraordinarias de acceso ós ciclos – setembro-

proba

A Consellería de Educación e Ordenación Universitaria ven de convocar  para o mes de setembro a celebración das probas específicas extraordinarias de acceso ás ensinanzas profesionais de artes plásticas e deseño para o curso 2018/19, que son de interese para os ciclos superiores que ofertamos, de Gráfica Publicitaria e de Proxectos e Dirección de Obras de Decoración.

As datas relevantes desta Resolución son:

  • Data límite de inscrición: 7 de setembro
  • Proba específica: 11 de setembro

Aqueles interesados/as en cursar algún dos ciclos, e que precisen realizar proba de acceso, podedes comunicalo a través da nosa web, e poñerémonos en contacto para facer a inscrición e informarvos sobre o curso preparatorio (gratuito) que impartiremos a principios do mes de setembro.

logo

8M. Pola igualdade e os dereitos das mulleres.

Rosie-the-Riveter-e1408659267985-b

O vindeiro 8 de marzo convócase una xornada histórica de movilización en defensa dos dereitos das mulleres en todo o mundo.
A escola decidiu, co consenso do alumnado, profesorado e equipo directivo, apoiar esta folga, e contribuir así a reivindicar un sistema social máis xusto, non discriminatorio, igualitario e libre de violencia contra as mulleres en calquera de súas formas.
O centro permanecerá aberto, respectando plenamente a aquelas alumnas e profesoras que secunden paros, totais ou parciais, na súa actividade e facilitando que o alumnado que o desexe faga uso libre das instalacións.
Durante a mañá levaranse a cabo diversas actividades como a proxección de material audiovisual relacionado co movemento feminista e una mesa de debate para expor os temas e problemáticas obxecto desta xornada de reivindicación.

Visita á exposición «Pergamiño Vindel. Un tesouro en sete cantigas»

z-IMG_20171102_132812O pasado 2 de novembro o grupo formado polos alumnos de 1º e 2º curso do ciclo de Gráfica Publicitaria tivemos a oportunidade de visitar a exposición “Pergamiño Vindel. Un tesouro en sete cantigas” no Museo do Mar de Galicia. Nesta visita puidemos coñecer non só a historia e características desta icona da cultura galaico-portuguesa senón tamén o contexto sociocultural no que se enmarca a súa orixe.

Más de 50 piezas conforman esta exposición única, entre las que se incluyen pinturas, documentos, esculturas, obras en madera, elementos arqueológicos y obras de carácter sagrado y profano, entre otras.

Juan Ares y La Canalla comparten su tiempo con nuestros alumnos

Como actividades co comezo do curso 17/18 no presente mes de outubro o alumnado de deseño de interiores, saiu á rúa para visitar Espacio Invisible, estudio do interiorista e deseñador de producto Juan Ares, recién instalado en Vigo na rúa Elduayen, perto do Paseo de Alfonso, logo dirixiuse ao taller de deseño e confección de indumentaria  La Canalla no que nos recibiron os modistos Patricia e Francisco acompañados da súa nai María, a terceira integrante do grupo.

Juan Ares e xa un referente como deseñador de interiores e de producto para o noso alumnado, dende a visita que realizamos ao seu estudio exposición en Boiro o curso pasado, para coñecer a súa liña de mobiliario «An Ocean Projects» e integrala nun dos proxectos realizados durante o pasado curso.

La Canalla, é outro referente para todos nos dende a  súa colaboración coa escola como invitada e protagonista das xornadas de creatividade transversal “cose unha casa habita unha prenda” levadas a cabo no mes de decembro do curso 14-15. Este ano os nosos alumnos estan a realizar un proxecto para tenda taller de indumentaria no que eles son os que en teoría realizan o encargo.

Ao remate da mañán xa no taller de La Canalla, tivemos a oportunidade de nos xuntar con todos eles, para falar de, desexo, coherencia, sostibilidade, reciclaxe, antideslocalización na producción  e outras cuestión que forman parte dos principios que rixen o seu traballo e os convirte en deseñadores comprometidos coa contemporaneidade.

Dar as grazas moi especialmente a María pola súa presenza, porque conversar con ela e  aprender do seu traballo, é sempre unha “clase maxistral”. Unha «lección de vida».

Acto de entrega de títulos 2017


O xoves 1 de xuño desenvolveuse no edificio do antigo Rectorado o acto de entrega de títulos aos estudantes dos ciclos de Gráfica Publicitaria, Proxectos e Dirección de Obras de Decoración, e do Curso de Especialización en Deseño web de Aula D xunto co alumnado doutras especialidades e escolas da cidade.

Queremos expresar o noso agradecemento ao alcalde D. Abel Caballero e á concellala de Educacion Dª. Olga Alonso, á organización do evento, ás outras escolas participantes e, especialmente, aos nosos alumnos e alumnas. Grazas a todos e todas!

5ª Bolsa de Estudos en Deseño Aula D

Aula D convoca a 5ª edición da Bolsa de Estudos en Deseño.

Cúmprense 30 anos dende que a escola comezou a súa actividade aló polo ano 1987; durante este tempo tivemos a oportunidade de formar a numerosos alumnos e alumnas, de organizar exposicións, charlas, de colaborar con profesionais, de disfrutar cada día do Deseño, da Arte, da Arquitectura, da Fotografía… Seguimos adiante, coa mesma ilusión, alimentada por todo isto que tanto nos inspira, e tamén con novos e importantes proxectos á vista que desenvolveremos durante o vindeiro curso.

«Para participar no concurso deberás enviar unha imaxe orixinal que fale do paso do tempo, do pasado e do futuro, que nos amoses aquelo que te motiva a través da creatividade. O importante é que a túa idea sexa orixinal, fuxindo dos tópicos e aportando algo novo, ben polo concepto, pola formalización ou por ámbalas dúas cousas.

A luz, os materiais, a cor, o volume, os usos, as persoas, os lugares, o significado… pensa nestas e outras cousas para cambialas, darlles a volta, ou traballar con elas. Tes liberdade para utilizar calquera técnica, material ou elemento, que pola súa forma, concepto ou contexto, aporte significado á túa idea.»

Concederase unha bolsa de estudos consistente na realización sen custo do primeiro ano nun dos ciclos oficiais impartidos no centro: Comunicación Gráfica e Audiovisual (Técnico Superior en Gráfica Publicitaria) ou Deseño de Interiores (Técnico Superior en Proxectos e Dirección de Obras de Decoración).

As bases da convocatoria pódense consultar na páxina web da escola.
O prazo de admisión de propostas remata o 7 de xullo.

Bolsas de prácticas Pull & Bear

pull&bear-aula d

O vindeiro dia 2 de maio visitaranos unha delegación do departamento de recursos humanos do grupo Inditex interesados en seleccionar alumnado e exalumnado desta escola de cara a unha posible incorporación en setembro no departamento de deseño gráfico textil da marca Pull&Bear, a través de 4 bolsas de traballo remuneradas, a xornada completa e dun ano de duración.

Tras unha presentación farán unha breve entrevista entre os candidatos /as que se axusten aos seguintes requisitos:

  • Alumnado do último o ano ou exalumnado que teña rematado os seus estudos nos últimos 3 anos.
  • Que non teña traballado (con contrato laboral) ou se beneficiara previamente doutras bolsas de traballo como deseñador gráfico.

A presentación e entrevistas darán comezo ás 16:30, e pregamos máxima puntualidade entre os interesados/as.

Se estás interesado/a en asistir, e para facilitar a organización das entrevistas agradecemos que nos facilites os teus datos a través do seguinte formulario.

_________

Abrir publicación

Print isn´t dead. – Exposición de Tirso Sánchez Otaegui

No ano 1995 publicábase o libro The end of print, adicado ao traballo do deseñador David Carson no que, dalgún xeito, parecía vaticinarse a fin do traballo gráfico impreso en favor da incipiente revolución dixital. Resulta evidente que aqueles agoiros non chegaron a cumplirse, aínda que é certo que a popularización -e a explosión- global do deseño gráfico viu da man de internet, medio a través do que accedemos diariamente a unha inxente cantidade de produtos gráficos publicados en todo o mundo.

Sen ánimo de restarlle valor a este útil medio dixital, aos que nos adicamos á comunicación visual resúltanos especialmente gratificante ver un bo traballo impreso, tocar o papel e percibir o rastro das tintas flotando no aire, algo que visto exclusivamente coa perspectiva dun presente dixitalizado parece relegar este deleite sensorial ben a unha especie de nostalxia analóxica, ben ao ámbito da artesanía (termo lamentablemente usado en ocasións cun caracter despectivo).

Para Tirso Sánchez Otaegui (San Sebastián, 1972) a parte implícita ao proceso de fabricación dun produto gráfico resulta esencial para a construción dunha linguaxe próxima ao público así como para a re-construcción do contexto urbán e cosmopolita que referencia nos seus traballos, da experiencia vital, das múltiples viaxes, da ida e da volta, da mestizaxe cultural, dos lugares e das súas iconas. Etiquetalo como artista, ilustrador, grafista, deseñador, serigrafista ou artesán é, a día de hoxe, máis un impedimento que unha necesidade para poder contemplar sen prexuizos o excelente traballo deste profesional (e dito sexa con orgullo, exalumno da nosa escola).

En un entorno saturado de imágenes digitales, donde impera el píxel y la resolución, donde las obras son reproducidas mediante máquinas de altísima tecnología, esta exposición pretende ser una voz para volver a los orígenes de la reproducción gráfica. Artesanía, esfuerzo y dedicación nos abren las puertas a la exploración, la creatividad y la realización personal, pero también a los errores y a inevitables frustraciones.

Nada como el olor a tinta fresca por la mañana.

Entre o 27 de marzo e o 2 de maio podedes achegarvos ata as nosas instalacións (Aula D, escola de deseño -Rúa Ourense 4, Vigo) e visitares a exposición Print isn´t dead, unha escolma de 25 serigrafías orixinais producidas por Tirso Sánchez Otaegui entre Vigo e Londres durante os dous últimos anos.
Lembrade que a escola permanecerá pechada en Semana Santa, do 10 ao 17 de abril.

Tamén teremos a oportunidade de escoitar de boca do autor as súas reflexións sobre a experiencia profesional e o proceso creativo nunha charla que terá lugar na escola o martes 4 de abril ás 11:15h. [ACTUALIZADO] 

XCT!#16 – fin da viaxe

oco diseno

Despois de dúas intensas semanas de traballo nas que todo o alumnado da escola desenvolveu diferentes proxectos a partires da proposta lanzada polos nosos amigos de OCO diseño toca facer un alto no camiño para coller folgos e disfrutar da gratificante sensación que deixa o traballo ben feito. Se ben a experiencia da participación é o que dá sentido a estas xornadas, o vídeo que podedes ver a continuación é un resumo do bo ambiente e a implicación de todos e todas os que fixemos esta viaxe. Grazas a o alumnado, ao equipo docente e, sobre todo a Xan Centrón e Sara Veiga pola súa xenerosidade.

Navegación de entradas

1 2 3 4 6 7 8
Volver arriba