Escaparate en Quality Leds

Aula D e a empresa viguesa de iluminación Quality Leds, asinaron o pasado trimestre un convenio de colaboración consistente na redacción e construción dun proxecto de escaparate baixo a modalidade de concurso restrinxido aos alumnos de 2º curso de Deseño de Interiores. O proxecto debía realzar a luminaria de suspensión Palma da marca Vibia, deseñada por Antoni Arola, exposta no escaparate da tenda.

A proposta gañadora é a de Antía Priegue, que acaba de rematar a montaxe do escaparate, polo que xa é posible admiralo na rúa Romil nº28 en Vigo. Queremos felicitar a Antía pola súa profesionalidade e a Quality Leds por esta iniciativa que permite aos alumnos materializar as súas creacións.

EXTRACTO DA MEMORIA:

Partiendo de la intencion inicial del diseñador de la luminaria, se buscó unir este concepto con la estética de la marca Vibia, generando un elemento en el que convive la geometría y el orden, con lo orgánico y la naturaleza.
Además de esto, también se tiene en cuenta el entorno donde se va a exponer la luminaria, que se encuentra entre otras también expuestas; por lo que se va a buscar una separación física y espacial entre esta luminaria y el resto. Para ello se diseña un plano formado por lamas verticales de madera orientadas y colgadas de un falso techo, con acabado negro continuo, mediante unas estructuras metálicas en forma de V y dispuestas a tres alturas diferentes. Estas lamas se van superponiendo al igual que las estructuras de enganche de una forma aleatoria haciendo guiño a la naturaleza y a su disposición aparentemente desordenada pero manteniendo la geometría de la forma de los elementos (el triángulo y el rectángulo). Finalmente, se decide colocar una planta natural, concretamente una Rhipsalis ya que es una planta que apenas necesita mantenimiento además de que puede llegar a colgar varios metros.

Probas de acceso aos ciclos de grao superior. Curso 2019-2020

logo

A Dirección Xeral de Educación, Formación Profesional e Innovación Educativa ven de convocar para o mes de xullo a celebración das probas específicas de acceso ás ensinanzas profesionais de artes plásticas e deseño para o curso 2019-2020, que son de interese para os ciclos superiores que ofertamos, de Gráfica Publicitaria e de Proxectos e Dirección de Obras de Decoración.

As probas de acceso ás ensinanzas de grao superior realizaranse na Escola de Arte e Superior de Deseño Mestre Mateo, (rúa da Virxe da Cerca, nº 32, Santiago de Compostela), nos días que se indican a seguir:


3 de xullo: proba de madureza

4 de xullo: publicación das cualificacións.
5 a 8 de xullo: reclamacións.


15 de xullo: proba específica para todas as familias profesionais

17 de xullo: publicación das cualificacións.
17 e 18 de xullo: reclamacións.

Para aquelas/es interesados en cursar estes estudos recoméndase contactar coa secretaría do centro para valorar a súa situación académica e, en tal caso, recibir información detallada sobre as características das probas e o procedemento a seguir para a súa realización.

Na escola realizamos, a comezos do mes de xullo, un curso preparatorio gratuito no que se imparten os contidos necesarios para a superación da proba específica.

Aula D, escola de deseño. Rúa Elduayen 36, -1
Teléfono 986 213 627
info@aulad.com

Máis que ver, cen historias do deseño na Galiza

O vindeiro martes 21 de maio, ás 19:30h o deseñador Pepe Barro presentará na escola, da man do Ateneo Atlántico e Xerais, o seu libro Máis que ver, cen historias do deseño na Galiza, unha recopilación de artigos onde profundiza sobre aspectos como a orixe e a evolución dos nosos símbolos identitarios (a bandeira de Galiza, o escudo) e reflexiona sobre outras referencias relevantes na nosa cultura visual dende a perspectiva do deseño e a comunicación.

«Sempre hai máis que ver se usamos os ollos e a cabeza ao tempo, se ollamos con toda a nosa bagaxe cultural. As pezas de deseño gráfico reflicten a cultura dun país, mesmo cando non damos lido as súas mensaxes, fáltannos as claves históricas, tantas veces negadas, ou o coñecemento da linguaxe visual, moi maltratado no ensino regrado. Velaquí cen historias da historia da nosa cultura, cen artigos que son un convite a debullar os códigos da comunicación visual, cen tixolos cos que axudar a levantar a historia da profesión na Galiza».

Entre os seus traballos máis relevantes nos seus corenta anos de exercicio profesional está o deseño do semanario A Nosa Terra, a identidade visual da Universidade da Coruña, os primeiros “cuponazos” da Once, a camiseta da Selección Galega de Fútbol, ou a icónica caixa de ovos do Pazo de Vilane, entre moitos outros.

Presentación do libro Máis que ver, cen historias do deseño na Galiza de Pepe Barro.

Martes 21 de maio, ás 19:30h
Aula D, escola de deseño
Rúa Elduayen 36, planta -1 (acceso por escaleiras laterais)

Entrada é libre ata completar aforo

Curso-Taller de Impresión 3D

A impresión 3D é un dos grandes avances tecnolóxicos dos últimos anos e está supoñendo unha auténtica revolución, non só no ámbito da produción industrial senón tamén xa na pequena empresa e mesmo no ámbito doméstico. O feito de poder deseñar e imprimir unha peza ou un obxecto completo de maneira sinxela e económica abre unha chea de posibilidades en canto a creatividade e novos modelos de negocio e facilita a creación de prototipos ou compoñentes funcionais de produtos rematados.

O alumnado aprenderá a coñecer os diferentes tipos de impresión 3D así como os diferentes materiais e as súas características; a montar e manexar unha impresora 3D de tecnoloxía FDM; a utilizar o software necesario para deseñar e perfeccionar os modelos, e por suposto a imprimir as súas propias pezas e solucionar posibles erros.

Este curso está impartido por profesionáis en activo do ámbito do deseño e produción 3D.

DATA
Do 31 de maio ao 29 de xuño.
Venres de 16:30h a 20:30h e sábados de 10:00h a 14:00h.

Máis información na páxina do curso.

FENTO – Semana da moda sustentable.

O vindeiro venres 26 e sábado 27 de abril o colectivo FENTO celebra a #fashionrevolutionweek , na que colabora a escola, e onde se levarán a cabo diferentes actividades encamiñadas a dar visibilidade e divulgar a moda sustentable galega e reivindicar unha industria téxtil máis xusta e respectuosa co medio ambiente, a economía local e a sociedade.

Agardamos a vosa participación e agradecemos a vosa difusión.


PROGRAMA DO EVENTO

venres 26 de abril

-10:00 a 14:00 Xornada de portas abertas dos talleres de aquí FENTO na que poderás coñecer o traballo de artesáns e marcas que traballan preto de tí.

– 17:00 Cadea téxtil na rúa do Príncipe FENTO Únete ao flasmob co que atravesaremos a Rúa do Príncipe reivindicando unha industria máis xusta.

– 19:00 Presentación do manifesto de FENTO e mesa circular Queremos que coñezades o colectivo FENTO Moda Sustentable Galega e que formedes parte do cambio. Ademáis, falaremos do «pasado, presente e futuro da moda sustentable galega» cos protagonistas da mesa circular. Todo en Aula D

sábado 27 de abril

– A partir das 12:00 Sesión vermuda: ou o que se traduce nunha xornada festiva na praza da Ronda de Don Bosco. Con actividades como: intercambio de prendas, realización dunha prenda colectiva a partir a memoria textil, desfile, photocall e DJ.

Xustiza para Déborah

Déborah Fernández-Cervera era estudante de segundo de Gráfica Publicitaria en Aula D e estaba a piques de rematar os seus estudos. Un maldito día de 2002 desapareceu en Alcabre sen deixar rastro; ninguén podería dar pistas sobre o seu paradoiro. Varios días despois atopouse o seu cadáver a poucos metros da estrada en estranas circunstancias. A policía nunca atopou ao culpable e o caso pechouse ao cabo dos anos.

Agora, a familia quere aportar novos indicios para reabrir o caso https://www.facebook.com/search/top/?q=justicia%20paradeborah&epa=SEARCH_BOX.

A través de change.org tentan chegar a 300.000 sinaturas para enviar ao xulgado de primeira instancia de Tui. Tí tamén podes colaborar coa familia de Déborah. https://www.change.org/p/juzgado-de-primera-instancia-e-instrucci%C3%B3n-no2-de-tui-justiciaparadeborah

Conferencia de Juan Ares

O vindeiro venres 19 de outubro ás 20.15 h no auditorio de Aula D (r/ Elduayen, 36 -1) o interiorista e deseñador de mobles Juan Ares impartirá a conferencia que leva por título Produto da ría con un repaso á súa traxectoria profesional no estudio Espacio Invisible e na firma Juan Ares Marine Design.

Esta conferencia enmárcase no ciclo de charlas e debates adicados a deseñadores, arquitectos, artistas visuais e plásticos, etc… cheos de talento, que colaboran con Aula d.

Navegación de entradas

1 2 3 4 12 13 14
Volver arriba