Cursos de especialización 2020

ESPECIALIZACION-1000

Xa está aberto o prazo de matrícula para os Cursos de Especialización 2020 que darán comezo no mes de xaneiro, dentro do programa de formación contínua da escola. Estes cursos, homologados pola Xunta de Galicia con 3 créditos ECTS, teñen unha duración de 54 horas lectivas e impártense dúas tardes á semana en horario de 18:00h a 21:00h.


Os curso van dirixido a calquera persoa que teña interese polo deseño e que desexe obter coñecementos fundamentais para o desenvolvemento de proxectos persoais ou iniciarse de cara a unha futura labor profesional. Os contidos teóricos compleméntanse co manexo de programas informáticos específicos e máis a elaboración dun proxecto persoal.

O número de prazas por curso é limitado (15) polo que, no caso de estares interesado/a, é conveniente contactar coa escola e facer unha reserva de praza.

A continuación tes os vínculos a cada un dos cursos:

Cursos de Especialización

ESPECIALIZACION-1000

Os días 14 e 15 de xaneiro de 2019 dan comezo os nosos Cursos de Especialización, homologados pola Xunta de Galicia con 3 créditos ECTS.

Os Cursos de Especialización impártense en horario de 18.00h á 21.00h, dous días á semana para un total de 54 horas lectivas. Os contidos teóricos compleméntanse co manexo de programas informáticos específicos e máis a elaboración dun proxecto concreto.

Deseño Web

Deseño Editorial

Ilustración e Banda Deseñada

Deseño de Espazos Expositivos

Curso de Reforma Interior de Vivendas

curso-vivenda

O vindeiro luns 5 de novembro dará comezo o Curso de Reforma Interior de Vivendas en Aula D.

O horario do curso é de 18.00 a 21.00h os luns, mércores e xoves durante todo o mes, para un total de 36 horas lectivas.

Durante o curso faremos un proxecto de reforma dun piso tendo en conta dende a distribución xeral dos espazos ata o mobiliario, instalacións e acabados finais.

Maís info en https://aulad.com/cursos/curso-de-reforma-interior-de-viviendas/

Programación trimestral de cursos

 

2018-cursos

A partir do mes de outubro iniciamos a nosa programación de cursos co Curso de Introdución ao Deseño (CIDE) e o Curso de Reforma Interior de Vivendas, ámbolos dous de 36h de duración.

Se estás interesado/a, podes facer aquí a túa reserva de praza ou de ter algúnha dúbida ou precisar ampliar información podes contactar connosco a través de cursos@aulad.com ou chamándonos ao 986 213 627.

Acceso aos ciclos 2018/2019

logo-dirio-oficial-Galicia

Xa saiu publicada no DOG a resolución que regula o acceso aos ciclos formativos de Artes Plásticas e Deseño para o vindeiro curso. As datas de interese son:

  • Inscrición : ata o 25 de xuño
  • Proba de madureza : 3 de xullo
  • Proba específica : 10 de xullo

RESOLUCIÓN do 7 de maio de 2018, da Dirección Xeral de Educación, Formación Profesional e Innovación Educativa, pola que se ditan instrucións para o acceso e a admisión do alumnado nas ensinanzas profesionais de Artes Plásticas e Deseño para o curso 2018/19.

Curso de Introdución ao Deseño (CIDE)

cabeceras-cide-2016

O vindeiro luns 6 de novembro dará comezo o CIDE, Curso de Introdución ao Deseño que impartimos unha vez ao ano, para aquelas persoas que queren iniciar a súa andaina no eido do deseño.

É especialmente interesante para persoas que teñan pensado iniciar estudos afíns (deseño gráfico, deseño de interiores, belas artes, arquitectura, delineación, etc) ou realizar os nosos Cursos de especialización (de 3 créditos ECTS) de Ilustración e Banda Deseñada, Deseño WebDeseño Editorial ou Deseño de Elementos e Espazos Expositivos.

O curso estrutúrase a partir dos seguintes bloques de contidos:

  • Arte e cultura contemporánea
  • Teoría da forma
  • Creatividade, metodoloxía e comunicación
  • Taller de Expresión plástica
  • Medios informáticos (Adobe Illustrator)
  • Proxectos

Durante o curso realizaremos un proxecto concreto usando unha metodoloxía que permita ao alumnado abordar deseños de calquera tipo.

Máis info en https://aulad.com/cursos/cide/

 

Alguns exemplos de proxectos realizados en cursos anteriores:

Probas de acceso en setembro

 

logo

A Consellería de Educación e Ordenación Universitaria decidiu recentemente convocar (como o ano pasado) para o mes de setembro a celebración das probas específicas de acceso ás ensinanzas profesionais de artes plásticas e deseño para o curso 2017/18, que son de interese para os ciclos superiores que ofertamos, de Gráfica Publicitaria e de Proxectos e Dirección de Obras de Decoración.

As datas relevantes desta Resolución son:

  • Data límite de Inscrición: 8 de setembro
  • Proba específica: 12 de setembro

Inscrición para os ciclos formativos 2017/2018

O venres 9 de xuño saiu publicada no DOG a RESOLUCIÓN do 30 de maio de 2017, pola que se ditan instrucións para o acceso e a admisión do alumnado ás ensinanzas profesionais de artes plásticas e deseño para o curso 2017/18.
Dita resolución regula a inscrición para acceder aos ciclos formativos de Grao Superior que impartimos en Aula D: Gráfica Publicitaria e Proxectos e Dirección de Obras de Decoración.
  • Período de inscrición : do 12 ao 20 de xuño
  • Proba de madureza : 29 de xuño
  • Proba específica : 7 de xullo
En Aula D facemos un Curso Preparatorio (opcional) para superar a Proba Específica dende o 19 ata o 30 de xuño en horario de 10.00 a 14.00h.

Curso de Ilustración e Banda Deseñada

O vindeiro luns 15 de maio dará comezo unha nova edición do Curso de Ilustración e Banda Deseñada en Aula D, os luns e os mércores de 18.00h a 21.00h, cun total de 42 horas lectivas.

Tanto a banda deseñada como o libro ilustrado, veñen experimentando unha importante presenza no ámbito editorial grazas aos novos autores que, nos últimos tempos, están a publicar os seus traballos, incluso máis alá das nosas fronteiras. Este curso ten como finalidade introducir ao alumnado nos coñecementos teórico-prácticos da ilustración e da banda deseñada.

cabeceras-curso-ilustracion

Máis info en https://aulad.com/cursos/ilustracion-e-banda-desenada/

Navegación de entradas

1 2 3 4 7 8 9
Volver arriba