Posts by: aula D

Mañá mércores 28 de febreiro terá lugar nas instalacións de Aula D unha conferencia a cargo de Alberto Montenegro, que xunto con Isabel Giménez é integrante de “AI JOYAS DE AUTOR” . proxecto de longa traxectoria que arrinca a principio da década dos oitenta. A xornada é de portas abertas, polo que estades todos invitados.

cartel joyas de autor.

“As xoias de Alberto Montenegro e de Isabel Jiménez, – AI, Joyas de Autor -, realizadas partindo dunha ampla selección de materiais preciosos – prata, ouro, diamantes e pedras preciosas -, son o resultado dun proceso artesanal, cada vez máis difícil de preservar na joyería actual, que dá a todas as súas creacións un carácter exclusivo, -unhas veces único, outras limitado a series numeradas -, pero sempre cun valor de obra de arte incomparable, que chega ao virtuosismo nas súas creacións escultóricas.
Un reducto de calidade e prestixio, no que se atopan en perfecta harmonía, a máis difícil e esmerada tradición artesanal das pezas feitas a man, co deseño máis vanguardista e elegante dos nosos días”.

Etiquetado en:
 

a-mordiscos

O pasado mércores 8 de outubro o grupo de segundo curso de Deseño de Interiores de Aula D desprazouse ata o restaurante “A MORDISCOS” situado no número 22 da Rúa Real de Vigo.
Durante algo máis de hora e media estivemos falando sobre diferentes aspectos relativos ás necesidades dun local destas características con Ruth Pelegrín, que xunto con Pablo Lago e Antonio Gómez é propietaria deste restaurante que cumpre xa o seu 5º ano de funcionamento.
Os alumnos recolleron e contrastaron información de primeira man para o proxecto dun restaurante que deben realizar como exercicio de clase dentro do módulo de Proxectos. Por unha banda a compra e o almacenamiento, o proceso de preparación, cocción, emplatado na cociña e o pase ao comedor; por outro a recepción e atención de face ao cliente, os tempos de espera e o funcionamento da sala.
Dende Aula D queremos dar as grazas a Ruth e ao equipo de cociña pola súa atención e cordialidade ao dedicarnos o seu tempo e experiencia, poñéndonos en contacto coa realidade do día a día do seu local.

a-mordiscos a-mordiscos (1)descarga a-mordiscos

Etiquetado en:
 

IMG_20180206_104606

O pasado martes 6 de febreiro os alumnos do segundo curso de Deseño de Interiores estiveron inmersos nos mundos do textil, dos acabados vinilicos e do papel pintado a través dunha clase teorico-práctica e monográfica que foi posible grazas á colaboración de “LA CASONA INTERIORISMO” que tivo a xentileza de visitarnos e achegar ata a nosa escola unha ampla selección de catálogos das firmas comercializadas no seu establecemento, no número 13 da rúa Fernando Conde, en Vigo.

No eido do deseño de interiores os acabados son, case sempre, parte inseparable de calquera actuación. A madeira e os seus derivados, os distintos tipos de pedra natural e artificial, e os materiais sintéticos como os plásticos, as gomas ou as resinas, as pinturas, os textiles ou o papel e un longo etc, son utilizados unhas veces como panelados, como aplacados ou revestindo os paramentos verticais, outras veces como remate dos teitos ou adaptándose ao tipo de tránsito no caso dos pavimentos.

As pinturas, os papeis pintados e os textiles son de todos eles os que máis facilmente pódense incluír ou substituír e contribuír así a configurar un ambiente configurar o ambiente, xunto coas cortinas, as alfombras, os tapizados e o mobiliario

Todo este universo de acabados e revestimientos artificiais, cobra sentido cando o traballo de investigación e deseño por parte dos fabricantes é quen de xerar cores, texturas e estampados propios e orixinais afastados das imitacións a materiais cos que non compartirían as mesmas propiedades.

Etiquetado en:
 

O próximo martes 2 de maio as 12:30 horas desenvolverase en Aula D unha charla informativa impartida pola Asociación DOA sobre o labor que ven a realizar dende o ano 1987 en favor da saúde mental das persoas. Ao tempo inaugurarase a exposición “Estampando o noso mundo”, mostra pictórica que amosa como a arte e a plasticidade fánse un camiño que conduce aos ollos do mundo ao través das dificultades.

A mostra xurde nun obradoiro de serigrafías de vivas cores e chamativas imaxes que pretende mostrar o potencial máis inesperado da xente, demostrando uns resultados máis que notables ao plasmar o seu mundo interior ao través da arte como método terapéutico.

Quizais o punto máis notable é o dato de que as obras foron realizadas sen intención ou coñecemento previo de que foran ser expostas, o que nos amosa unha colección de debuxos creados baixo a liberación de todo tipo de presión expositiva ou forzamento estético para o agrado xeral.

Estamos entón, ante o resultado dun desenvolvemento pura e absolutamente terapéutico en todos os seus aspectos, donde o que vemos é o canto de libertade dos creadores das obras e a superación das súas dificultades mediante as mesmas, feitas á súa maneira e baixo os seus prismas personais e íntimos (aficións, horóscopos, sentimentos…)

Estes traballos realizados por Eva María García, Alberto Lestón, Francisco Tomás González. Ana Beatriz, Jorge Lourido, Jesús Alvariño e Juan José Núñez corresponden a un taller impartido por Rebeca Cabaleiro como voluntaria pola facultade de Belas Artes, no Centro Doa, (Asociación de Ayuda al Enfermo Mental) durante o mes de Xuño do 2014 dentro do programa de voluntariado.

cartel doa 17

 

 

 

 

 

Etiquetado en:
 

Trala súa recente chegada a Lisboa, coa que puxeron remate o seu percorrido e antes da publicación do seu libro, co que darán por concluída esta etapa do proxecto, xurde a exposición “Viaxando a media lúa: Unha vida dentro doutra vida”.
Joanna Wójcik, caracterizadora, fillóloga e fotógrafa, xunto con Nelson Bardón, arquitecto e artista plástico, desenvolveron, un ano atrás, o proxecto “Viaxando a Media Lúa” froito da súa necesidade vital, aventureira, artística e de procura de relacións humanas verdadeiras, baseadas na creación de vínculos sinceros que establecen coa paisaxe e a súa veciñanza. Un acariñar á península ibérica nunha viaxe a media lúa dende Xerona ata Lisboa con bicicleta e alforxa, durante o que, han ir descubrindo e rescatando a esencia de cada lugar, dende a súa perspectiva persoal, para ir achegándoa aos seus seguidores a través do súa páxina web e redes sociais; culminando todo iso nun libro cunha estrutura, narrativa, ritmo e fotografías xurdidas dese mirar propio e persoal; facendo que o lector poida revivir a experiencia en primeiro plano e convértase, tamén para el, nunha aprendizaxe vital e emocional.

Plasmar en papel infnitas experiencias e sensacións non é fácil, pero si unha viaxe de varios meses en bicicleta é unha das mellores experiencias da vida, a segunda é compartila.

Para os que están pensando en realizar un proxecto de viaxe deste tipo, utilizando as súas potencialidades, e só lles falta decidirse, ou para os que nin llo suscitan pero teñen curiosidade por coñecer un pouco máis esta experiencia explicada polos seus protagonistas, neste faladoiro-exposición que terá lugar o vindeiro venres 10 de febreiro ás 12,30 horas na Esccola de Deseño Aula D de Vigo, intentarase dar resposta a estas inquietudes.

O material fotográfico xurdido desta viaxe permanecerá exposto, no espazo polivalente da escola, dende o 10 de febreiro ata o 10 de marzo co seguinte horario: de luns a venres de 10.00H ata as 14:00H e de martes a xoves de 16:30 ata as 20:00H.

Joanna Wójcik Joanna Wójcik Joanna Wójcik Joanna WójciklogoVIAJANDOproyecto Joanna Wójcik Joanna Wójcik

CAMERA

CAMERA

 

Como exercicio transversal dos módulos de Teoría do Interiorismo e Debuxo e Cor, o alumnado de 1º do ciclo de Deseño de Interiores propuxeron unha serie de exercicios sobre ilusións ópticas dos que amosamos algunhas das imaxes do proceso dende puntos de vista aleatorios e do resultado final dende o punto de vista concreto, para xerar a ilusión óptica pretendida, e dicir, a percepción de algo que non existe como tal no espazo tridimensional.

Os traballos que amosamos están realizados por Lorena Figueirido e Manuel Solla, Ana Valcarcel e Alejandro Justo, Alba Martínez e Vanessa Leirós e Mara Costas e Nerea Álvarez.

…………………………………………………………………………………………………………………………………………………………………

Lorena y Manuel

……………………………………………………………………………………………………………………………………………………………..

 

ana alejandro

…………………………………………………………………………………………………………………………………………………………….

panel pedro

…………………………………………………………………………………………………………………………………………………………….

mara nerea

 

Etiquetado en:
 

 

O xoves 18 de febreiro o alumnado de 2º de Deseño de Interiores realizou o tradicional percorrido que a Escola ven facendo cada ano ao Barrio Histórico da cidade. Esta vez o percorrido tivo lugar fundamentalmente polos barrios de extramuros, baixando dende o Castelo de San Sebastián ao Paseo de Alfonso para descubrir o Casco Vello e a panorámica da cidade dende a terraza do Asefal. Logo visitamos os Barrios do Cura e Santa Marta, para baixar dende a Igrexa de San Francisco ata a Ribeira. Xa de volta polas rúas San Francisco, a Barroca e Poboadores para adentrármonos nas prazas do Peñasco e Pescadores e decatármonos da súa inmediata relación coa Ribera. Finalmente descubrimos algunhas trazas de continuidade do quefoi o barrio antes de abrirse á rúa Elduayen e dividilo en barrio Alto e barrio Baixo.DSCN9520

Etiquetado en:
 

Ata o próximo 24 de febreiro permanecerá aberta no espazo polivalente de Aula D unha exposición de traballos realizados durante o primeiro trimestre do presente curso dentro dos módulos de Linguaxe e Tecnoloxía Audiovisual e Fundamentos da Representación e a Expresión Gráfica.

A mostra consiste nunha serie de retratos fotográficos persoais, e diversas experiencias de tipo plástico realizadas polos alumnos de 1º de Gráfica Publicitaria: Angel Currás, Ana Domegan, Duarte Escariz, Teresa Fernández, Lucía Ferreira, Antía López, Andrea Martínez, María Mosquera, Noa Sánchez, Paula Santos y Raquel Vilas.

 

Etiquetado en:
 

cartel-nido-web

O xoves 28 de xaneiro ás 12:30 horas visitarán a escola a deseñadora gráfica Noemí Díaz Patiño (Itrynottothink)  e os arquitectos Alberto Cebral e Ramón Viéitez, que impartirán unha conferencia baixo o título DESEÑO HIPERACTIVO. Deseñar contra os elementos e non tirar a toalla. Reinventarse.
No transcurso da mesma presentarán varios proxectos de deseño e non só deseño.
Son socios fundadores de Espacio Nido, situado no Barrio Alto do Casco Vello, estando comprometidos coa promoción deste ao través da páxina web Fairúa, e da Asociación Veciñal, participando na organización de ciclos de cine e teatro levados a cabo na Praza do Abanico
Dende Aula D queremos contar coa participación de todos os que vos queirades achegar á escola e agradecer por adiantado a vosa asistencia.

Etiquetado en:
 

O pasado mércores un grupo de alumnos e profesores da especialidade de Deseño de Interiores de AULA D , levamos as aulas á rúa  deténdonos en distintos puntos da cidade.

Compartimos co deseñador de interiores Jairo Bello preto de hora e media nunha das súas obras en fase de realización, falando do proceso construtivo, de consideracións de tipo proyectual, da inclusión na proposta dalgúns elementos preexistentes e da toma de decisións á hora de concretar os materiais de acabado e a súa posta en obra. Logo viñeron as preguntas sobre estas e outras cuestións relacionadas co desenvolvemento da profesión  e da súa propia traxectoria.

Tamén como toma de contacto e información previa para un traballo desenvolvido actualmente na escola visitamos tres coworkings , o  primeiro deles, VAINA, na rúa Falperra. Recibiunos o deseñador gráfico Juan  Branco que ten alí a súa mesa de traballo compartindo espazo co resto dos compoñentes. Este espazo dedícase no seu maior parte a talleres: pintura, serigrafía, deseño e confección de roupa, ensaios musicais, etc. xunto con outros postos en mesa de oficina.

Logo visitamos ESPACIO NIDO, situado no Barrio Alto do Casco Vello  na Rúa Ferrería, poboado de deseñadores, arquitectos, profesionais da comunicación etc. Con Alberto Cerval, un dos seus integrantes falamos das oportunidades á hora de compartir experiencias, coñecemento e recursos nun espazo compartido. Tamén do proxecto de integración, posta en valor e dinamización do barrio, que impulsan a través da Asociación Casco Vello Alto.

Xa pasadas as trece e trinta horas achegámonos a DINAMO na rúa Ecuador, un local rescatado e repleto de pegadas dos anos sesenta do  pasado século, que aglutina tamén a profesionais de diferentes disciplinas, espazos comúns para reunións ou cursos e unha sala permanente para exposicións, presentacións ou calquera tipo de evento. Grazas a Gonzalo e ao deseñador de interiores Juan Collazo por recibirnos e ilustrarnos durante a visita.

 

 

Etiquetado en:
 
Set your Twitter account name in your settings to use the TwitterBar Section.