Posts by: Diego Fernández

Firewall é unha peza audiovisual interactiva realizada polos artistas Michael P. Allison e Aaron Sherwood. Consiste nunha membrana sintética de spandex a cal actúa como interface dun sistema que, mediante a presión, permite controlar a reproducción de imaxes e son, dun xeito coordinado. As imaxes son xeneradas mediante processing mentres que o son é creado con MAX/MSP; a información recóllese a través dun dispositivo Kinect, o cal é sensible ao nivel de presión que se exerce sobre a membrana, determinando así o tipo de imaxe e son que hai en cada momento. Esta peza, un prototipo, desenvolveuse para formar parte da obra MIZARU, representada polo grupo Purring Tiger, un espectáculo onde se mestura a danza con elementos musicais, audiovisuais e interactivos, e onde se reflexiona sobre a vida, a morte o corpo e a tecnoloxía.

Etiquetado en:
 


Recentemente vimos  de coñecer que a peza de vídeo Paper Lake, na que un dos nosos ex-alumnos, Simón Lara, participa como Director de Arte, foi seleccionada para formar parte da sección oficial do Festival Internacional de Curtametraxes de Berlín, que se celebrará o vindeiro mes de novembro.

Continuar lendo »

Etiquetado en:
 

LABUELAPETRA, residencia artística, é un laboratorio creativo dunha semana de duración que nace da necesidade de varios profesionais do mundo do Deseño, o Audiovisual, a Fotografía e a Comunicación para crear un espazo onde poder desenvolver as súas ideas e inquedanzas artísticas.

O proxecto estase a desenvolver dende o mércores 11 de setembro na rúa Simancas do barrio vigués de Bouzas , e convidados por Iria del BosquePequenabicha” achegámonos para coñecer de primeira man o espazo, xusto antes de que pecharan as portas para iniciar a montaxe das pezas.

Do que poida suceder nesta residencia artística, non vos podemos desvelar máis que o que contén o vídeo que alí gravamos, pero podedes compartir directamente con eles esta experiencia artística a través da súa páxina en Facebook.

RESIDENTES

Martín Rodríguez Vázquez. Diplomado en Guión e Dirección. Director de cine e realizador.
Proxecto: Videocreación. 

Borja Bernárdez. Titulado en Fotografía Profesional. Fotógrafo e artista visual.
Proxecto: Instalación audiovisual.

Iria del Bosque: Técnico superior en deseño e dirección de obras de decoración. Deseñadora de Interiores.
Proxecto: Instalación artística.

Isaura Doampo. Diplomada en Guión e Dirección. Videocreadora e fotógrafa.
Proxecto: Instalación artística.

Ana García Vieiros: Licenciada en Publicidades e Relacións Públicas. Comunicación Audiovisual.
Proxecto: Documentación xeral de LABUELAPETRA.

Etiquetado en:
 

Reunido o xurado do concurso da 1º Bolsa de Estudos en Deseño, convocado por Aula D, e conformado éste por Manuel Barreiro Chao (director do centro), Pedro Román Company (xefe de estudos), Xerardo Pérez Medrano (arquitecto e profesor de Tecnoloxía), Diego Fernández Pérez (deseñador e xefe do dpto. de Gráfica Publicitaria) e Andrea Costas Lago (artista e profesora de Fotografía), acordan conceder unha bolsa de estudos aos seguintes participantes:

– Be Ita (Beatriz Santorun Vázquez)

– Nerea Macabra Elektro Duende (Nerea Paños Boente)

Os primeiros tres finalistas, por número de votos, foron Beatriz Santorun Vázquez (263 votos), Nerea Lorenzo (215 votos), Nerea Paños Boente (211 votos). Os outros tres finalistas seleccionados foron Beatriz Fernández García, Diego Orge Vázquez e Daniel Alonso Pérez.

 

Os catro finalistas que non foron premiados están invitados a asistir ao cursiño monográfico que eles elixan dos que Aula D levará a cabo durante o curso 2013/2014.

Parabéns aos gañadores así como ao resto de participantes.

Etiquetado en:
 

Dende o 5 de xuño estase a desenvolver unha nova edición do Festival Internacional de Fotografía e Artes Visuáis, PHotoEspaña, que comezou a súa andadura no ano 1998 e que xa se consolidou como unha cita imprescindible no panorama artístico contemporáneo.

PHotoEspaña 2013 realiza 74 exposicións coa obra de 328 artistas de 42 países, en cidades como Madrid, Cuenca, Alcalá de Henares, Alcobendas, Berlín, París, e as novas sedes de Lanzarote, Zaragoza e Praga.

O leitmotiv desta edición é “Tu cuerpo es el mensaje”:

la fotografía nació con una vocación hacia la sexualidad, plasmada en el desnudo. PHE13 indaga este año en el erotismo pero también explora la mirada erótica sin cuerpo y, en sentido opuesto, la mirada al cuerpo alejada de todo erotismo

Pero ademáis da programación oficial tamén teñen cabida propostas como a Samsung Real Time Exhibition, primeira mostra de fotografía en tempo real, a cal se actualiza físicamente nunha sala de exposición así como tamén nun espazo virtual a través dunha aplicación en Facebook.

Nesta innovadora proposta foi invitada a participar, xunto a outros artistas, Itrynottothink, o alter ego dunha das nosas ex-alumnas, Noemí Díaz Patiño, que realizará un percorrido en imaxes do seu día a día. As fotografías se mostrarán en tempo real nos dous espazos expositivos, polo que os visitantes poderán ver en directo as actualizacións, facendo que a exposición varíe constantemente ao longo do día.

 

Etiquetado en:
 

Aula D, Escola de Deseño convoca a súa 1ª bolsa de estudos en deseño.
Se che gusta o deseño, a publicidade, a fotografía, o interiorismo, e sobre todo a creatividade…
…tes a oportunidade de obter unha bolsa de estudos para formarte connosco o vindeiro curso, nun dos ciclos oficiais de Grao Superior que impartimos:
– deseño gráfico
– deseño de interiores

Continuar lendo »

Etiquetado en:
 

O pasado 30 de abril tivemos a sorte de que o deseñador e debuxante Iago Araujo dera unha charla na nosa escola sobre os puntos chave á hora de realizar un cómic divulgativo e didáctico como o seu marabilloso proxecto ¿Qué é o comercio xusto? , editado en tódolos idiomas da península e distribuido tanto en España coma en Portugal. A ponencia poñía punto final á exposición do seu traballo no espazo polivalente de aula D durante o mes de abril. Nela puidemos apreciar todo o proceso creativo dun cómic dende os primeiros bosquexos ata o resultado final, pasando polas fases de planificación e estructura, guión, creación das personaxes, escaneado, coloreado, maquetación, etc…

Continuar lendo »

Etiquetado en:
 

Nesta 9º edición do Concurso de Fotografía Xurxo Lobato presentáronse 815 fotografías cun total de 350 participantes. Ao acto de entrega de premios, levado a cabo no Instituto de Monelos, na Coruña, asistiu o rector da Universidade da Coruña, Xose Luis Armesto, e o decano do Colexio de Xornalistas de Galicia, Xosé Manuel Pereiro.

Dende aulaD queremos dar os nosos parabéns á organización do concurso polo seu esforzo en pór en valor, promover e difundir ás novas promesas da creación fotográfica galega.

Tamén felicitamos a cinco dos nosos alumnos que resultaron galardonados na presente edición: Daniel Chapela, Mari Carmen Martínez, Andrés Aguiar e Uxía Benlloch, premiados con cadanseu accésit e, de xeito moi especial, a Sandra González Villanueva, que obtivo o 1º premio co seu traballo Simbiosis, sendo así o segundo ano consecutivo que unha das nosas alumnas acada este recoñecemento.

Etiquetado en:
 

O vindeiro venres 8 de marzo, na Escola de Deseño Aula D -na rúa Ourense 4, baixo, en Vigo-, o grupo tiNGLao, formado por Emilia Guimeráns e Jorge P. Conde, presenta a mostra de traballos de fotocerámica, “A mirada cega”, que forma parte da serie ûRb-vg, composta por imaxes urbanas de Vigo reveladas sobre placa cerámica sen vidriado, mediante a antiga técnica fotográfica da goma bicromatada. A inauguración será a partires das 21:00h e poderase visitar dende o día 8 de marzo ate o día 5 de abril.

Continuar lendo »

Etiquetado en:
 

Este mes remata o prazo de presentación de traballos para a nova edición (e xa vai pola novena) do Concurso de Fotografía Xurxo Lobato. Agardamos que a calidade dos proxectos seleccionados sexa igual de boa, ou se cabe mellor, ca dos do ano pasado onde resultou premiada a nosa alumna Sandra Tomé Argibay cunha serie de imaxes pertencentes ao seu proxecto personal do módulo de Fotografía A trip to the past present. 

Podedes ampliar información sobre o concurso na súa páxina de facebook e consultar as bases neste vínculo.

Etiquetado en:
 
Set your Twitter account name in your settings to use the TwitterBar Section.