Posts by: aula D


O xoves 1 de xuño desenvolveuse no edificio do antigo Rectorado o acto de entrega de títulos aos estudantes dos ciclos de Gráfica Publicitaria, Proxectos e Dirección de Obras de Decoración, e do Curso de Especialización en Deseño web de Aula D xunto co alumnado doutras especialidades e escolas da cidade.

Queremos expresar o noso agradecemento ao alcalde D. Abel Caballero e á concellala de Educacion Dª. Olga Alonso, á organización do evento, ás outras escolas participantes e, especialmente, aos nosos alumnos e alumnas. Grazas a todos e todas!

Etiquetado en:
 

Aula D convoca a 5ª edición da Bolsa de Estudos en Deseño.

Cúmprense 30 anos dende que a escola comezou a súa actividade aló polo ano 1987; durante este tempo tivemos a oportunidade de formar a numerosos alumnos e alumnas, de organizar exposicións, charlas, de colaborar con profesionais, de disfrutar cada día do Deseño, da Arte, da Arquitectura, da Fotografía… Seguimos adiante, coa mesma ilusión, alimentada por todo isto que tanto nos inspira, e tamén con novos e importantes proxectos á vista que desenvolveremos durante o vindeiro curso.

“Para participar no concurso deberás enviar unha imaxe orixinal que fale do paso do tempo, do pasado e do futuro, que nos amoses aquelo que te motiva a través da creatividade. O importante é que a túa idea sexa orixinal, fuxindo dos tópicos e aportando algo novo, ben polo concepto, pola formalización ou por ámbalas dúas cousas.

A luz, os materiais, a cor, o volume, os usos, as persoas, os lugares, o significado… pensa nestas e outras cousas para cambialas, darlles a volta, ou traballar con elas. Tes liberdade para utilizar calquera técnica, material ou elemento, que pola súa forma, concepto ou contexto, aporte significado á túa idea.”

Concederase unha bolsa de estudos consistente na realización sen custo do primeiro ano nun dos ciclos oficiais impartidos no centro: Comunicación Gráfica e Audiovisual (Técnico Superior en Gráfica Publicitaria) ou Deseño de Interiores (Técnico Superior en Proxectos e Dirección de Obras de Decoración).

As bases da convocatoria pódense consultar na páxina web da escola.
O prazo de admisión de propostas remata o 7 de xullo.

Etiquetado en:
 

O pasado 24 de marzo celebrouse no salón de convencións do Centro de Innovación Cultural (CINC) da Cidade da Cultura de Santiago de Compostela o acto de entrega dos Premios Extraordinarios de Bacharelato, Formación Profesional e Ensinanzas Artísticas, no que foi galardonada a nosa exalumna do ciclo de Proxectos e Dirección de obras de Decoración Fátima Freijomil Lorenzo.

Etiquetado en:
 

Nos últimos tempos a tecnoloxía 3d e os sistemas de realidade virtual sufriron un espectacular avance que permíte aos usuarios ter unha experiencia inmersiva nunca antes vista. Pouco a pouco as diferentes industrias están incorporando estas tecnoloxías aos seus procesos de producción e, deste xeito, non resulta extraño atopar modelos de realidade virtual aplicados á arquitectura, o interiorismo, o deseño de vehículos, a medicina e, por suposto, ao ocio, lugar común onde ata agora era máis doado ter contacto con esta disciplina.

Aquelas/es interesados en probar a simulación inmersiva nun espazo 3d podedes achegarvos entre os días 5 e 7 de maio ao Ifevi, onde se celebra o Salón da Construcción de Galicia, SICO, e no que estará presente a empresa viguesa EvasiónVR. No seu stand será posible facer unha visita virtual a diferentes espazos e experimentar as últimas novidades desta tecnoloxía.

Las gafas de realidad virtual HTC VIVE permiten una visión completa del entorno sin efecto mareo, gracias a sus sistema de sensores láser que le da una precisión milimétrica a todos nuestros movimientos en el mundo virtual. Poder agacharse y ver desde cualquier ángulo un objeto no representa ningún problema con estas gafas.
Los mandos nos permiten manipular elementos del entorno virtual como el color y disposición del mobiliario, también sirven para desplazarnos teletransportarnos a otra ubicación ya que el entorno virtual no necesariamente tiene que tener las mismas dimensiones del mundo físico, pudiendo estar en una área real de 4×4 metros pero el entorno virtual de un apartamento completo de 200 metros cuadrados o un chalet de varias plantas.

Etiquetado en:
 

pull&bear-aula d

O vindeiro dia 2 de maio visitaranos unha delegación do departamento de recursos humanos do grupo Inditex interesados en seleccionar alumnado e exalumnado desta escola de cara a unha posible incorporación en setembro no departamento de deseño gráfico textil da marca Pull&Bear, a través de 4 bolsas de traballo remuneradas, a xornada completa e dun ano de duración.

Tras unha presentación farán unha breve entrevista entre os candidatos /as que se axusten aos seguintes requisitos:

  • Alumnado do último o ano ou exalumnado que teña rematado os seus estudos nos últimos 3 anos.
  • Que non teña traballado (con contrato laboral) ou se beneficiara previamente doutras bolsas de traballo como deseñador gráfico.

A presentación e entrevistas darán comezo ás 16:30, e pregamos máxima puntualidade entre os interesados/as.

Se estás interesado/a en asistir, e para facilitar a organización das entrevistas agradecemos que nos facilites os teus datos a través do seguinte formulario.

_________

Etiquetado en:
 

No ano 1995 publicábase o libro The end of print, adicado ao traballo do deseñador David Carson no que, dalgún xeito, parecía vaticinarse a fin do traballo gráfico impreso en favor da incipiente revolución dixital. Resulta evidente que aqueles agoiros non chegaron a cumplirse, aínda que é certo que a popularización -e a explosión- global do deseño gráfico viu da man de internet, medio a través do que accedemos diariamente a unha inxente cantidade de produtos gráficos publicados en todo o mundo.

Sen ánimo de restarlle valor a este útil medio dixital, aos que nos adicamos á comunicación visual resúltanos especialmente gratificante ver un bo traballo impreso, tocar o papel e percibir o rastro das tintas flotando no aire, algo que visto exclusivamente coa perspectiva dun presente dixitalizado parece relegar este deleite sensorial ben a unha especie de nostalxia analóxica, ben ao ámbito da artesanía (termo lamentablemente usado en ocasións cun caracter despectivo).

Para Tirso Sánchez Otaegui (San Sebastián, 1972) a parte implícita ao proceso de fabricación dun produto gráfico resulta esencial para a construción dunha linguaxe próxima ao público así como para a re-construcción do contexto urbán e cosmopolita que referencia nos seus traballos, da experiencia vital, das múltiples viaxes, da ida e da volta, da mestizaxe cultural, dos lugares e das súas iconas. Etiquetalo como artista, ilustrador, grafista, deseñador, serigrafista ou artesán é, a día de hoxe, máis un impedimento que unha necesidade para poder contemplar sen prexuizos o excelente traballo deste profesional (e dito sexa con orgullo, exalumno da nosa escola).

En un entorno saturado de imágenes digitales, donde impera el píxel y la resolución, donde las obras son reproducidas mediante máquinas de altísima tecnología, esta exposición pretende ser una voz para volver a los orígenes de la reproducción gráfica. Artesanía, esfuerzo y dedicación nos abren las puertas a la exploración, la creatividad y la realización personal, pero también a los errores y a inevitables frustraciones.

Nada como el olor a tinta fresca por la mañana.

Entre o 27 de marzo e o 2 de maio podedes achegarvos ata as nosas instalacións (Aula D, escola de deseño -Rúa Ourense 4, Vigo) e visitares a exposición Print isn´t dead, unha escolma de 25 serigrafías orixinais producidas por Tirso Sánchez Otaegui entre Vigo e Londres durante os dous últimos anos.
Lembrade que a escola permanecerá pechada en Semana Santa, do 10 ao 17 de abril.

Tamén teremos a oportunidade de escoitar de boca do autor as súas reflexións sobre a experiencia profesional e o proceso creativo nunha charla que terá lugar na escola o martes 4 de abril ás 11:15h. [ACTUALIZADO] 

Etiquetado en:
 

oco diseno

Despois de dúas intensas semanas de traballo nas que todo o alumnado da escola desenvolveu diferentes proxectos a partires da proposta lanzada polos nosos amigos de OCO diseño toca facer un alto no camiño para coller folgos e disfrutar da gratificante sensación que deixa o traballo ben feito. Se ben a experiencia da participación é o que dá sentido a estas xornadas, o vídeo que podedes ver a continuación é un resumo do bo ambiente e a implicación de todos e todas os que fixemos esta viaxe. Grazas a o alumnado, ao equipo docente e, sobre todo a Xan Centrón e Sara Veiga pola súa xenerosidade.

Un ano máis celebramos na escola as Xornadas de Creación Transversal (antes chamadas Traballo Conxunto), un período onde o alumnado ten a posibilidade de traballar en colaboración con estudantes doutros cursos e disciplinas así como con profesionais e artistas nun proceso aberto, libre e, sobre todo, orientado a xerar proxectos nos que a creatividade actúe como principal ferramenta da comunicación. Nesta ocasión O estudio Oco Diseño será o encargado de abrir as xornadas coa charla coloquio somos-todos-iguales-no-todos-somos-iguales e presentar unha exposición composta por dalgúns dos seus traballos máis representativos que estará aberta ao público ata o 20 de xaneiro do vindeiro ano.

Despois da revolución industrial onde os conceptos de módulo, repetición e traballo en cadea fanse de uso cotián, aparecen novos matices apoiados na continua evolución da tecnoloxía e a informática.

Somos persoas, cada unha diferente, reivindicamos a nosa singularidade. Benvidos ao mundo da personalización.

Sara Veiga e Xan Centrón, estudaron en Aula D, son amigos, socios e fundadores de Oco Diseño e de the nude design

Oco Diseño, é un estudio especializado en proxectos de interiorismo, identidade, deseño gráfico e web.
Con experiencia dende 2002, traballan para diferentes tipos de clientes, tanto nacionais como internacionais, de diferentes sectores, e creando en cada caso equipos multidisciplinares adaptados a cada proxecto.

The nude design é unha tenda on-line de venta de mobiliario e iluminación que se pode personalizar.
Tentan facer partícipe ao comprador no acabado final do produto. Cando alguén entra na tenda pode partir dun moble ou dunha colección gráfica para personalizar, mesturando cores, texturas e ilustracións, conseguindo mais de mil combinacións.

___
Referencias

http://mbesteiro.com/blog/the-nude-design-el-arte-de-vestir-un-mueble/ http://www.emmmestudio.com/blogarchivo/2014/11/20/hablando-con-the-nude-design
https://www.behance.net/gallery/27970367/the-nude-desing-branding
https://www.behance.net/gallery/27979627/the-nude-design-lighting
https://www.behance.net/gallery/27613657/the-nude-design-furniture

cartel-miguel-baixa

 

O venres 21 de outubro ás 12.30h terá lugar en Aula D a inauguración da exposición de fotografía IDOMENI. CAMPO DE REFUGIADOS de Miguel Núñez, que ven a contarnos a súa experiencia na fronteira entre Grecia e Macedonia durante os meses de abril e maio deste ano.

“Fui para documentar y contar historias; para entender qué ocurre y por qué…y para difundir. Sabiendo que ya no son noticia -solo la emergencia vende periódicos- pero tanto yo como otros compañeros, que estuvimos muy cerca y les miramos a los ojos, tenemos la obligación de recordar que aún están ahí, en un limbo. Y no son invisibles. El fotoperiodismo es mas necesario que nunca pero el negocio del periodismo es el que está en crisis y mutando.”

Miguel Nuñez é fotografo freelance con aspiracions como documentalista. Ven do fotoperiodismo local onde traballou e colaborou en xornais como Faro de Vigo, Que , 20 minutos, A Nosa Terra, La Voz de Galicia, Galicia Confidencial, … Tamén colabora coa ONG Agareso.

Podes ver no seguinte enlace a entrevista da TVG que lle fixeron a Miguel Núñez recentemente en Aula D.

http://www.crtvg.es/informativos/conecemos-o-traballo-do-fotoxornalista-galego-miguel-nunez-a-traves-do-seu-proxecto-invisibles-2391470

 
4-bolsa-estudos
Aula D convoca a 4ª edición da Bolsa de Estudos en Deseño.

“Temos fame de ideas, de pratos suculentos e sorprendentes. Buscamos alumnos e alumnas para os que a creatividade sexa algo estimulante, refrescante, e por iso queremos que nos amoses a túa capacidade de ver o mundo cunha perspectiva diferente. Pero a túa idea vai ter máis valor aínda, xa que por cada participante inscrito no concurso da Bolsa de Estudos a escola donará 1 kg. de comida ao Banco de Alimentos de Vigo, de xeito que, aínda que non esteas interesado/a en estudar deseño, estaremos encantados de recibir a túa proposta e que con ela participes nesta iniciativa solidaria e colaborativa.”

Concederase unha bolsa de estudos consistente na realización sen custo do primeiro ano nun dos ciclos oficiais impartidos no centro: Comunicación Gráfica e Audiovisual (Técnico Superior en Gráfica Publicitaria) ou Deseño de Interiores (Técnico Superior en Proxectos e Dirección de Obras de Decoración).

As bases da convocatoria pódense consultar na páxina web da escola.
O prazo de admisión de propostas remata o 8 de xullo.

 

Etiquetado en:
 
Set your Twitter account name in your settings to use the TwitterBar Section.